公共汽车

公共汽车（法语：voitures d'omnibus;英语：bus、omnibus），又叫公交车、巴士，是一种以中型或大型汽车（大客车／巴士）作为运送手段，以运输大量乘客个大众运输服务。

历史

公共汽车个概念，最早是1662年勒拉法国巴黎个运输服务“五索尔马车”，曾经咾行个，结果因为巴黎议会个法令弗允许“士兵、随从、仆人搭仔其他劳动者”用箇個服务搭车票涨价，让“五索尔马车”勒拉15年后便消失哉。公共马车普及已经是1820年代个事体哉。

1826年，法国退休军官Stanislas Baudry来勒法国西北部个南特市郊开设面粉厂，蒸汽机排出个热水畀人汏浴，造仔隻公众浴场，並提供来往南特市中心同公众浴场个接驳马车服务。伊发现有些市民乘伊个接驳马车当交通工具，故咾开始拿接驳马车事业化，成立企业提供公共马车服务。

公共马车普及化以後，蒸气公交车同无轨电车陆续面世。19世纪末到20世纪初，发动机技术逐渐成熟，奔驰个内燃机驱动个公共汽车Benz Omnibus来勒1895年登陆德国公交车市场。

乃朝大部分公共汽车用柴油发动机，近年来也有用液化石油气、压缩天然气、油电复合动力系统搭仔纯电力驱动个公共汽车。