Bryan Adams
Bryan Guy Adams, (Kingston, 5 novenbre 1959) el ze un cantaudor , ghitarista, armoneghista, somejaro e ativista canadeze.
Adams el ze devenjùo famozo in Nord America co'l só àlbun de'l 1983 Cuts Like a Knife e el ze devenjesto na star mondiałe co'l só àlbun de'l 1984 Reckless, che'l ga produzesto algune de łe só canson pì famoze, tra cui Run to You, Summer of '69, It's Only Love e el só primo nùmaro uno Heaven.[1] Inte'l 1991 el pùblega Waking Up the Neighbours, àlbun che'l includeva (Everything I Do) I Do It for You, uno dei singołi pì vendùi a'l mondo,[2][3] el resta par sèdaze setimane consecutive a'l top de ła Official Singles Chart, record tutora inbatùo, e 72 setimane inte ła top 20.[4] Adams el ga anca razonzesto ła pozision nùmaro uno de ła Billboard Hot 100 co i singołi All for Love e Have You Ever Really Loved a Woman?; altri singołi de suceso i ze Can't Stop This Thing We Started, Please Forgive Me, I Finally Found Someone, When You're Gone e Here I Am.[5]
El suceso discogràfego el razonze i apisi in Canada, Austrałia, Gran Bretanja, Irlanda, India, Portogało, Zarmània e Stati Unìi. In azonta in trentasincue ani de cariera el ga vendùo oltra 100 miłion de dischi, fra àlbun e singołi, in tuto el mondo.[6][7] Inte'l 2008 el se clasifega a'l 38º posto inte ła łista de l'All-Time Top Artists, inte'l corso de'l 50º anivarsario de ła Billboard Hot 100 Charts.[8] Inte'l 2015 el se clasifega a'l 42º posto inte ła łista de ła Greatest of All Time Hot 100 Artists de Billboard.[9] Fin dai inisi de'l só parcorso muzegałe, insieme a'l só amigo Jim Vallance, el ga scrito e co-prodoto canson par artisti come Kiss, Tina Turner, Mötley Crüe,[10] Joe Cocker, Bonnie Raitt, Céline Dion,[11] Rod Stewart, Bonnie Tyler, Loverboy, Laura Pausini, Carly Simon, Ronan Keating, Neil Diamond, Johnny Hallyday, Bruce Springsteen, George Michael e Zucchero Fornaciari soło par sitarne alguni. Ła partnership Adams-Vallance, ła ga vinto el mazor nùmaro de SOCAN Awards inte ła storia: 28.[12]
Biografia
[canbia | canbia el còdaxe]![](http://upload.wikimedia.org/wikipedia/commons/thumb/9/97/Bryan_Adams_2022.png/220px-Bryan_Adams_2022.png)
El nase da zenidori anglezi: Elizabeth Jane (nasùa Watson) e el capitan Conrad J. Adams, emigrà in Canada da Plymouth, in Inghiltera inte i ani '50. Só pare de Adams, un ofisiałe de Sandhurst inte l'ezèrsito britànego, el se ga unìo inte l'ezèristo canadezo e drioman el ga pasà el só tenpo cofà osarvador de łe Nasion Unìe par el mantenjimento de ła paze in Canada, che ło ga portà a deventar un diplomàtego canadeze foresto.
Adams el ga viazà co i só zenitori in posti diplomàeghi a Łizbona, in Portogało (ndove che'l ga frecuentà ła Carlucci American International School of Lisbon)[13] e Viena, in Austria, inte i ani '60 e a Tel Aviv, in Izraełe inte i primi ani '70.[14]
Cresùo a Ottawa, Adams el ga frecuentà el Colonel By Secondary School inte'l cuartier de Beacon Hill a Ottawa. Inte'l 1974, Adams, só mare e só fradeło minor Bruce i se ga trasferìo a North Vancouver mentre só pare l'è stà mandà a l'èstaro.[15][16]
Adams el ze vegano da 30 ani; el ga mołà de manjar carne e łatisini inte'l 1989. El ga contà de łe só espariense co ła dieta a baze vezetałe inte na intarvista a Vegan Life Magazine inte'l 2016:A go conpìo 57 ani 'sto ano e łaoro fiso, son senpre in movimento ma go tonełade de enerzìa parché son a baze vezetałe. Ła ze asołutamente ła mejo roba che ti posi mai far par ti steso. El ze un gran parcorso., op. cit., Bryan Adams[17]
Adams no el se ga mai spozà. Inte i ani '90 el ga avùo na rełasion co ła modeła daneza Cecilie Thomsen. Adams e Alicia Grimaldi, só ex asistente parsonałe e deso cofondadora de ła The Bryan Adams Foundation, i ga avùo ła só prima fia inte l'apriłe 2011 e ła só segonda fia inte'l febraro 2013.
No A son mai stà inamorà de l'idèea de èsar na sełebrità., op. cit., Bryan Adams[18]
Notasion
[canbia | canbia el còdaxe]- ↑ (EN) 30 Years Ago: Bryan Adams Releases His Only No. 1 Album, ‘Reckless’, ultimateclassicrock.com. entrada il 22 novembre 2014.
- ↑ (EN) Alltime Track Chart, mediatraffic.de. entrada il 22 novembre 2014.
- ↑ (EN) United World Chart - 1991, mediatraffic.de. entrada il 22 novembre 2014.
- ↑ (EN) This Day in Music Spotlight: Bryan Adams' Summer of '91, gibson.com. entrada l'11 agosto 2014 (archivià dal URL orizenałe il 15 de setenbre 2011).
- ↑ (EN) United World Chart - 1993, mediatraffic.de. entrada il 22 novembre 2014.
- ↑ (EN) Nick Krewen, Brian Chater helped build Canadian music industry, Toronto Star, 10 settembre 2013. entrada il 13 novembre 2014.
- ↑ (EN) Bryan Adams BiographySongkick. entrada il 19 maggio 2020.
- ↑ (EN) Billboard Hot 100 All-Time Top Artists, listal.com, 13 settembre 2008. entrada il 30 novembre 2015.
- ↑ (EN) Greatest of All Time Hot 100 Artists, Billboard. entrada il 27 dicembre 2016.
- ↑ Motley Crue Glitter.
- ↑ Celine Dion - Let's Talk About Love (archivià dal URL orizenałe il 9 de zenaro 2013).
- ↑ (EN) 'Reckless' Duo Bryan Adams and Jim Vallance, Sugar Sugar's Andy Kim Win Top Honors at SOCAN Awards, Billboard, 21 giugno 2017. entrada il 21 giugno 2017.
- ↑ CM Jornal - A Escola Portuguesa de Bryan Adams.
- ↑ (EN) Simon Hattenstone, Interview: Bryan Adams, in the guardian, 8 luglio 2002. entrada il 2 luglio 2019.
- ↑ (EN) Bryan Adams drops his nostalgia bombs in Vancouver show - The Globe and Mail, in The Globe and Mail. entrada il 2 luglio 2019.
- ↑ (EN) Bryan Adams's mom rocks!, in The Globe and Mail, 7 maggio 2005. entrada il 2 luglio 2019.
- ↑ (EN) Jodi Monelle, Bryan Adams promotes veganism millions fans latest facebook post, livekindly.com, 2 dicembre 2017. entrada il 18 luglio 2019.
- ↑ (EN) Bryan Adams Quotes, BrainyQuote. entrada il 7 febbraio 2016.