Gent
Lidnanznam![]() |
Flag![]() |
Valdkund | Bel'gii |
Eläjiden lugu (2022) | 265,086 ristitud |
Pind | 157,77 km² |
![]() | |
Pämez' | Matias De Klerk (viluku 2019—, Mathias De Clercq) |
Telefonkod | +32-(0)9 |
Aigvö | tal'vel UTC+1, kezal UTC+2 |
![](http://upload.wikimedia.org/wikipedia/commons/thumb/8/80/Gand_OSM_01.png/250px-Gand_OSM_01.png)
Gent (mugažo alaman kelel, virktas [ɣɛnt]; franc.: Gand [ɡɑ̃]) om Bel'gijan lidn valdkundan lodehes, Flandrii-regionas. Se om valdkundan koumanz' lidn eläjiden lugun mödhe, om Päivnouzmaine Flandrii-agjan administrativižeks keskuseks.
Oficialine kel' om alaman kel'. Znamasine meriport radab. Lidn om järedaks openduzkeskuseks, universitet da nell' üläškolad oma avaitud.
Istorii
[vajehta | vajehtada lähtetekst]Arheologijan andmused ozutadas, miše ristituiden žilod oliba Gentan nügüdläižes seižundsijas kiviaigan jo. 7. voz'sadal Gent oli järedan torguindkeskusen. Vl 1000 Gent oli Evropan kahtendeks lidnaks eläjiden lugun mödhe (jäl'ges Parižad).
19. voz'sadal tekstiline Gent kändihe tegimišton jalos järedaks keskuseks. Lidn šingotase metallurgijan tegimel, avtotegimel, himižel i kivivoinhimižel tegimištol, cement- i betonedheotandoil, mugažo turizmal. Järedad tegimištjarmankad oleldas lidnas. Bel'gijan kahtenz' surtte Flanders Expo-ozutelendkompleks radab täs.
Geografijan andmused
[vajehta | vajehtada lähtetekst]Gent sijadase agjan keskuzpalan päivlaskmas, Šel'd-jogen randal. Matkad Brüssel'-pälidnhasai om 50 km päivnouzmha-suvipäivnouzmha orhal vai 58 km avtotedme.
Klimat om ven valdmeren pil'vekaz. Voden keskmäine lämuz om +10,6 C°, kezakun-elokun +15,9..+18,1 C°, tal'vkun-uhokun +3,4..+4,0 C°. Paneb sadegid 859 mm vodes, läz tazomäras kuidme, vähemba uhokus-semendkus (51..63 mm kus), 71..84 mm toižidme kuidme.
Tobmuz
[vajehta | vajehtada lähtetekst]![](http://upload.wikimedia.org/wikipedia/commons/thumb/6/6d/GentMap.svg/250px-GentMap.svg.png)
Lidn jagase 14 nimitadud rajonaks.
Edeline lidnan pämez' (alam.: Burgemeester) om Daniel Termont (Daniël Termont, 2007 — tal'vku 2018). Lidnan municipalitetan nevondkund kogoneb 53 ezitajaspäi. Nevondkundan ezimez' om Kristof Peters (Christophe Peeters) mandatanke vozikš 2022−2025.
Eläjad
[vajehta | vajehtada lähtetekst]Vll 1970−1977 mülütihe 13 kommunad lidnha, i sen eläjiden lugu ližadui 148 860 ristituspäi 248 657 ristithusai. Vl 2000 kaik 224 180 ristitud elihe lidnas, vl 2021 — 263 703 ristitud. Kaikiš suremb lidnan ristitišt om nügüd'. Vl 2008 municipalitetan ristitišt oli 594 582 eläjad (nellänz' surtte valdkundas) 1 205 km² pindal, vn 2018 augotišes — 560 522 eläjad sil-žo pindal.
Augotižlibundan mödhe (2020): Bel'gii — 64,5 %, Azii — 12,6 %, Päivnouzmaine Evrop — 9,1 %, Päivlaskmaine Evrop päiči Bel'gijas — 5,0 %, Pohjoine Afrik — 3,4 %, Afrik suvemb mi Sahar — 3,3 %, toižen augotižlibundan — 1,8 %.
Katoližen jumalankodikundan kaks' päjumalanpertid da jumalanpert' oma saudud lidnas.
Znamasine üläopendusen aluzkund om Gentan universitet[1] (läz 50 tuh. üläopenikoid). Sen aluz om pandud vl 1817. Kaik om 11 fakul'tetad universitetas.
Transport
[vajehta | vajehtada lähtetekst]Jogiport da valdkundan koumanz' surtte meriport sijadasoiš lidnan pohjoižes. Merilaivad ujudas kanaladme Ternözenaspäi (Alamad). Om mugažo erazvuiččid tegimid portan industrialižes zonas.
Avtobusad, tramvaid da trolleibusad oma kundaližeks transportaks lidnan südäimes. Kiruhraudted da avtoted ühtenzoittas Gentad Bel'gijan, Francijan i Alamaiden lähižidenke järedoidenke lidnoidenke.
Homaičendad
[vajehta | vajehtada lähtetekst]- ↑ Gentan universitetan sait (ugent.be). (alam.) (angl.)
Irdkosketused
[vajehta | vajehtada lähtetekst]- Lidnan tobmuden oficialine sait (stad.gent). (alam.) (angl.)
![]() |
Gent Vikiaitas |