Trenitałia
![](http://upload.wikimedia.org/wikipedia/commons/thumb/e/e3/ECBaselMilano.jpg/320px-ECBaselMilano.jpg)
Trenitałia el xe el principałe operador feroviario drento del Stato itałian. Trenitalia a xe propiedà de Ferrovie dello Stato, che a so olta el xe propiedà del Goerno Itałian. A xe stà creà intel 2000 par ndar drio a ła diretiva de ła Union Eoropea respeto a ła disregołasion del transporto feroviario. Ferrovie dello Stato a se ga convertio inte on holding chel controła treni (Trenitałia) e ła rete feroviaria (Rete Feroviaria Itałiana), par exenpio.
Intel 2004 Trenitałia S.p.A. disponea de 56 000 dipendenti (l'intiero Grupo Ferrovie dello Stato S.p.A. ga avuo on númaro de dipendenti chel xe rivà a ła ponta maxima de sirca 235 000. Senpre intel 2004, Trenitałia S.p.A. ła ga dichiarà on faturà de oltre 4 miłiardi de euro, pari donca al 95% del faturà consołidà dal intiero Grupo Ferrovie dello Stato S.p.A. So el livro Itałiopołi de Ołiviero Beha el xe cità on dèbito de 2 miłiardi de euro atual, pì naltro de 5 miłiardi de euro pa łe òpare xà contratà.
Criteghe
[canbia | canbia el còdaxe]Trenitałia ła xe de frecuente critegà par diservisi frecoenti [1]. In particołare ritardi (ogni ano 70 ore de speta a homo[2][3]), i convoji i saría sovrafołai e poco neti[4][5] . Ła Region Vèneto ga menazà sansion a sta axienda par i diservisi, tutavia senpre ła region no se ga mai movesto par promovar na rete feroviaria vèneta. Al dì 5 de febraro 2008 so alcuni zornali locali xe stà riportà che el 39% de i treni intel veneto el xe puntual.
Note
[canbia | canbia el còdaxe]- ↑ Italia: ritardi e disagi nelle ferrovie 2006
- ↑ http://www.repubblica.it/2007/02/sezioni/cronaca/inchiesta-treni/inchiesta-treni/inchiesta-treni.html
- ↑ http://www.repubblica.it/2006/11/sezioni/ambiente/settimana-pendolari/settimana-pendolari/settimana-pendolari.html
- ↑ http://www.repubblica.it/2005/i/sezioni/cronaca/trenitalia/tip/tip.html
- ↑ http://www.ilmeridiano.info/articolo.php?Rif=12213