Helse Bergen, Haukeland universitetssjukehus, har over 14.000 tilsette som har som mål å gi best mogleg helsehjelp til pasientane våre, og rett opplæring til pasientar og pårørande. Kvart år behandlar vi over 900.000 pasientar og bidreg i utdanninga av fleire tusen helsearbeidarar. Forsking og innovasjon er og viktige oppgåver i sjukehuset. Les meir på  www.helse-bergen.no eller facebook.Helse Vest skal så langt som råd avspegle mangfaldet i befolkninga. Vi ønsker å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta.

Norsk intensiv- og kriseregister (NIKreg) er eit nasjonalt register innanfor spesialisthelsetenesta. NIKreg inneheld data om intensivopphald, om pasientar innlagt i samband med krise eller pandemi, og om ressursar i spesialisthelsetenesta. Målsetninga vår er å samle inn data av høg kvalitet og å tilby datasett og analyser som er godt tilpassa dei ulike brukargruppene våre. Per dags dato har registeret åtte tilsette i til saman fem fulle stillingar, der seks av dei tilsette arbeider i Bergen. No har vi ledig ei variert og sentral stilling som rådgjevar med oppgåver knytt til den daglege drifta av registeret. Personen vi søkjer er sentral i registerkvardagen og eit av registeret sine ansikt utad. Du trivs med å følgje opp ulike typar førespurnader, og har evne til å samarbeide med registeret sine tilsette om å svare ut ulike spørsmål. Du sørgjer for system i sakshandsaming, prosedyrer og dokumentasjon slik at den daglige drifta i registeret blir effektiv og av høg kvalitet.

Arbeidsoppgåver

• Kontaktpunkt for registeret, svare ut alle førespurnader
• Kontakt med registrerte, einingar som rapporterer til registeret og brukarar som får rapportar frå registeret
• Arkivere ihht lov og forskrift, halde postjournal oppdatert
• Sende ut informasjon og brev (Epost, ordinær post og digital post)
• Sakshandsaming og dokumentasjon (Elements)
• Halde orden på intern dokumentasjon (Teams, OneDrive, Sharepoint)
• Oppdatere og følgje opp interne prosedyrer og kvalitetssystem
• Planlegge og gjennomføre møter og konferansar, også utanfor Bergen
• Kalle inn til og referere frå møter, også utanfor Bergen
• Oppdatere nettsider
• Bidra i andre delar av registerdrifta ved behov 

Kvalifikasjonar

• Brei erfaring frå kontordrift i ulike funksjonar, eventuelt administrasjon/ledelse
• God kjennskap til spesialisthelsetenesten
• Gode digitale ferdigheiter, evne til raskt å setje seg inn i og beherske nye digitale verktøy
• Norsknivå B2 munnleg og skriftleg
• Stillingar i NIKreg forutset sikkerheitsklarering.

Personlege eigenskapar

• God til å kommunisere uavhengig av kva bakgrunn dei du møter har
• God evne til samarbeid
• Effektiv i sjølvstendig arbeid
• Kunne trivast med å søgje for effektivitet og god kvalitet i den daglege drifta på kontoret

Vi tilbyr deg

I NIKreg legg vi vekt på eit godt arbeidsmiljø der gode sosiale relasjonar er ein naturleg del av arbeidsplassen. Vi legg til rette for både fagleg og personleg utvikling. I denne stillinga er det viktig med tilstedeværelse på kontoret inkludert kjernetid, men noko heimekontor kan være aktuelt. Reising både i og utanfor Noreg er ein naturleg del av registerdrifta for alle tilsette.

Vi oppfordrar alle søkjarar til å nytte Vitnemålsportalen for å laste opp vitnemål og karakterutskrifter. Ved å bruke Vitnemålsportalen sikrar du at dokumenta dine er verifiserte og oppdaterte. Du finn meir informasjon om korleis du brukar Vitnemålsportalen på www.vitnemalsportalen.no. Har du har tatt utdanning i utlandet, må du leggje ved godkjenning frå UDIR/NOKUT i søknaden. Om du ikkje finn alle dine relevante vitnemål i Vitnemålsportalen, kan du laste dei opp som eigne vedlegg til søknaden. 

Mangfaldserklæring

Føretaksgruppa i Helse Vest ønskjer å spegle mangfaldet i befolkninga i rekrutteringa vår. Vi oppmodar alle som er kvalifiserte til å søkje ledige stillingar uansett kjønn, alder, funksjonsevne og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønskjer å leggje til rette for inkluderande rekruttering.

Webcruiter-ID: 4825369794

Søk på stillingen

Kontaktinformasjon

• Eirik Alnes Buanes (Overlege), E-post: [email protected]