Eratosthenes
![](http://upload.wikimedia.org/wikipedia/commons/thumb/b/b3/Eratosthene.01.png/220px-Eratosthene.01.png)
Eratosthenes van Kurènè (Grieks : Ἐρατοσθένης; 276 - 194 vô Kristus [1][2]) was e Grieksche wiskundige, eirdrykskundige, dichtre, sterrekundige, en muziektheoreticus. Y was e gelêerde bolle, die bestierdre wierd van de boekery van Aleksandrië. Y is den uutviendr van 't vak eirdrykskunde en van de vakwôordn die nu nog gebruukt wordn [3].
Y is best gekend vo 't feit datn den omtrek van d'eirde êt geschat, wôby datn gebruuk makte van e werkwyze van meetn van ofstandn uit dien tyd, de zogenoamde stadia. Zyn bereeknienge was ipvollnd zjuuste. Y was ook den êestn die de schuunte van d' eird-asse bereeknd êt, nog e kêe mê grôote zjuustigheid. Y zoed ook den ofstand van d' eirde no de zunne bepoald ên en 't invoern van de schrikkldag zoe zyn werk zyn [4]. Y maakte d' êeste koarte van de ton bekende weirld mê ook brêetecirkls en meridioan', gesteund ip de beschikboare kennisse van 't gebied.
Eratosthes was de stichtre van de weetnschapplikke kronologie; y durfde de datums ‘t êrzien van de belangrykste lettrekundige en stoatkundige gebeurtnissn vanof de veroovrienge van Troje. In de getaln-theorie voend y de zeeve van Eratosthenes uut, e goe werkwyze vo priemgetalln te vienn’.
![]() |
Ofbeeldiengn die ier by passn ku je vien in de categorie Eratosthenes van Wikimedia Commons. |
Verwyziengn
[bewerkn | brontekst bewerken]<references>
- ↑ De Souda zeg datn geboorn was in de 126ste olympioade (276–272 vô Kristus. Strabo : Geografie, beweirde datn e "lêerlienk" (γνωριμος) van Zeno van Citium (die stierf in 262 vô Kristus), 't gêen zoe wiln zegn datn vroegr geboorn zoe zyn (oungevêer 285 vô Kristus) omda 't ounwoarschynlik is gestudeerd tên by êm an de jounge leeftyd van vêertiene. Pertank, γνωριμος kut ook wil zegn "kenisse", en 't joar van Zeno's dôod is ounbekend. Zie Eratosthenes in de Dictionary of Scientific Biography 1971
- ↑ De Souda zegt datn dôogienk ip 80-joarige leeftyd, Censorinus 15 : De die natali, ip de lêeftyd van 81, en Pseudo-Lucianus 27 : Makrobioi, ip de lêeftyd van 82.
- ↑ (en) Roller, Duane W. 2010 : Eratosthenes' Geography, Princeton University Press, New Jersey.
- ↑ (en) The Earth Is Round, and It's This Big.