ఇన్‌కమ్ ట్యాక్స్ రిఫండ్ స్టేటస్ తెలుసుకోవడం ఎలా

ఆదాయ పన్ను రిటర్నుల దాఖలకు తుది గడువు దగ్గరపడుతుంది. మరో నాలుగు రోజుల్లో ఇది ముగుస్తుంది. రిటర్నులు దాఖలు చేసిన తర్వాత పన్ను చెల్లింపుదారులు వాటిని ఈవెరిఫికేషన్ చేసుకోవాల్సి ఉంటుంది. ఒకవేళ అలా చేసుకోకపోతే రిటర్నులు దాఖలు చేసి ఫలితం ఉండదు.

కట్టాల్సిన మొత్తం కంటే ఎక్కువగా ఏమైనా పన్నులను కడితే రిటర్నులను ఈవెరిఫికేషన్ చేసుకున్న తర్వాత రిఫండ్ రూపంలో వెనక్కి వస్తుంది.

టీడీఎస్ లేదా టీసీఎస్ లేదా అడ్వాన్స్ ట్యాక్స్ లేదా సెల్ఫ్ అసెస్‌మెంట్ ట్యాక్స్ రూపంలో మనం కట్టిన అదనపు మొత్తాన్ని లెక్కించి, ఆదాయపు పన్ను విభాగం వాటిని ప్రాసెస్ చేస్తుంది.

అసెస్‌మెంట్ సమయంలో సమర్పించే డిడక్షన్లు, మినహాయింపులు అన్నింటిన్నీ పరిగణనలోకి తీసుకున్న తర్వాతనే పన్నును లెక్కిస్తుంది ఆదాయపు పన్ను విభాగం.

పన్ను చెల్లింపుదారులు రిటర్నులను ఈవెరిఫికేషన్ చేసిన తరువాతే రిఫండ్ ప్రాసెస్‌ కూడా మొదలవుతుంది.

పన్ను చెల్లింపుదారుల అకౌంట్‌లోకి ఈ రిఫండ్ మొత్తం జమ అయ్యేందుకు సాధారణంగా 4 నుంచి 5 వారాల సమయం పడుతుందని ఆదాయపు పన్ను విభాగం తన పోర్టల్‌లో పేర్కొంది.

అయితే, ఈ కాల వ్యవధిలో రిఫండ్ మొత్తం మీ అకౌంట్లోకి జమ కాకపోతే, ఐటీఆర్‌లో ఏమైనా లోపాలున్నాయేమో పన్ను చెల్లింపుదారులు చెక్ చేసుకోవాలి.

రిఫండ్‌కు సంబంధించి ఐటీ డిపార్ట్‌మెంట్ నుంచి ఏదైనా నోటిఫికేషన్ వచ్చిందేమోనని మెయిల్‌ చెక్ చేసుకోవాలి.

అలాగే, రిఫండ్ స్టేటస్‌ను పన్ను చెల్లింపుదారులు ఈఫైలింగ్ పోర్టల్‌లో కూడా చూసుకోవచ్చు.

బీబీసీ న్యూస్ తెలుగు వాట్సాప్ చానల్‌లో చేరడానికి ఇక్కడ క్లిక్ చేయండి.

ఇన్‌కమ్ ట్యాక్స్ పోర్టల్‌లో రిఫండ్ స్టేటస్‌ చెక్ చేయాలంటే ఇవి తప్పనిసరి

రిఫండ్ స్టేటస్‌ను చెక్‌ చేసుకునే విధానం..

ఈ-ఫైలింగ్ పోర్టల్‌లోకి వెళ్లి, లాగిన్ అనేది క్లిక్ చేయాలి.

అక్కడ యూజర్ ఐడీ, పాస్‌వర్డ్ నమోదు చేయాలి.

యూజర్ ఐడీగా పాన్ నంబర్ కానీ ఆధార్ నంబర్ కానీ ఉపయోగించుకోవచ్చు.

ఇండివిడ్యువల్ యూజర్లు ఎవరైనా తమ పాన్ నెంబర్‌ను ఆధార్‌తో అనుసంధానం చేసుకోకపోతే, ఒక పాప్-అప్ మెసేజ్ వస్తుంది.

ఆధార్‌తో అనుసంధానం లేకపోవడంతో, మీ పాన్ నెంబర్ ఇన్‌ఆపరేటివ్ అని వస్తుంది.

పాన్‌ను ఆధార్‌తో అనుసంధానించుకునేందుకు, ‘లింక్ నౌ’(Link Now) అనే బటన్‌ క్లిక్ చేయాలి.

అప్పటికే అనుసంధానం చేసి ఉంటే మళ్లీ లింక్ చేయాల్సిన అవసరం లేదు కాబట్టి కంటిన్యూ అనే దానిపై క్లిక్ చేసి తరువాత స్టెప్‌కు వెళ్లొచ్చు.

ఆ తర్వాత సర్వీసెస్ ట్యాబ్‌లోకి వెళ్లి.. ‘మీ రిఫండ్ స్టేటస్ తెలుసుకోండి’(నో యువర్ రిఫండ్ స్టేటస్) అనే దానిపై క్లిక్ చేయాలి.

కావాల్సిన అసెస్‌మెంట్ ఇయర్‌కు సంబంధించిన రిఫండ్ స్టేటస్‌ను మీరు ఇక్కడ చెక్ చేసుకోవచ్చు.

మీరు రిఫండ్ స్టేటస్‌ తెలుసుకోవాలనుకుంటున్న అసెస్‌మెంట్‌ ఇయర్‌ను ఎంచుకుని, సబ్‌మిట్ బటన్‌ను నొక్కాలి.

రిఫండ్ జారీ అయితే ఇలా చూపిస్తుంది..

రిఫండ్ సవరించి పాక్షికంగా జారీ చేస్తే ఇలా కనిపిస్తుంది.

పూర్తి రిఫండ్ వస్తే..

రిఫండ్ విఫలమైతే ఇలా..

ఒకవేళ మీ పాన్ నెంబర్ ఇన్‌ఆపరేటివ్‌లో ఉంటే రిఫండ్ రాదు.

పాన్ నెంబర్‌ను ఆధార్‌తో అనుసంధానం చేసుకోవాలని హెచ్చరికతో పాప్-అప్ మెసేజ్ వస్తుంది.

రిఫండ్‌ రాకపోవడానికి ఇతర కారణాలు..

రిఫండ్ ఫెయిల్ అయితే, రిఫండ్ రీఇష్యూ రిక్వెస్ పెట్టుకోవచ్చు. దీని కోసం ఇలా చేయాలి.

(ఆధారం: ఆదాయ పన్ను శాఖ)

(బీబీసీ తెలుగును వాట్సాప్‌,  ఫేస్‌బుక్, ఇన్‌స్టాగ్రామ్‌, ట్విటర్‌లో ఫాలో అవ్వండి. యూట్యూబ్‌లో సబ్‌స్క్రైబ్ చేయండి.)