Naligaŋiḷḷugi Naliġagniq Naliġagvikaami

Naliġagviich aŋmaġniaqtut uvlaami 7 ukłaaqpan unuamunaglaan 8 ukłaaqpan. Naliġagvium Uvluanni, ikayuqsiġmiñaqtutin sukupayaaq naliġakkaluaġuviñ. Savaktuam ikayuġmiñaġaatin naliġagvigmi, naakka kiñapayaaq ikayuquran ikayuġmiñaġaatin, aglaan taamna ikayuqti ikusuktuani iḷauguminaitchuq, savaqatigiruksrauŋitkiñ suli, naakka savaktiuluni qaukłiġnun, naaka iḷauluni union-ni.
Naligaŋiḷḷugi Naliġagniq - Qanuq atuġnaqtilaaŋa naliġagvikpiň ❯

Naliġagniq nunaaqimi malġulipiaq (House District 40) - Ikusuktuat Naliġaaksrat ❯

Uvva Naliġagnikun atchiivik suli sumi naliġagniaġmagaisa

Naliġaktuni atchiivigmuktuksraurut makpiġarriḷutiŋ uvluq aqulliqsaaŋaiñŋaan - October 9, 2022
Paqinniaġiñ sumi naliġagniaqtilaan takulugu qaqasaurakun ❯
https://www.elections.alaska.gov/election-polls/ ❯

Naliġaktuni Aglagvikun

Piiññiaġuvin samma naliġakkumiñaqtutin naliġaksaŋaiñŋaisa suli naliġagniq iñullaa naliġagvikaamignun isagutiniaqtuq October 24, 2022. Naliġagvikaat sumi inniaqtilaaŋich ittut www.elections.alaska.gov/avo/.

Una naliġagniq iñullaa naliġagiaġniaqtuq, aasii makpiġarriruksraurutin naliġagukkuviñ aglagvikun.

Aglagvikun naliġaksrat ukua ittuksraurut:
★ Atqiñ aglapiaġlugu
★ Iḷsimarim atqa aglapiaġlugu
★ Naliġaktuni iḷviupiaġmagaan - Naliġaktuni kisirrutaa, Alaska-mi qamutikpich kisirrutaa, annivikpiñ uvlua NAAKKA aqulliich sisamat kisirrutaa SSN-pich

Ikayuquguviñ Alaskam Inuqqaaŋisa Uqautchiŋiññik, ququulalugu 1-866-954-8683.