Berlin
Berlin (mugažo saksan kelel, virktas: [bɛɐ̯ˈliːn]) om Saksanman pälidn, kaikiš järedamb lidn Saksanman Federativižes Tazovaldkundas, üks' sen 16 maišpäi.
Lidnanznam![]() |
Flag![]() |
Valdkund | Saksanma |
Eläjiden lugu (2022) | 3,677,472 ristitud |
Pind | 891,68 km² |
![]() | |
Pämez' | Kai Vegner (sulaku 2023—, Kai Wegner) |
Telefonkod | +49−30 |
Aigvö | tal'vel UTC+1, kezal UTC+2 |
![](http://upload.wikimedia.org/wikipedia/commons/thumb/d/d8/Berlin_Subdivisions.svg/250px-Berlin_Subdivisions.svg.png)
Megapolisan pind om 891,68 km², se om 14nz' sija federacijanmaiden keskes. Eläjiden lugu om enamb 3,7 millionad ristituid, lidnaglomeracijas — 6,1 mln (vl 2019). Se om kahtenz' lidn Evropan Ühtištuses ristituiden lugun mödhe Londonan jäl'ghe da videnz' lidn pindan mödhe.
Istorii
vajehtaLäz 1200. vot kaks' torguindlidnad — Köll'n da Berlin — oli nügüd'aigaižen Berlinan sijal. Vodel 1307 ühtištuihe lidnad da tegiba ühthišt lidnališt nevondkundad (ratuš). Jäl'ghepäi lidn oli Brandenburgan markgrafkundan/kurfürstkundan pälidnan (vodelpäi 1417), Prussijan (vodespäi 1618) da Saksanman imperijan (vspäi 1871) istorižen pälidnan.
Toižen mail'mansodan jäl'ghe Jaltan konferencijan pätandan mödhe jagatihe Berlinad nelläks okkupacižeks sektoraks. Möhemba ühtištuihe koumed sektorad Päivlaskmpol'žeks Berlinaks, kudamb iče mülüi SFT:ha. Vn 1961 elokun 13. päiväspäi Berlinan sein ümbärzi Päivlaskmpol'žen Berlinan. Berlinan sein oli üks' Viluvoinan päsimvolišpäi, muretihe sidä vozil 1989−1990. Germanijan ühtenzoitamižen jäl'ghe vl 1990 ühtenzoittud Berlin om sen pälidnaks, de-fakto vspäi 1999, konz Saksanman parlament da federaližed ministrused sirdihe sihe Bonnaspäi.
Nügüd'aigan Berlin om valdkundan znamasine politine, ekonomine, kul'turine da tedoline keskuz, rahvahidenkeskeižiden torguindjarmankoiden da ozutelendoiden sijaduz. Tegimišton päižed sarakod oma radioelektronikan pästand, mašinansauvomine, transportsauvond.
Geografijan andmused
vajehtaBerlinan sijaduz om valdkundan pohjoižpäivnouzmas, Šprejen da Hafelän jogiden randoil, Brandenburgan federaližen man keskuses, kudambha iče lidn ei mülü (vspäi 1920). Korktused oma 34..115 m ü.m.t., lidnan istorine keskuz om saudud alangos.
Klimat om ven. Voden keskmäine lämuz om +9,9 C°, kezakun-elokun +17..+20 C°, vilukun +0,7..+1,6 C°. Ekstremumad oma −26 C° i +38,1 C°. Paneb sadegid 577 mm vodes, läz tazomäras vodes läbi, enamba semendkus-elokus (56..60 mm kus), vähemba uhokus (38 mm), sulakus (33 mm) i redukus (38 mm). Tal'vel voib panda lunt. Ei olele haloid kezaaigan.
Berlin jagase 12 ümbrikoks, ned alajagasoiš 96 rajonaks.
Eläjad
vajehtaKaik 3 611 222 ristitud elihe lidnas vl 2017. Kaikiš suremb lidnan ristitišt oli 4 332 834 eläjad vl 1930, Toižen mail'man sodan jäl'ghe — nügüd'.
Edeližed lidnan-federacijanman pämehed (burgomistrad) oma Franciska Giffai (tal'vku 2021 — sulaku 2023, Franziska Giffey), Mihael' Müller (tal'vku 2014— tal'vku 2021, Michael Müller).
Transport
vajehtaBerlinas om kundališt transportad: avtobusoid, tramvaid (vspäi 1865), lidnelektrojonusid. Velosipedad oma lujas populärižed. Vodespäi 1902 metropoliten radab lidnas (U-Bahn Berlin, vspäi 2009 om kümne jonod, 173 stancijad, 152 km raudted). Lidnelektrojonusiden verk nimitase S-Bahn Berlin, se om 331 km pitte 166 stancijanke.
Berlin om jalos järedaks transportsol'meks mugažo. Kaik 12 päraudtestancijad ratas lidnas. Rahvahidenkeskeine civiline Berlin-Brandenburg Villi Brandtan nimed[1] (BER / EDDB, 20 mln passažiroid vl 2022) radab lidnan suvipäivnouzmaiženno röunanno 18 kilometras keskusespäi vn 2020 kül'mkuspäi, Brandenburg-federacijanman territorijal. Enččes erigoittud Berlin-Šönefel'd-lendimport om sen terminalaks nomer viž. Tehtas reisid Evropan pälidnoihe i surihe lidnoihe, Turkanmaha, Dubaihe, Nju Jorkha, om sezončarterreisid Keskmeren i Egiptan lebutahoiže. Enzne Berlin-Tegel'-lendimport (TXL) lidnan lodehes om sauptud vn 2020 redukus.
Sport
vajehtaVodel 1936 Kezaližed Olimpižed vändod mäniba Berlinas. Lidn vastsi vn 2006 Mail'man futbolčempionatan finalad.
Galerei
vajehta-
Berlinan keskuzpalan nägu öl (2005)
-
Berlinan kafedraline päjumalanpert' keskuzpalas (Saksanman evangeline jumalankodikund), vn 2010 nägu
-
Brandenburgan verai vl 2005
-
Raihstag (2005)
-
Bode-muzei vl 2008
-
Berlinan universitet Gumbol'dtan nimed, päsauvuz lidnan keskuzpalas vl 2014
-
Berlin-Brandenburg-lendimportan terminal nomer 2 vl 2020
Homaičendad
vajehtaIrdkosketused
vajehta- Lidnan ohjastusen portal (berlin.de). (saks.) (angl.) (fr.) (ital.)
- Berlinan oficialine venäkel'ne biznes-portal (berlin-ru.net).
Berlin Vikiaitas |
Saksanman federacijanmad da niiden administrativižed keskused | ||
Alasaksonii (Gannover) | Baden-Vürtemberg (Štuttgart) | Bavarii (Münhen) | Berlin | Brandenburg (Potsdam) | Joudjaline Ganzejan Bremen-lidn (Bremen) | Joudjaline da Ganzejan Gamburg-lidn | Gessen (Visbaden) | Meklenburg da Ezine Pomeranii (Šverin) | Pohjoine Rein da Vestfalii (Düssel'dorf) | Reinland-Pfal'c (Mainc) | Saar (Saarbrükken) | Saksonii (Drezden) | Saksonii-Anhal't (Magdeburg) | Šlezvig-Gol'štein (Kil') | Türingii (Erfurt) | ||
Evropan pälidnad | ||
Afinad | Amsterdam | Andorr la Vel'j | Baku | Belgrad | Berlin | Bern | Bratislav | Brüssel' | Budapešt | Buharest | Dublin | Hel'sinki | Jerevan | Kijev | Kišinöv | Kopenhagen | Lissabon | London | Lüblän | Lüksemburg-lidn | Madrid | Minsk | Monako-lidn | Moskv | Nikosii | Oslo | Pariž | Podgoric | Prag | Reikjavik | Rig | Rim | San Marino-lidn | Sarajevo | Skopje | Sofii | Stokhol'm | Zagreb | Tallidn | Tbilis | Tiran-lidn | Vaduc | Vallett | Varšav | Vatikan | Ven | Vil'nüs | ||