Ayfs
Assmrs | épice ![]() |
---|---|
Nom scientifique du taxon | Juniperus ![]() |
Rang taxonomique | Anaw ![]() |
Taxon supérieur | Cupressoideae ![]() |
Nom vernaculaire | juniper, Juniperus, 刺柏属, 刺柏属 ![]() |
Synonyme taxinomique | Sabina, Arceuthos ![]() |
Type taxinomique | Genévrier commun ![]() |
URL Germplasm Resources Information Network | https://npgsweb.ars-grin.gov/gringlobal/taxonomygenus.aspx?id=6229 ![]() |
PAEnflowered taxon URL | https://www.paenflowered.org/apgii/pinales/cupressaceae/juniperus ![]() |
Ayfs (nɣ Tayfst, s tsrɣint : عرعر, s tfransist : Genévrier, assaɣ ussnan : Juniperus) iga yan wanaw n imɣayn (anaw n waddagn) ittzdaɣt g taganin da illan g idrarn zund taganin n idrarn n waṭlas. G tasnmɣayt ,ayfs iḍfuṛ i yat tawja n waddagn g illa uggar n 50 n wanaw n taddagin igan id mṛẓgli (ur ittmtatn) izgzawn bdda.
Ayfs dars iẓuṛan sg Marikan, Tafriqt, Asya d Uruppa, taddagt ad ar tlkkm g tiddi sg 4 ar 15 mitru, ilin kra n wanawn n wayfs ilkkm ar 25 nɣ 30 mitru.
iẓẓḍaṛ wayfs a ilkm g tudrt ns ar 1 000 n usggas.
Assaɣ
[ssnfl | Snfl asagm]G tmaziɣt, assaɣ ad "Ayfs" iga assaɣ n wanaw n waddagn, ilma ili assaɣ n taddagt (yat taddagt) "Tayfst" :
Taddagt : Tayfst
Anaw n waddagn : Ayfs
Amzruy
[ssnfl | Snfl asagm]Ayfs iga yat taddagt ilan atig dar igrikn d iṛumin iqqburn, ar ssufuɣn zzit sg yan wanaw n wayfs, ar ssrɣan akccuḍ ns arigg sgis tffɣ zzit. Anaw ad n zzit ar sis truccun willi immutn.
G tizikt, middn iqqburn ar skarn sg wayfs Panaṣya (takuct n usafar g tamiṭulujit tagrikt), lbxuṛ ns ar tnqqant tafgga n ufgan, aman ns (maḥya n wayfs) ard ssufuɣn ibẓḍan sg ufgan.
Ar ttini yat tuxrift mas wanna iɣbbin aqqa n wayfs kudd ass ur jju ra iṭṭaḍn.
-
Ayfs da sg ad ssufuɣn iṛumin d igrikn zzit
Tasnaẓɣuṛt
[ssnfl | Snfl asagm]Assaɣ ussnan n wayfs "jeniperus" ikkad tutlayt talatint tazaykut (ili wassaɣ ad ula dar iṛumin)[1].
Tiwlafin
[ssnfl | Snfl asagm]-
Agummu, ifrawn d ilɣiwn n Wayfs
-
Tilɣit imẓẓin n wayfs f ufasi
-
Yan wanaw n wayfs
-
Taddagt imqqurn n wayfs
-
Anaw n wayfs acinwi
-
Anaw n wayfs
-
Ayfs n ifiniqn
-
Ayfs n ifiniqn
-
Taddagt n wayfs
Tasnalɣa
[ssnfl | Snfl asagm]Ayfs gis tugt n wanawn n waddagn, kudd anaw dars tasnalɣa ns. Amzaray ingr anaw d wayyaḍ illa g tiddi, tasnalɣa n ifrawn d aklu n ifrawn :
- Tiddi : illa wayfs da igzzuln (tiddi ns tga sg 4 ar 5 mitru), ili wayfs da iɣzzifn (tiddi ns tga sg 25 ar 30 mitru).
- Tasnalɣa n ifrawn : illa wayfs da iskrn ifrawn gan zund isnnan, ili wada m ur gin ifrawn zund isnnan.
- Aklu n ifrawn : illa wayfs mi gan ifrawn izgzawn (azgzaw iqqn), ili wayfs mi gan ifrawn umliln issudan s uzgzaw.
-
Tasnalɣa n wayfs
-
Tasnalɣa (anawn) n ifrawn n wayfs
Anzwi
[ssnfl | Snfl asagm]Ayfs izzḍaṛ a iddr s imiqq nɣ s tugt n waman, g tmizar ikrmn nɣ tida ur bahra irɣan. S tɣarast yaḍni ayfs izzḍaṛ a izdɣ g tazɣlt illan ingr -45°Silsyus ar 30°Silsyus [2].
Amawal
[ssnfl | Snfl asagm]- Mṛẓgli : immortel
- Tasnalɣa : morphologie
- Tizikt : antiquité
Isaɣuln
[ssnfl | Snfl asagm]- ↑ François Couplan,Les plantes et leurs noms,Histoires insolites, Quae, 2012, p. 44.
- ↑ https://www.thespruce.com/how-to-grow-and-care-for-common-juniper-5080172