Aloam
![](http://upload.wikimedia.org/wikipedia/commons/thumb/d/d5/Artifacts_%28back%29.jpg/220px-Artifacts_%28back%29.jpg)
![](http://upload.wikimedia.org/wikipedia/commons/thumb/7/7d/Screwgun.jpg/220px-Screwgun.jpg)
![](http://upload.wikimedia.org/wikipedia/commons/thumb/5/5f/Axt_zum_spalten.jpg/220px-Axt_zum_spalten.jpg)
Aloam of alaam is de noame vor instrumentn die uutgevoundn zyn en gebruukt wordn vo 't werk gemakkelikker te moakn.
Oal sedert de prehistorie makt de mins gebruuk van aloam.
Dad ed begonn me't gebruuk van simpele "weirktuugn" vo t'eetn en te joagn. Uutendelyk ad de mins deure dat 'm da ôok vôor hêel wa andre dingn koste gebruukn. Azôo begost'm aloam te moakn vô klêern te moakn, 't eetn te verzoamln, en d'eirde te beweirkn. Oal gouwe miekt'm ôok woapns om te joagn en te vechtn. Deurda't aloam ip e vrêe belangryke plekke kwom, begostn ze't aloam soms ipvoalnd te versiern en te gebruukn in ritueeln. In de westerse weirld es de sôorte aloam styf vele veranderd in de oafgeloopn êeuwn, met oals ôogtepun den computer.
De êeste weirktuugn wierdn nogoal vele gemakt van out, loavastêen, vuurstêen en schulpn. 't Belangrykste aloam bestound uut messn, byln en houwn. Noa de ontdekkinge van yzer en andere metoaln ontstoundn er vele verschillige sôortn aloam, deur dan ze 't metoal in olle vormn kostn gietn. Da makte dan 't er hêel wa toakn gemakkelykr kostn wordn uutgevoerd. In de middelêeuwn woarn ze vrêed bezig me 't experimenteern en 't verbetern van de weirktuugn. Da leidde der uuteindelyk toe dan ze machinn kostn moakn. Uuteindelyk zorgde da oal de industriële revolutie der vôorn da me in 't westn e soamnlevinge hèin woa dat de technologie centroal stoat.