ಕಿರಿಯ ಪವರ್ಮ್ಯಾನ್ (ಲೈನ್ಮೆನ್) ಹುದ್ದೆಗೆ ಶೈಕ್ಷಣಿಕ ಅರ್ಹತೆ ಏನು?
![ಕಿರಿಯ ಪವರ್ಮ್ಯಾನ್ (ಲೈನ್ಮೆನ್) ಹುದ್ದೆಗೆ ಶೈಕ್ಷಣಿಕ ಅರ್ಹತೆ ಏನು? ಕಿರಿಯ ಪವರ್ಮ್ಯಾನ್ (ಲೈನ್ಮೆನ್) ಹುದ್ದೆಗೆ ಶೈಕ್ಷಣಿಕ ಅರ್ಹತೆ ಏನು?](https://static.langimg.com/thumb/111684139/vijay-karnataka-111684139.jpg?imgsize=1921040&width=680&resizemode=3)
ಈ ಹುದ್ದೆಗೆ ಅಗತ್ಯ ವಿದ್ಯಾರ್ಹತೆ ಎಂದರೆ - ಎಸ್ಎಸ್ಎಲ್ಸಿ ಅಥವಾ 10ನೇ ತರಗತಿ ಪರೀಕ್ಷೆಯನ್ನು ಕರ್ನಾಟಕ ರಾಜ್ಯದ ವಿದ್ಯಾಸಂಸ್ಥೆಗಳಿಂದ ತೇರ್ಗಡೆ ಹೊಂದಿರಬೇಕು.
ಈ ವಿದ್ಯಾರ್ಹತೆಯನ್ನು ಹೊರತುಪಡಿಸಿ ಇತರೆ ಯಾವುದೇ ಸಮನಾಂತರ ಪರೀಕ್ಷೆಯನ್ನು ಪರಿಗಣಿಸಲಾಗುವುದಿಲ್ಲ.
ಬಾಹ್ಯ ಅಥವಾ ಮುಕ್ತ ವಿಶ್ವವಿದ್ಯಾಲಯ ಅಥವಾ ಮುಕ್ತ ಶಾಲೆಯಿಂದ ಪಡೆದ ಎಸ್ಎಸ್ಎಲ್ಸಿ / 10ನೇ ಕ್ಲಾಸ್ (ಬ್ರಿಡ್ಜ್ ಕೋರ್ಡ್) ಉತ್ತೀರ್ಣತೆ ಪರಿಗಣಿಸಲಾಗುವುದಿಲ್ಲ.
Karnataka Kptcl Recruit 2024:ಇಂಧನ ಇಲಾಖೆಯಿಂದ ಗುಡ್ ನ್ಯೂಸ್ - 2000 ಲೈನ್ಮೆನ್ಗಳ ನೇಮಕ
ಲೈನ್ಮೆನ್ ಹುದ್ದೆಗೆ ವಯಸ್ಸಿನ ಅರ್ಹತೆಗಳು
![ಲೈನ್ಮೆನ್ ಹುದ್ದೆಗೆ ವಯಸ್ಸಿನ ಅರ್ಹತೆಗಳು ಲೈನ್ಮೆನ್ ಹುದ್ದೆಗೆ ವಯಸ್ಸಿನ ಅರ್ಹತೆಗಳು](https://static.langimg.com/thumb/111684146/vijay-karnataka-111684146.jpg?imgsize=1408419&width=680&resizemode=3)
ಅರ್ಜಿ ಸಲ್ಲಿಸಲು ನಿಗದಿಪಡಿಸುವ ಕೊನೆ ದಿನಾಂಕಕ್ಕೆ ಕನಿಷ್ಠ 18 ವರ್ಷ ಆಗಿರಬೇಕು. ಗರಿಷ್ಠ ವರ್ಗಾವಾರು ವಯಸ್ಸಿನ ಅರ್ಹತೆಗಳು ಕೆಳಗಿನಂತಿವೆ.
ಸಾಮಾನ್ಯ ವರ್ಗದ ಅಭ್ಯರ್ಥಿಗಳಿಗೆ - 35 ವರ್ಷ.
ಪ್ರವರ್ಗ-2A, 2B, 3A, 3B ಗೆ ಸೇರಿದ ಅಭ್ಯರ್ಥಿಗಳಿಗೆ - 38 ವರ್ಷಗಳು.
ಪರಿಶಿಷ್ಟ ಜಾತಿ / ಪರಿಶಿಷ್ಟ ಪಂಗಡ, ಪ್ರವರ್ಗ-1 ಅಭ್ಯರ್ಥಿಗಳಿಗೆ - 40 ವರ್ಷಗಳು.
ಲೈನ್ಮೆನ್ ಹುದ್ದೆಗೆ ಇತರೆ ಅರ್ಹತೆಗಳು
![ಲೈನ್ಮೆನ್ ಹುದ್ದೆಗೆ ಇತರೆ ಅರ್ಹತೆಗಳು ಲೈನ್ಮೆನ್ ಹುದ್ದೆಗೆ ಇತರೆ ಅರ್ಹತೆಗಳು](https://static.langimg.com/thumb/111684143/vijay-karnataka-111684143.jpg?imgsize=942845&width=680&resizemode=3)
ಕನ್ನಡದಲ್ಲಿ ಓದುವ, ಬರೆಯುವ, ಮಾತನಾಡುವ ಜ್ಞಾನ ಹೊಂದಿರಬೇಕು.
ತೃಪ್ತಿಕರ ನೇತ್ರದೃಷ್ಟಿಯನ್ನು ಹೊಂದಿರಬೇಕು.
ತೃಪ್ತಿಕರ ದೇಹದಾರ್ಢ್ಯತೆಯನ್ನು ಹೊಂದಿರಬೇಕು.
ಕಠಿಣ ಕೆಲಸಗಳಾದ ಗುಂಡಿ ತೆರೆಯುವ, ಗೋಪುರ ಮತ್ತು ಕಂಬ ಹತ್ತುವುದು, ಭಾರವಾದ ವಸ್ತುಗಳನ್ನು ಸಾಗಿಸುವುದು, ತಂತಿಗಳನ್ನು ಹಾಕುವುದು, ಕಂಬಗಳನ್ನು ಬದಲಾಯಿಸುವುದು, ಇತ್ಯಾದಿ ಕೆಲಸಗಳನ್ನು ನಿರ್ವಹಿಸಲು ತಯಾರಿರಬೇಕು.
ಲೈನ್ಮೆನ್ ಹುದ್ದೆಗೆ ಆಯ್ಕೆ ಪ್ರಕ್ರಿಯೆಯ ಪರೀಕ್ಷೆಗಳು ಯಾವುವು?
![ಲೈನ್ಮೆನ್ ಹುದ್ದೆಗೆ ಆಯ್ಕೆ ಪ್ರಕ್ರಿಯೆಯ ಪರೀಕ್ಷೆಗಳು ಯಾವುವು? ಲೈನ್ಮೆನ್ ಹುದ್ದೆಗೆ ಆಯ್ಕೆ ಪ್ರಕ್ರಿಯೆಯ ಪರೀಕ್ಷೆಗಳು ಯಾವುವು?](https://static.langimg.com/thumb/111684140/vijay-karnataka-111684140.jpg?imgsize=3206875&width=680&resizemode=3)
ಸಹನ ಶಕ್ತಿ ಪರೀಕ್ಷೆ ನಡೆಸಲಾಗುತ್ತದೆ. ಸಹನ ಶಕ್ತಿ ಪರೀಕ್ಷೆಗೆ ಈ ಕೆಳಗಿನ ಸ್ಪರ್ಧೆಗಳನ್ನು ನಿಗದಿಪಡಿಸಲಾಗುವುದು.
100 ಮೀಟರ್ ಓಟ : 14 ಸೆಕೆಂಡ್ಗಳು.
ಸ್ಕಿಪ್ಪಿಂಗ್ : 1 ನಿಮಿಷಕ್ಕೆ 50 ಬಾರಿ.
ಶಾಟ್ಪುಟ್ (12 ಪೌಂಡ್ಗಳು) : 8 ಮೀಟರ್ ಎಸೆತ (3 ಅವಕಾಶಗಳು).
ವಿದ್ಯುತ್ ಕಂಬ ಹತ್ತುವುದು: 8 ಮೀಟರ್ ಎತ್ತರ (ಕಡ್ಡಾಯ)
800 ಮೀಟರ್ ಓಟ : 3 ನಿಮಿಷಗಳು
ವಿಶೇಷ ಸೂಚನೆಗಳು
![ವಿಶೇಷ ಸೂಚನೆಗಳು ವಿಶೇಷ ಸೂಚನೆಗಳು](https://static.langimg.com/thumb/111684145/vijay-karnataka-111684145.jpg?imgsize=1684253&width=680&resizemode=3)
ಸಹನ ಶಕ್ತಿ ಪರೀಕ್ಷೆಯನ್ನು ಕವಿಪ್ರನಿನಿ ಹಾಗೂ ವಿವಿಧ ವಿದ್ಯುತ್ ಸರಬರಾಜು ಕಂಪನಿಗಳಲ್ಲಿ ಏಕಕಾಲದಲ್ಲಿ ನಡೆಸಲಾಗುತ್ತದೆ. ಈ ಪರೀಕ್ಷೆಯನ್ನು ಅಭ್ಯರ್ಥಿಗಳು ಅರ್ಜಿ ಸಲ್ಲಿಸಿದ ಆಯಾ ಕಂಪನಿಯ ವ್ಯಾಪ್ತಿಯಲ್ಲಿ ನಡೆಸಲಾಗುವುದು.
ಈ ಹುದ್ದೆಗಳ ಕೆಲಸ ಕಾರ್ಯಗಳು ಕಠಿಣ ಹಾಗೂ ಅಪಾಯಕಾರಿಯಾಗಿದ್ದು, ಸದರಿ ಕೆಲಸ ಕಾರ್ಯಗಳನ್ನು ನಿರ್ವಹಿಸುವ ಸಂದರ್ಭದಲ್ಲಿ ಪರಸ್ಪರ ಸಂವಹನವು ಅತ್ಯಾವಶ್ಯಕವಾಗಿರುತ್ತದೆ. ಆದ್ದರಿಂದ ಅಂಗವಿಕಲ ಕೋಟಾದಡಿ ಅರ್ಜಿ ಸಲ್ಲಿಸುವ ಅಭ್ಯರ್ಥಿಗಳು ಮಾತನಾಡುವ ಸಾಮರ್ಥ್ಯ ಹೊಂದಿರಬೇಕು.
ಸಹನ ಶಕ್ತಿ ಪರೀಕ್ಷೆ ಸ್ಪರ್ಧೆಗಳಿಗೆ ಯಾವುದೇ ಅಂಕಗಳನ್ನು ನಿಗದಿಪಡಿಸಿರಲಾಗುವುದಿಲ್ಲ.
ಅಭ್ಯರ್ಥಿಗಳು ಆಯ್ಕೆಗೆ ಅರ್ಹರಾಗಲು ಕಡ್ಡಾಯವಾಗಿ ವಿದ್ಯುತ್ ಕಂಬವನ್ನು ಹತ್ತುವುದು ಮತ್ತು ಇನ್ನುಳಿದ ಸ್ಪರ್ಧೆಗಳಲ್ಲಿ ಕನಿಷ್ಠ ಎರಡು ಸ್ಪರ್ಧೆಗಳಲ್ಲಿ ಅರ್ಹತೆಯನ್ನು ಹೊಂದಿರಬೇಕಿರುತ್ತದೆ.
ಕರ್ನಾಟಕ ಲೈನ್ಮೆನ್ ಹುದ್ದೆಗಳಿಗೆ ಸಂಭಾವನೆ
![ಕರ್ನಾಟಕ ಲೈನ್ಮೆನ್ ಹುದ್ದೆಗಳಿಗೆ ಸಂಭಾವನೆ ಕರ್ನಾಟಕ ಲೈನ್ಮೆನ್ ಹುದ್ದೆಗಳಿಗೆ ಸಂಭಾವನೆ](https://static.langimg.com/thumb/111684138/vijay-karnataka-111684138.jpg?imgsize=1524082&width=680&resizemode=3)
ಕ್ರೋಢೀಕೃತ ಸಂಭಾವನೆ ಮೊದಲ 3 ವರ್ಷ ಕೆಳಗಿನಂತಿರುತ್ತದೆ.
ಮೊದಲನೇ ವರ್ಷ : ರೂ.10,000 ಮಾಸಿಕ.
ಎರಡನೇ ವರ್ಷ : ರೂ.11,000 ಮಾಸಿಕ.
ಮೂರನೇ ವರ್ಷ: ರೂ.12,000 ಮಾಸಿಕ.
ಆಯ್ಕೆಯಾದವರಿಗೆ ಮೊದಲ 3 ವರ್ಷ ತರಬೇತಿ ಇರುತ್ತದೆ. ಈ ಅವಧಿಯಲ್ಲಿ ಯಾವುದೇ ಇನ್ನಿತರ ಭತ್ಯೆ ಹಾಗೂ ಸೌಲಭ್ಯಗಳನ್ನು ನೀಡಲಾಗುವುದಿಲ್ಲ.
3 ವರ್ಷದ ತರಬೇತಿಯನ್ನು ತೃಪ್ತಿಕರವಾಗಿ ಪೂರೈಸಿದ ನಂತರ ಅಭ್ಯರ್ಥಿಗಳನ್ನು ವೇತನ ಶ್ರೇಣಿ ರೂ.16,370-35,180 ರಲ್ಲಿ ಎರಡು ವರ್ಷಗಳ ಕಾಲ ಪರೀಕ್ಷಾರ್ಥಿ ಅವಧಿಯಲ್ಲಿ ಇರಿಸಲಾಗುವುದು.