Pedro Calungsod
Saint Pedro Calungsod | |
---|---|
Ikalawang Pilipinong Santo, Legong Katekista, Sebidor ng Altar, Martir | |
Ipinanganak | Hulyo 21, 1654 Molo, Iloilo o Ginatilan, Cebu, Kapitaniya Heneral ng Pilipinas |
Namatay | 2 Abril 1672[1] Tumon, Guam, Kapitaniya Heneral ng Pilipinas | (edad 17)
Benerasyon sa | Simbahang Katoliko |
Beatipikasyon | ![]() |
Kanonisasyon | ![]() |
Pangunahing dambana | Cebu Archdiocesan Shrine of Saint Pedro Calungsod, Archbishop's Residence Compound, 234 D. Jakosalem St., Cebu City 6000 PH |
Kapistahan | Abril 2 |
Katangian | Palad ng martir, sibat, itak, aklat ng dokrina christiana, rosaryo, Kristograma, krusipiho |
Patron | Batang Pilipino, Katekumeno, sakristan, Pilipinas, Pilipinong Manggagawa sa Ibayong-dagat, Guam, Cebuano, taga-Bisaya, Arkdyosis ng Cebu, Pury, San Antonio, Lalawigan ng Quezon |
Si San Pedro Calungsod o San Pedro Calonsor (kapanganakan: Hulyo 21, 1654[2] – kamatayan: 2 Abril 1672) ay isang Pilipinong migrante, karpintero, sakristan at misyonaryong katekistang Katoliko na naging martir kasama si Beato Diego Luis de San Vitores noong 1672. Sa pamamagitan ng kanilang misionaryong gawain, maraming Chamorros ang naging Romano Katoliko. Si Calungsod ay tinanghal na beato ("pinagpala" o "mapalad") ng Santa Iglesia Romana Katolika noong 5 ng Marso, 2000 ni Beato Papa Juan Pablo Segundo at nakatalaga siyang gawing Santo ni Papa Benito XVI sa Oktubre 21, 2012. Ang calendario ng Martiriologia ng Romana Katolika ay hinirang ang kanyang fiesta sa ika 2-ng Abril cada taon.
Ayon sa mga dokumento, si Calungsod ay isang "Cebuano". Siya ay pinanganak sa Cebu. Si Calungsod ay sumama sa mga paring Hesuita at dahil siya ay nagsilbi kasama ang Hesuitang ordenes, maaaring nakasalamuha niya ang mga ito sa isa sa mga paaralang itinatag nila sa Cebu, Iloilo, o Bohol. Kasama siya sa mga binatilyong katulong ng mga paring Heswita na pumunta sa Guam noong 1668. Sa kanilang pagpupunyagi ay marami ang nakatanggap ng mga Sakramento lalong lalo na ng Binyag.
Ang balak na pagpatay sa kanila ay nagsimula sa isang Tsino na nagngangalang Choco ay nagpakalat ng mga maling paratang na ang mga misyonero ay nilalason ang mga katutubo sa isla sa pamamagitan ng kanilang pagbubuhos ng tubig (i.e. binyag)at sa ritwal ng Banal na Misa. Noong ika-2 ng Abril 1672, dumalaw si Padre Diego at Pedro Calungsod sa Tumhon. Napag-alaman nila na merong bagong ipinanganak doon kaya pinuntahan nila ang ama na si Matapang. Siya ay dating Cristiyano at kaibigan ng mga misyonero ngunit dahil sa mga maling paratang ni Choco ay tumiwalag. Hindi siya pumayag na binyagan ang kanyang anak at pinagbantaan niya si Padre Diego na punong-puno na siya sa pangangaral ng mga misyonero. Kaya umalis sina Padre Diego at Pedro at tinipon ang mga kabataan at iilang nakatatanda sa dalampasigan para awitin ang doktrina. Inanyayahan pa ni Padre Diego si Matapang na sumali ngunit galit itong tumanggi. Pinuntahan ni Matapang ang isang kaibigang si Hirao upang hikayating sumali sa tangkang pagpatay sa mga misyonero. Nung una, tumanggi si Hirao dahil sa kabaitan ng mga misyonero. Subalit nang tinawag siyang duwag ni Matapang ay sumangayon na rin. Habang wala si Matapang, bininyagan ni Padre Diego ang bata nang may pahintulot ng ina. Nang dumating si Matapang at nalaman niya ang nangyari, sinugod nila ang mga misyonero. Una nilang pinagtuunan ng pansin si Pedro dahil maaari nitong ipagtanggol si Padre Diego. Makisig na naiwasan ni Pedro ang mga sibat at maaari pa daw sana siyang tumakbo. Sa huli ay tinamaan siya sa dibdib at natumba. Doon ay tinaga ni Hirao ang kanyang ulo. Bago siya binawian ng buhay ay binendisyonan siya ni Padre Diego. Pagkatapos, tinangka ni Padre Diego na hikayatin sina Matapang at Hirao na magbalik-loob sa Diyos. Ngunit sinibat din siya at tinaga. Kinuha ni Matapang ang suot na krusipiho ni Padre Diego at dinurog ito. Hinubaran nila ang katawan ng mga misyonero, tinalian ng malalaking bato, dinala sa dagat, at tinapon. Nung hapon ding yon, may kasama silang dumating sa Tumhon at doon niya napag-alaman ang nangyari kay Padre Diego at Pedro.
Ayon sa historisidad ng mga dokumento sa Roma, si Calungsod ay gumamit ng sinaunang Katekismo na tinawag na Doctrina Christiana. Ito ay ang unang simpleng libro ng katekismo na gamit ng mga religiosos nuong araw pa itatag ang Cristianismo sa Pilipinas. Dahil sa pagkamatay ni Calungsod ayon sa sakripisyo para sa relihiyon ng Romana Katolika, siya ay tinanghal na "In Odio Fidei" ng Roma. Ito ay nagsasabing sya ay namatay ng dahil sa galit ng mga taong ayaw sa Christianong relihiyon at pananampalataya. At ng dahil sa kanyang uri ng pagkamartir at pagkamatay, hindi siya hiningan ng prueba ng Roma para patunayan na siya ay isang Beato. Ngunit kinailangan syang hingan ng prueba para maging tituladong Santo, na siya namang naganap nuong 2003 sa pamamagitan ng isang babaeng negosyante na di umanoy nabuhay pagkatapos mamatay ng dahil sa sakit na stroke at comatose.
Sinimulan ang proseso ng beatipikasyon ni Padre Diego noong 1673. Ngunit dahil sa kaguluhan at sa pagpapalayas ng mga Heswita, ito ay nahinto. Sinimulan lamang ito muli noong 1980s at nagtagumpay sa beatipikasyon ni Padre Diego noong ika-6 ng Oktubre 1986. Doon rin bumalik sa alaala si Pedro Calungsod. Dahil ang Guam ay dating bahagi ng Diyosesis ng Cebu, pinangunahan ni Ricardo Cardinal Vidal, ang arsobispo ng Cebu, ang pagbubukas ng pag-aaral tungkol kay Calungsod. Noong 1997, itinalaga ni Cardinal Vidal si Padre Ildebrando Jesus A. Leyson bilang vice postulator na siyang susulat ng opisyal na ulat tungkol kay Calungsod. Isinangguni ito sa Congregation for the Causes of Saints at noong Enero 2000 inaprubahan ni Beato Juan Pablo II ang dekreto na tunay ngang martir si Pedro Calungsod.
Bineyatipikahan siya ni Papa Juan Pablo II noong ika-5 ng Marso, taong 2000. Ayon sa Calendario ng Martires ng Santa Iglesia Romana Catolika, si Calungsod ay inaalaala tuwing ika-2 ng Abril, ang araw ng kanyang kamatayan. (Ngunit kung ang ika-2 ng Abril ay nakapaloob sa Semana Santa, ito ay ipinagdiriwang sa Sabado bago ang Linggo ng Palaspas para magbigay respeto sa Linggo ng Pagkabuhay na hindi kasali sa bilang ng 40 araw ng Cuaresma.)
Noong Disyembre 1900, inanuncio ni Cardinal Tarcisio Bertone ang pag aprubaha ni Papa Benito XVI sa pagbusising ginawa ng Congregacion para sa Causa ng mga Kasantuhan sa isang himalang nakamit umano sa pamamagitan ng pagdulog kay Beato Pedro Calungsod. Ito ay ang paggaling sa loob lamang nga dalawang oras ng isang ginang na idineklarang "brain dead." Noong Pebrero 18, 2012, ipinaalam ng Santo Papa ang kanyang pasyang pagtalaga ng mga bagong Santo kasali na dito si Pedro Calungsod sa ika-21 ng Oktubre 2012. Siya na ang ikalawang Santong Pilipino at una mula sa Kabisayaan pagkatapos matanghal si San Lorenzo Ruiz de Manila ni Beato Papa Juan Pablo Segundo nooong 1987."
Mga sanggunian
[baguhin | baguhin ang wikitext]- ↑ Maling banggit (Hindi tamang
<ref>
tag; walang binigay na teksto para sa refs na may pangalangCarlomagno Bacaltos
); $2 - ↑ Blessed Pedro Calungsod Ni Emy Loriega / The Pacific Voice