沙特阿拉伯

沙特阿拉伯个位置

沙特阿拉伯（المملكة العربية السعودية 英語：Saudi Arabia）亞洲西部國家之一。

面積：2百萬平方公里橫里

人口：2千7百萬弗罷

地理環境

沙特阿拉伯沙漠風光

沙特在拉阿拉伯半島个中心區域，氣候條件邪氣推板，水資源少，空氣乾旱，弗適合耕種；倒是箇個場許邪氣適合放牧，箇咾從古代開始，迭个地方就一直是放羊个場許。條件稍許好一點个是靠近紅海个地區，有綠洲搭水資源，个咾現在沙特大部分經濟也集中在拉伊搭。

政治

沙特是一個典型个君主制國家，國王搭伊拉个家族成員控制全國个權利搭財富。政府部門儕是伊拉家族个成員掌握。沙特弗允許有議會政黨，對別他思想个控制也邪氣嚴格。在拉阿拉伯之春个活動里向，沙特受到个衝擊比較小。

經濟

沙特是一個石油國家，國家主要个收入儕是依靠石油。因為別个方麵條件比較推板，思想上向貤有得交關限制，沙特个工業搭服務業發展儕比較推板。到乃，主要个石油加工還是要依靠其他國家个公司開發，自家開發弗出。

除脫仔石油出口，沙特另外一個支柱是伊拉个朝聖經濟。因為掌握麥加，麥地那兩個聖城，沙特每年要有上千萬穆斯林來朝拜，帶來个收入邪氣多，迭个也成為仔沙特个一大增長點。

宗教

沙特阿拉伯是一個回教國家，國家是回教个瓦哈比派，執行嚴格个宗教法律，弗允許交關現代个娛樂活動，婦女弗好開車子。但不過，2018年6月份開始，沙特阿拉伯允許女性駕車哉，希望用迭个策改善國家形象，促進經濟發展。同年1月同2月，沙特女性獲准進入足球場看比賽，還弗需要通過男性親屬个同意就好自家開辦事業。2019年8月2號，沙特阿拉伯又頒布一系列有利婦女个法令。

對於別他宗教，儕弗允許傳播。沙特也是世界上向宗教迫害頂結棍个國家之一。

國內个穆斯林大部分是瓦哈比派个信徒，弗過來勒波斯灣地區，也有交關什葉派信徒，伊拉經常搭沙特中央政府爆發矛盾。

在拉外來務工人員里向，有交關來自菲律賓个天主教信徒，弗過伊拉弗好公開崇拜个，否則要畀沙特个宗教警察捉牢驅逐出國个。

外國人在拉沙特旅遊搭工作一定要當心，作興碰弗碰就會得在拉宗教問題上向「冒犯」伊拉沙特人。

• 
  Sulaiman Al-Jbilan
• 
  Holy Place
• 
  Khaled Al-Jubeir

外部鏈接

Government

• Saudi Arabian Information Resource 檔案，存勒互聯網檔案館當中。（2020年7月12號）, Saudi Ministry Education
• Saudi Arabian Information Resource, Saudi Ministry of Culture and Information
• Royal Embassy of Saudi Arabia in Washington, DC
• Chief of State and Cabinet Members 檔案，存勒互聯網檔案館當中。（2013年8月19號）

General

• CIA World Factbook entry on Saudi Arabia
• Saudi Arabia 檔案，存勒互聯網檔案館當中。（2010年6月11號） at UCB Libraries GovPubs
• Understanding Saudi Arabia, Kamal Nawash
• Saudi Arabia 檔案，存勒互聯網檔案館當中。（2008年10月14號） from al-Bab

維基共享資源里向尋得着搭該篇文章搭界个多媒體資源：

沙特阿拉伯