بدھ مت وِچ زنانیاں
بدھ مت وِچ زنانیاں (اردو: بدھ مت میں خواتین) (انگریزی: Women in Buddhism)۔ گوتم بدھ نے بھان٘ویں جو زنانیاں کُوں اپݨی جماعت وِچ جاء ݙِتّی ہئی اَتے مرداں آلی کار زنانیاں وی بھکشونیاں بݨ سڳدیاں ہَن جاں جو حقیقت وِچ بدھ مت دا اصل مقصد زنانیاں کوں مرداں توں پرے رکّھݨ اِی ہئی کیوں جو بدھ مت وِچ تیاڳ اَتے بیراڳ دا ہِک وݙٌا مقام ہِے، حظ نفس دا کائے نِھیں۔ گوتم بدھ نے زنانیاں دی مذمت نئیں کِیتی جاں جو نال نال تجویز ݙِتّی جو لوک زنانیاں دے خطرے توں بچّے رہوِن اَتے جِتّھاں تئیں مُمکن ہووے، زنانیاں تُوں پرے رہوِن۔ بدھ دے وِچار وِچ مثالی حیاتی اُوہ ہِے جو زنانیاں توں پرے رِیہا ون٘ڄے اَتے ممکن ہووے تاں کہِیں وی حالت وِچ اِنّھاں نال مِلّے بغیر حیاتی لنگھائی ون٘ڄے۔[١]
زنانیاں توں متعلق ہِک واری مہاتما بدھ نے اپݨے خاص شگِرد آنند توں آکھیا ہئی: آنند نے آکھیا: "جاں جو ڄیکر اِنّھاں کوں ݙیکھݨاں پووے تاں؟"
بدھ نے فرمایا: "ٻہوں خبردار رہوو آنند۔"
وَل وی مہاتما بدھ نے اپݨے پیروکاراں اَتے گرہستاں کوں اِیہ نصیحت کِیتی ہئی جو جِتّھاں تئیں مُمکن ہووے اپݨی زنانیاں کوں اپݨا ٻیلی سمجھو اَتے اُنّھاں اُتے یقین رکّھو۔ عام بھگتاں (متقیاں) کوں اِیہ نصیحت کِیتی جو اَمّاں اَبّا دی خدمت، ذال اَتے ٻالاں دی سنڳت اَتے پر سکون محنت ای سبھ تُوں وݙّی دُعا ہِے۔
بدھ مت وِچ جِتّھاں ذال مرد دے تعلق اَتے آپتی سلوک کِیتے ٻہوں سارے قاعدے قنُون دا ذکر کِیتا ڳیا ہِے، اُتّھاں ذال کِیتے اپݨے پئے دی تعمیل دا کوئی ذکر کائے نِھیں۔ پئے کِیتے فرمان بہرحال ہِے جو اُوہ اپݨی ذال دے اعتبار کُوں ٹھیس ناں پُچاوے، اِین٘دی عزّت کرِن اَتے اِیکُوں کپڑے اَتے ڳہݨے ݙیوِن۔ ذال کُوں پئے پرستی اَتے کفایت شعاری دی تعلیم ݙِتّی ہِے۔ اَمّاں کِیتے مہاتما بدھ دا احترام ٻہوں اُچّا ہِے۔ بدھ، زنانیاں کوں وی مرداں آلی کار بھکشونیاں بݨین٘دے ہَن اَتے بدھ مت دے مطابق زنانیاں کوں نروان حاصل کرݨ دا ایݙا اِی حق ہِے جیݙا جو مرداں کوں۔ تاریخ ݙسین٘دی ہِے جو بُدھ دی حیاتی وِچ ٧٣ زنانیاں اَتے ١٠٧ مرداں نے نرواں گِھن تے انسانی حیاتی دی بہترین حد توڑِیں پُڄَّݨ دی کوشِت کِیتی ہئی۔ جِہڑیلے بُدھ مت دی تبلیغ تھین٘دی پئی ہئی، اُوں ویلے توں اِی زنانیاں نے سبھ توں وَدھ مالی مدد کِیتی ہئی۔[٢]
بدھ نے پیش گوئی اِیہ وی کِیتی ہئی جو "زنانیاں کوں جَتّھے وِچ رَلاوݨ دا نتیجہ اِیہ وی تِھیسی جو ٥٠٠ ورھیاں دے اندر اندر لوک مذہبی ضوابط کُوں بُھل ویسِن۔"[٣]
ٻِیا ݙیکھو
[لکھو | ماخذ وچ تبدیلی کرو]حوالہ جات
[لکھو | ماخذ وچ تبدیلی کرو]- ↑ https://www.budsas.org/ebud/whatbudbeliev/227.htm
- ↑ Women in Buddhism: Images of the Feminine in the Mahayana Tradition
- ↑ The Buddha's Opinions on Women and Nuns