Kibik
Kibik |
---|
Kibik tga tasga Takanaḍit da akkʷ imqqurn ɣ turrut, tucka d ɣ ugmmuḍ n tmazirt, tamẓ sɣ yill uɣris ar iwtta d Marikan, Kibik naḥya tt d ma iɣaman ɣ tmizar n Kanaḍa acku tuggt n imzdaɣn nns kkan d Fṛanṣa, kra n wid gisn ar sawaln Tafranṣiṣt hlli, s lɛks n tsgiwin yaḍnin da sawalnin Tanglizt. Tg tẓugayt n Kibik "Je me souviens" (Ktiɣ d).[1]
Munryal tga tamdint nns mqquṛn, tili ɣ yat tgzirt ɣ iffus n Kanaḍa, ɣ imnaggar wasif n Uṭawa d win San Lawrns. Amaka n tsga ad n Kibik iga ɣar taganin d isaffn d tmdawin, tuggt n ayt dars ar ttzdaɣn ɣ iffus n tmazirt[1].
Tamazirt ad yufa tt ɣ usggʷas 1534, umsiggl Afṛanṣawi Jakk kartyi, ilkm tt s usaka n uslallu n San Lawrns, ɣakud ann ibrrḥ is tga Kibik yat tsga iḍfuṛn Fṛanṣa, awa ɣ usggʷas n 1608 yucka d Samwil ducamblan n Fṛanṣa, ibna gis tiɣrmt n Kibik lli igan ɣass ad tamaẓunt tanamurt n tmazirt[1].