Racconigi
![]() | |
---|---|
![]() | |
![]() Racconigi binn'n de provinsje Cuneo | |
Regio | Piëmonte |
Provinsje | Cuneo |
Coördinoatn | 44°46′NB 7°41′OL |
Ippervlak | 48,06 km² |
Inweuners | 9927 (2018) 206,55 inw./km² |
Postcode | 12035 |
Website | Officieeln site van Racconigi |
![](http://upload.wikimedia.org/wikipedia/commons/thumb/0/07/Cuneo_in_Italy.svg/260px-Cuneo_in_Italy.svg.png)
Racconigi (Racunis in't lokoal Piëmontees) es en Italioansche gemêente in de provinsje Cuneo in de regio Piëmonte. 't Ligt in't midd'n van de regio, ip apeupri 40 kilomèiters o de zuudkantn van 't stad Turyn en 50 kilomèiters o de nôordkantn van Cuneo zelve.
Liggienge
[bewerkn | brontekst bewerken]Racconigi grenst an de gemêentn Caramagna Piemonte, Carmagnola (in de metropolitoane stad Turyn), Casalgrasso, Cavallerleone, Cavallermaggiore, Lombriasco (in de metropolitoane stad Turyn), Murello, Polonghera en Sommariva del Bosco.
By de gemêente ôorn de wykn/gehuchtn (frazioni) Canapile, Migliabruna, Oia, Tagliata, nucleo Berroni, Migliabruna Nuova, Migliabruna Vecchia, Parruccia, San Lorenzo en Streppe.
Racconigi ligt an de Maira, e riviere die e klêene tien kilomèiters mêer o 't nôordn uutmoundt in de Po-riviere by de gemêente Lombriasco. In Racconigi ester ôok e stoasje die ligt an d'yzerboane tusschn Turyn, Fossano en Savona.
Geschiedenisse
[bewerkn | brontekst bewerken]Racconigi es esticht gewist in de middelêeuwn. 't Wos êest eigndom van de markgroavn van Saluzzo, ton van de prinsn van Acaia en uutendelyk van 't uus van Savoye-Carignano. De Savoye-dynastie (die loatr de keuniengn van Itoalië zod'n leevern) ad ier e zommerverbluuf in't kastêel van Racconigi, vandoar da de plekke achter d'êenmoakienge van Itoalië en surtout an't begun van de twintigste êeuwe an belang won. Ezo es Umberto II, de latste keunienk van Itoalië, ier geboorn in 1904 en ip 24 oktober 1909 wierd ier 't Akkôord van Racconigi geslootn tusschn keunienk Victor Emmanuel III en tsoar Nicolas II van't Russische ryk.
Beziensweirdigeedn
[bewerkn | brontekst bewerken]- 't Kastêel van Racconigi: e vroeger keunienklyk verbluuf gebouwd in 1570 ip de fundeeriengn van en ouder kastêel uut d'elfde-twoalfde êeuwe. 't Grôote park da derby ligt wierd angeleyd in 1755 deur den Franschn tuunarchitect Molard ip boazisse van ountwerpn van Le Nôtre en wierd nog ne kêe uutgebreyd in 1835. 't Kastêel wierd officiël 't zommerverbluuf van de keunienk van Itoalië in 1901. Sedert 1997 es't erkend lyk weirelderfgoed deur den Unesco ounder de categorie "Rezidensjes van't keunienklyk uus van Savoye".
- De Piazza Carlo Alberto es de grand place van Racconigi, woa da ôok 't staduus ligt
- De Sint-Jan-d'n-Doopr-kerke (Chiesa di San Giovanni Battista), die somtekêe ôok wel den duomo van Racconigi wierd genoemd, es gebouwd in d'achttiende êeuwe deur Francesco Gallo, mè en interieur in e vierkante en nen koepel gedecoreerd deur Pietro Antonio Pozzo en Giuseppe Dallamano.
- De San Vincenzo Ferreri-kerke, ôok wel de San Domenico genoemd, e barokkerke uut de zeevntiende êeuwe
- De Santa Maria Maggiore, ôok e barokkerke uut d'achttiende êeuwe
- De Santissimo Nome di Gesù, ôok e barokkerke uut de zeevntiende êeuwe
- D'Italioansche veugelbeschermienge, 't LIPU (Lega italiana protezione uccelli) èit ier sedert 1985 'n center vo de beschermienge van canards en ooievoars.
-
Piazza Carlo Alberto mè 't staduus
-
't Kastêel van Racconigi
-
De San Giovanni Battista
![]() |
Ofbeeldiengn die ier by passn ku je vien in de categorie Racconigi van Wikimedia Commons. |