Fotsåle
![](http://upload.wikimedia.org/wikipedia/commons/thumb/f/f0/%D0%A4%D1%83%D1%82%D0%B7%D0%B0%D0%BB%D1%8C%D0%BD%D0%B0_%D0%B3%D1%80%D0%B0_%D0%A2%D0%BE%D0%BF%D1%96%D0%BB%D1%8C%D0%BD%D0%BE_-_%D0%9A%D1%83%D0%BC_%D1%96_%D0%9A%D0%BE.jpg/220px-%D0%A4%D1%83%D1%82%D0%B7%D0%B0%D0%BB%D1%8C%D0%BD%D0%B0_%D0%B3%D1%80%D0%B0_%D0%A2%D0%BE%D0%BF%D1%96%D0%BB%D1%8C%D0%BD%D0%BE_-_%D0%9A%D1%83%D0%BC_%D1%96_%D0%9A%D0%BE.jpg)
![](http://upload.wikimedia.org/wikipedia/commons/thumb/f/f3/Calcio_punizione_C5.jpg/220px-Calcio_punizione_C5.jpg)
Li fotsåle[1] u foutsale[2], lomé ossu minifotbale, pus coûtmint minifoute[3], c' est ene sôre di fotbale ki s' djowe dins ene såle di spôrt.
Istwere
[candjî | candjî l’ côde wiki]C' est on spôrt askepyî tins del prumîre Cope daegnrece di fotbale e 1930, e-n Ourougway.
Droet do djeu
[candjî | candjî l’ côde wiki]I s’ djowe a cénk djouweus e l' plaece d' onze, e fotbale. Mins nerén, gn a nouv ôtes djouweus ki polnut rintrer po fé des candjmints durant les cwarante munutes. Seulmint, tchaeke intreu doet aler dins ene pårteye do terén bén indikêye po l’ replaeçmint.
On match fwait deus côps vint munutes, mins l’ ôrlodje ès djoke di tourner cwand el balon est houte do terén.
Les gayoles fwaiynut troes metes di lådje so deus metes di hôt.
Come po l’ fotbale, i gn a eto des côps-francs direks ey indireks. Gn a ossu des côps d’ reparåcion (penaltis).
Sins rovyî les cwåtes. Les uzaedjes des cwåtes n' sont nén les minmes po les diferintès federåcions. Télcô, on-z a les rodjes eyet les djaenes come el fotbale. Kécfeye, on-z a eto des bleuwès, u co des vetès, cwåtes. Metans, si on djouweu a ene rodje cwåte, i pout esse replaecî pa èn ôte après awè dmoré deus munutes a l’ ouxh.
Come e baskete eyet årvier do fotbale, i gn a des fåtes d’ ekipe cwand les foutsalisses ont fwait shijh fåtes di mier djouweu.[4]
Kékes ekipes walones
[candjî | candjî l’ côde wiki]- Futsal My-Cars Châtelet, ene ekipe metowe a drame a Rojni, pa les frés Karakilik eyet Erik Simonofski k' ont-st amoenné bråmint des djouweus avou zels. Cwek' ele si trove a Rojni (pitit ban d' Åjhô-Préle), c' est l' veye di Tcheslet k' est dins l' no.[5]
- Charleroi 21 Futsal ki s’ loméve davance « Action 21 ». Il avént ddja wangnî dijh tchampionats d’ Beldjike eyet cwate copes di Beldjike; e 2015, il ont fuzioné avou l’ « Foutsale Tcheslinea » po dvini l’ « Futsal Team Charleroi ».
- Mouscron-Estaimpuis Futsal skepyî l’ anêye 2000.[6]
Sourdants
[candjî | candjî l’ côde wiki]- ↑ spotchî aplacaedje di « fotbale di såle »; noûmot eplaidî pol prumî côp cial sol Wikipedia walon e 2020.
- ↑ calcaedje di «futsal» on maxhaedje d’ espagnol et d’ portuguès; li son del lete «u» do portuguès u d' l' espagnol est rindou pa «ou» e walon; noûmot eplaidî pol prumî côp e 2023 e l' Rantoele-gazete.
- ↑ Rimetaedje e scrijha walon di s' no corant e francès d' Walonreye «minifoot».
- ↑ Jean Goffart, Gn a fotbale et fotbale, Li Rantoele l° 105, bontins 2023, p. 6.
- ↑ https://www.acff.be/club/5283
- ↑ Jean Goffart, come cial ådzeu.