Cidamna Ding Singkung Manpha Pawlkhat
5/5
()
About this ebook
Hih 'Cidamna Ding Singkung Manpha Pawlkhat' cih laibu sungah 'Singkung lopa nam 20' te' manphatna leh a nungthute kigelh hi. Tua bangin singkung lopate' manphatna-a kigelh ciangin, ngaihsut mawkmawk thu, upmawh, phuaktawm, leh lamet thute bulphuh in kigelhlo aa,'scientific research' a kici, hithei takpi maw, hithei takpilo, maan takpi maw, maan takpilo, cih kician takin kancianna (research) panin a kimukhia thute bulphuh in kigelh hi Hih laibu sungah: Kuhku (Siris), Lim/Tawsaw (Oak), Zawngtah (Stink Bean), Baklawng (Indian Trumplet), Tama (Neem), Apple, Thawhbat (Avocado), Nahtang (Banana), Patkung (Cotton), Leenggah (Grape), Sakol Khekhap (Pennywort), Aisan (Tumeric), Phulun/Lothang San (Onion), Lothang Kaang (Garlic), Gatam (Jack Bean), Ankambul San (Carrot), Rosemary, Lonamsia (Mint), Umpawng (Chayote), leh Thaksing (Lemongrass) te' manphatna kigelh hi. Singkung lopate' manphatna cih sungah, kiim le paam tung tawnin phattuamna hong piak theih thute leh zatui zaha dingin a kizat theihna thute kihel hi. Tuate sung panin, cidamna ding hong piak theih thute kibulphuh diak aa, koici zat ding cih dongin kigelh hi. A diakin, sikhang, zunkhum, lungtangna, tuapna, gilsungna, leh cancer natnate kibulphuh in, tua natnate a damna dingin ahuh thei singkung lopate sung pan mikimin a kithei diak singkung lopate akiteng khia-ahi hi. Tua singkung lopate' manphatna bek hilo in, a ciinzia ding leh a khoi zia ding aa kipan, acii nam bangzah om cih dongin kigelh ahih manin, a sin pah nuamte leh, singkung lopate' thu a lunglutte' a dingin manpha mahmah ding hi.
Tuang Za Khai
Tuang Za Khai, a researcher specializing in plant-microbe interactions, is from the Zo people, also known as Zomi, in Chin State, Myanmar. He has authored and co-authored several scientific articles in his field, and his numerous contributions to local news outlets and magazines, including Zolai Zuunna, ZOLUS, Tongson, and Siamsin Magazine, have earned him recognition within the community. Notably, his book 'A Hizolo Omlo' is highly regarded as one of the most popular works among the Zomi.
Related to Cidamna Ding Singkung Manpha Pawlkhat
Related ebooks
Service Delivery Model A Complete Guide - 2021 Edition Rating: 0 out of 5 stars0 ratingsSUDAMTU PASIAN(Zou Edition) Rating: 0 out of 5 stars0 ratingsHagau leh Thutah a Biahna (Simte Edition) Rating: 0 out of 5 stars0 ratingsIktómi, Wagnáye S'a kiŋ Hé: Lakȟóta Eháŋni Wičhóoyake na Ohúŋkakaŋ na Wóuŋspe Wómnaye waŋ Rating: 0 out of 5 stars0 ratingsEkisumuluzo Kya Busoga Rating: 0 out of 5 stars0 ratingsHiidhaa Seexaa II: Maa'ikalaawii Mooraa Gubbaa Mana Hidhaa fi Duudhaa GooliiI Rating: 4 out of 5 stars4/5Workbook for Factfulness: Ten Reasons We're Wrong About the World--and Why Things Are Better Than You Think Rating: 1 out of 5 stars1/5Human Evolution and Cannabis: The Ultimate Gift Rating: 0 out of 5 stars0 ratingsTrappers of Patuanak: Toward a spatial ecology of modern hunters Rating: 0 out of 5 stars0 ratingsINTEGRITY: A Guide to Thriving in the 21st Century Rating: 0 out of 5 stars0 ratingsGynecology in Traditional Chinese Medicine - Vietnamese Edition: Phu Khoa, Dong Y Hoc Co Truyen Rating: 0 out of 5 stars0 ratingsInequality, Cooperation, and Environmental Sustainability Rating: 0 out of 5 stars0 ratingsThe Silent Killer Rating: 0 out of 5 stars0 ratingsEnd of the World Rating: 0 out of 5 stars0 ratingsNuer Primer One: Bok Kel Rating: 0 out of 5 stars0 ratingsGet Moving! Rating: 0 out of 5 stars0 ratingsCentenarians: An Example of Positive Biology Rating: 0 out of 5 stars0 ratingsThe Business of Sleep: How Sleeping Better Can Transform Your Career Rating: 0 out of 5 stars0 ratingsThe Gene Makeover: The 21st Century Anti-Aging Breakthrough Rating: 0 out of 5 stars0 ratingsEnglish - Ciyawo Learner's Dictionary Rating: 4 out of 5 stars4/5Olive Oil Can Tap Dance Rating: 5 out of 5 stars5/5Makambo na biso Rating: 0 out of 5 stars0 ratingsThe Super-Helper Syndrome: A Survival Guide for Compassionate People Rating: 0 out of 5 stars0 ratingsAhnenerbe: Your Killer Is Under Your Skin Rating: 0 out of 5 stars0 ratingsTaoist Psychology Rating: 0 out of 5 stars0 ratingsAltered Inheritance: CRISPR and the Ethics of Human Genome Editing Rating: 2 out of 5 stars2/5Aspects of Inuit value socialization Rating: 0 out of 5 stars0 ratingsIkigai: A Purpose in Life Focusing on Life Goals Improve Performance and Happiness Rating: 4 out of 5 stars4/5
Biology For You
The Source: The Secrets of the Universe, the Science of the Brain Rating: 4 out of 5 stars4/5Gut: The Inside Story of Our Body's Most Underrated Organ (Revised Edition) Rating: 4 out of 5 stars4/5Mothers Who Can't Love: A Healing Guide for Daughters Rating: 4 out of 5 stars4/5Lifespan: Why We Age—and Why We Don't Have To Rating: 4 out of 5 stars4/5The Soul of an Octopus: A Surprising Exploration into the Wonder of Consciousness Rating: 4 out of 5 stars4/5Why We Sleep: Unlocking the Power of Sleep and Dreams Rating: 4 out of 5 stars4/5The Laws of Connection: The Scientific Secrets of Building a Strong Social Network Rating: 0 out of 5 stars0 ratingsThe Sixth Extinction: An Unnatural History Rating: 4 out of 5 stars4/5Our Kind of People: Inside America's Black Upper Class Rating: 3 out of 5 stars3/5Emotional Blackmail: When the People in Your Life Use Fear, Obligation, and Guilt to Manipulate You Rating: 4 out of 5 stars4/5"Cause Unknown": The Epidemic of Sudden Deaths in 2021 & 2022 Rating: 5 out of 5 stars5/5Sapiens: A Brief History of Humankind Rating: 4 out of 5 stars4/5Peptide Protocols: Volume One Rating: 4 out of 5 stars4/5Woman: An Intimate Geography Rating: 4 out of 5 stars4/5Mother of God: An Extraordinary Journey into the Uncharted Tributaries of the Western Amazon Rating: 4 out of 5 stars4/5Dopamine Detox: Biohacking Your Way To Better Focus, Greater Happiness, and Peak Performance Rating: 3 out of 5 stars3/5Homo Deus: A Brief History of Tomorrow Rating: 4 out of 5 stars4/5The Winner Effect: The Neuroscience of Success and Failure Rating: 5 out of 5 stars5/5The Grieving Brain: The Surprising Science of How We Learn from Love and Loss Rating: 4 out of 5 stars4/5Other Minds: The Octopus, the Sea, and the Deep Origins of Consciousness Rating: 4 out of 5 stars4/5A Crack In Creation: Gene Editing and the Unthinkable Power to Control Evolution Rating: 4 out of 5 stars4/5Lies My Gov't Told Me: And the Better Future Coming Rating: 4 out of 5 stars4/5The Obesity Code: the bestselling guide to unlocking the secrets of weight loss Rating: 4 out of 5 stars4/5The Art of Thinking Clearly Rating: 4 out of 5 stars4/5Suicidal: Why We Kill Ourselves Rating: 4 out of 5 stars4/5Anatomy 101: From Muscles and Bones to Organs and Systems, Your Guide to How the Human Body Works Rating: 4 out of 5 stars4/5How Emotions Are Made: The Secret Life of the Brain Rating: 4 out of 5 stars4/5
Related categories
Reviews for Cidamna Ding Singkung Manpha Pawlkhat
3 ratings3 reviews
- Rating: 5 out of 5 stars5/5Hong lawhcing toto o sia. Tha hong pia ung ei.
- Rating: 5 out of 5 stars5/5Laibu hoih mahmah khai hi ei. Zomite sungah hi bang laibu a gelh mi tampi a ki om tohtoh ding lamen hang ei.
1 person found this helpful
- Rating: 5 out of 5 stars5/5Sia Tuang, na laibu ka lei theih lianloh hangin, hi bangin online ah a kingah kawikawi theih dingin na bawl thupi sa mahmah ingh.
2 people found this helpful
Book preview
Cidamna Ding Singkung Manpha Pawlkhat - Tuang Za Khai
CIDAMNA DING SINGKUNG MANPHA PAWLKHAT
MIKIM’ THEIH SINGKUNG LOPA
NAM (20)
TUANG ZA KHAI
Khai & Sen
Copyright © 2023 TUANG ZA KHAI
CIDAMNA DING SINGKUNG MANPHA PAWLKHAT
Mikim’ Theih Singkung Lopa Nam (20)
Lai gelhpa’ tung pan phalna omlo pi-in, hih laibu a them aneng khat peuh lakhia, behlap, leh hawmkhia cih khat peuhpeuh kibawl theilo hi. Tua bang khat peuhpeuh abawl nuam a om zenzen leh, lai gelhpa kiangah phalna ngen masa hamtang ding hi
Published: 2023, Khai & Sen
Printed in Kalaymyo, Myanmar.
Hih laibu gelhna-ah, Kawlte’ ngeina bulphuh zatui zatzia, leh Sente’ ngeina bulphuh zatui zatziate lo buang, scientific research a kici, kanciannate panin muhkhiat thute bek ki etkak hi.
LAIBU APNA
Hih laibu lei-in a sim pah te, leilo napi sim nuamin thu tuamtuam hangin a sim khate, leilo baan ah sim dingin zong ngaihsun khollo napi thu tuamtuam hangin a sim kha miaumiaute, leh kiim le pam thupi ngaihsut in singkung lopate a it leh a keem mi malkim tungah hih laibu ka-ap aa, lungdamna leh pahtawina ka pia hi.
Contents
Title Page
Copyright
Dedication
THU KONGHONNA
THU PATNA
THU MASA
A LIIM BELH DING BEK A HILO: KUHKU
ZAT PAH THEIH DING PAWLKHAT
AHAWNG BEK ZONG AMANPHA: LIMSING
ZAT PAH THEIH DING PAWLKHAT
AHAWNG BEK ZONG AMANPHA: LIMSING
ZAT PAH THEIH DING PAWLKHAT
A UIH ZAHIN A HOIH: ZAWNGTAH
ZAT PAH THEIH DING PAWLKHAT
A MAWKPO DING A HILO: BAKLAWNG
ZAT PAH THEIH DING PAWLKHAT
LUNGNOZA HOIH PEN: TAMA
ZAT PAH THEIH DING PAWLKHAT
LUNGSIM CIDAMNA DING: APPLE
ZAT PAH THEIH DING PAWLKHAT
NAUNO A CIDAM SAK: THAWHBAT
ZAT PAH THEIH DING PAWLKHAT
PAIH DING A OMLO: NAHTANG
ZAT PAH THEIH DING PAWLKHAT
A KHEKZO A OMLO: PATKUNG
ZAT PAH THEIH DING PAWLKHAT
KHANSAUNA DING: LEENGGAH
KHUAK PILNA DING: SAKOL KHEKHAP
ZAT PAH THEIH DING PAWLKHAT
VUN LE GILSUNG DAMNA DING: AISAN
ZAT PAH THEIH DING PAWLKHAT
SIVUITE A CIDAMSAK: PHULUNSAN
ZAT PAH THEIH DING PAWLKHAT
CANCER A DAL THEI: GATAAM
ZAT PAH THEIH DING PAWLKHAT
MIT THAHATNA DING: ANKAMBUL SAN
ZAT PAH THEIH DING PAWLKHAT
SIKHANG DAMNA DING: PHULUNKAANG
ZAT PAH THEIH DING PAWLKHAT
LUNGSIM VANGIK ADAWN: ROSEMARY
ZAT PAH THEIH DING PAWLKHAT
IHMUT NUAM APIA THEI: LONAMSIA
ZAT PAH THEIH DING PAWLKHAT
CIDAMNA TAWH A KITUAK: UMPAWNG
ZAT PAH THEIH DING PAWLKHAT
LUNGSIM THAKSUAKNA DING: THAKSING
ZAT PAH THEIH DING PAWLKHAT
REFERENCES (Etkakte)
About The Author
THU KONGHONNA
Dr. Tuang Za Khai-in "Pasianin hong thukimpih leh a sawtlo in laibu khat hawmkhiat ding lunggulhna nei-ing aa, a laibu thulu dingin ‘Cidamna Ding Singkung Manpha Pawlkhat’ ci-in min na vawh ingh… Thu mapi/thu konghonna (foreword) nong ngelhsak zo tam, cih huhna hong ngen kahi hi," ci-in lai hong khak kangah phet mahin lungdam si, pakta si kahih manin, ka gelh pahlian hi.
Mihing manphatna bek a kigelh hun tam mahmah khin hi. Ganhing manphatna bek ahi aa, singkung manphatna bek ahi zongin a kigelh hun tawm mahmah lai hi. Tua- a tawm, a tamsak nuam nasep leh nasemte bel pahtakloh theihloh hi.
Hih laibu sungah Singkungte ii a tangthu leh tanglai-in cidamna dingin koici kizat; ci-in nunglam thu hong hilh cian hi. Tua ciangin, tanglai hun bek hilo, tuni tuhun mahmah in cidamna dingin koici bangin kizangh thei cihte tom kim cingin hong pholhkhia hi. ‘Cidamna ding a manphatna’ cih ciangin kiim le pam tungtawnin cidamna ding phattuamna hong piakte a kipan, cidamna dingin koici-in kizangh pahthei cihte, limtakin hong gelhkhia hi. Tua baan ah, a ciin ziate, cihnopna-ah; khua hun, tui, pH, NPK, a kipan a kisam bulpite sep pah theih dingin hong lui khia hi. Tua leh, ei tawh a kinai diak, Baklawng, Kuhku, Zawngtah, Pat, Leeng, Tama, cihte a kipan, nam sawm nih (20) hong kalkhia hi.
Mipil Solomon in Lebanon-a om taam-taak akipan phungmai apo puknahte dongin singkung thu agen hi (I Kumpite. 4:33a). Amah in kancianna (research) nasia bawl mahmah dingin ka ngaihsun hi. Hih laibu sung thulelate limtakin simin sem leeng, ih gam ih lei hong cidamin ih mite hong zolzaw ding hi.
Leitung lum semsem, khua hun kikhelkhel, (global warming & climate change), hih ih buaibelh thu zong, eimau mun ah hong veng tuam ding hi, ci-in lametna kanei hi. Dr. Khai ii laibu ‘Cidamna Ding Singkung Manpha Pawlkhat’ pen hihte tawh zongh kibel pawlin kiim le paam a ding amanphatnate zong hong kalkhia-ahih manin ka nuam mahmah hi.
Kiim le pam pen hawh pak nading ciang bek hilo in, teen deen nading, ‘inn’ hizaw hi. Nature is not a place to visit, it is home (Gary Snyder, American Environmentalist). Lokhawh ii tupna in ankung ciinna sangin, mihing ciinna himasa zaw hi. The ultimate goal of farming is not the growing of crops, but the cultivation and perfection of human beings (Masanobu Fukuoka, Japanese Scientist Agriculturist).
Tuni-ih khua hun ‘stay home’ pen ‘stay farm’ zong hisak thei ding ahih manin manpha sa taktak ingh.
Do Sian Thang, DTheol
Volunteer, Environment Mission, Post Eden Drive,
Mualbeem Station, Chin State, Myanmar.
07 Jan 2023
THU PATNA
Singkung lopa leh mihingte kikhen theilo in, singkung lopa omlo in mihingte kinungta theilo hi. Mihingte ih nu’ sungpan ih pian khiat phetin, hong kituunna silh le teente leh hong kisialna nauluaite, singkung lopa pan a kibawl vive hi aa, ih khankhiatna-an le tui leh ih diik huih siangthote zong singkung lopa mah pan a kingah ahi hi. Leitung mangpha ih khakni ciangin ih kisialna hankuang nangawn zongh singkung mah pan a kibawl hi aa, ih suak pan ih sih dongciang sikung lopa tawh suak-khawm, khang khawmin, a ton khawm ih hi hi.
Singkung lopate in photosynthesis[2] ci-in, mihingte’ a dingin alauhuai huihniinte (CO2)[3] zangh tumin, huih siangtho (O2)[4] khah khia hi. Singkung lopte in kiim le pam leh khuahunte cidamsak in, zu le va kaaikhawmin, tui tam sak aa, lei hoih sak hi. Nat le sat tuamtuamin hong zawh mengmeng lohna dingin a dal thei zong singkung lopate mah hi-in, ih nat ih sat hun ciangin zongh damna ih ngah kik theihna dingin singkung lopate mah in hong huh thei leuleu hi. Tua-ahih manin, ‘western drug’ akici maang zatui ci-in ih zatzat nitumna lamte’ zatui zahate sung panin 30% pen singkung lopa pan a kibawl vive ahi hi. Mi pawlkhat-te bangin, ‘eastern drug’ a kici, nisuahna gam lamte in a zat uh tanglai ngeina bulphuh zatui (traditional drug) te pen maang zatui zah in nakzat mahmah lai uh hi. Tua-ahih manin, hih laibu sungah singkung lopate in kiim le pam cidamna ding pan kipan mihingte’ phattuamna ding dongah bangci bangin nasem hiam cih thu a kigelh ciangin, kancianna (research) pan muhkhiatnate baan ah tanglai-in koici kizat cihte etkakin kigelh hi.
Hih laibu ii lungtupna lianpen ahih leh, gah le tehte pan hong piang nisim aa ih neek an le tuite cidamna tawh a kituak pen ding leh a hoih pen dingin koici zat ding cih thu hi aa; thamlo in, singkung lopate’ thupina leh manphatnate thei leeng ki-it bawl thei dinga, singkung lopate ki suanbeh in, gam kihal nawnlo dinga, kiim le paam hong nosuak-kik in, tui hong tam kik dinga, huih hong siangtho kikin, khua hun hong hoih kik ding baanah, gamsate hong innteek kik in, kiim le paam daihna pan lungsim pumpi nopna leh cidamna lamah hong manawh pih kik ding, cih thu ahi h
THU MASA
Thu konghonna-ah ih sim mah bangin, ‘Cidamna Ding Singkung Manpha Pawlkhat’ cih dung zui-in hih laibu sungah ‘Singkung lopa nam 20’ te’ manphatna leh a nungthute kigelh hi. Tua bangin singkung lopate’ manphatna-a kigelh ciangin, ngaihsut mawkmawk thu, upmawh, phuaktawm, leh lamet thute bulphuh in kigelhlo aa, ‘scientific research’ a kici, hithei takpi maw, hithei takpilo, maan takpi maw, maan takpilo, cih kician takin kancianna (research) panin a kimukhia thute bulphuh in kigelh hi.
Singkung lopate’ manphatna cih sungah, kiim le paam tung tawnin phattuamna hong piak theih thute leh zatui zaha dingin a kizat theihna thute kihel hi. Tuate sung panin, cidamna ding hong piak theih thute kibulphuh diak aa, koici zat ding cih dongin kigelh hi. A diakin, sikhang, zunkhum, lungtangna, tuapna, gilsungna, leh cancer[1] natnate kibulphuh in, tua natnate a damna dingin ahuh thei singkung lopate sung pan mikimin a kithei diak singkung lopate akiteng khia-ahi hi. Tua bangin singkung lopate’ hong piak theih cidamna ding tawh kisai bekbek hih laibu sungah a kigelh zenzen hangin, hih laibu pen zatui-zaha laibu hilo hi. Thamlo in, laibu gelhpa pen siavuan zongh hilo aa, laibu sungah a kigelh khempeuh zong maan taktak maw, maan taktaklo cih, laibu gelhpa in sitcianna bawl khinlo hi. Tua-ahih manin, hih laibu sungah a kigelh bangin a zat sawm laisim mimalte pen amau khensatna bangh hi ding hi.
Hih laibu pen singkung thu asin ngeite bek hilo-in, mikimin a kisim thei leh akitel thei dingin hanciamin kigelh hi. Ahi zongin, khiatna tuamdeuh anei laimal (term) pawlkhatte, Zolai-in tel theih dingin a kikhiat sawnna panin, abun zo nawnlo tampi om hi. Thamlo in, laimal pawlkhat pen khat le khat ki bangh lianlo napi, kibangh in kigelh hi. Gentehna; compound, chemical, leh gas bang pen, Zolai-in ‘dat’ cih kammal khat kizangh khawm ziau hi. Singkung lopate’ min, a diakin, hih laibu sungah a kigelh 20 te’ min a kigelh simin laimal gol (capital letter) tawh kipan tangtang hi. Hih laibu sungah ‘mipil’ ahih keileh ‘mipilte’ cih kammal a zat ciangin ‘scientist’ te acihna-ahi hi.
Hih laibu in Zolai gelh zia zuih deuh neilo in, laibu gelhpa in laimal kizom leh kigamla dinga kipan, laigualh ziate lem asak zui-in leh agelh manman zui-in agelh ahi hi. Gentehna; ‘bang hang hiam cih leh’ cih kammal bang pen mun khatkhat ah ‘banghang hiam cihleh’ in ahi aa, ‘bang hanghiam cih leh’ cih bangin ahi zongin, kigelh kawikawi kha ding hi. Hih tawh kisai-in, laibu gelhpa in, Zolai gelhzia-akip leh a kician khat neizo hi lehang, ut taktak mah hang, a cih cianglo buang, a cih ding dang theilo hi.
A LIIM BELH DING BEK A HILO: KUHKU
ANUNG THU
Kuhku pen koilai gam pan piang masa hiam cih kithei zolo aa, ahi zongin, mipil a tamzaw in India hi dingin lamen uh hi. Mi pawlkhat leuleu in Kawlgam hi ding hi, a ci zong om hi. Tua panin, huih nunna dung zui-in ahi aa, tui luanna tung tawnin ahi zongin, Asia gam mun tuamtuamte kizelh kawikawi hi dingin ki-um hi. 1807 kumin India panin Egypt ah amu kipua vingvengin kicing ngiat hi. Thamlo in, Suez Canal[5] hon pawi pahtawina in Nile[6] pan the Great Pyramids[7] dong ciang tai (5) val agamla lampi kiim khempeuh ah Kuhku ki suan ngiat hi.
Tua lai panin Dr. David Fairchild akici USA (United States of America) mi, singkung it leh vei mipil pa in 1869 kum ciangin USA lokho nasepna zumpi (Department of Agriculture, Washington DC) ah Kuhku mu khak ngiat in, tua mun panin Mexico aa kipan, nitumna lam gam tuamtuamte ah damdamin a kizelh kawikawi ahi hi. Ahi zongin, tua hun ma 1782 kumin British Caribbean[8] ah Kuhku kipua khinin, Puerto Rico[9] leh Virgin Islands[10] gamte in zong 1800 kumin Kuhku mu nei khinta uh hi, kici hi.
Kuhku pen ni liim ngahna ding ciang leh, aliim belh ding ciang bek hilo in, manphatna tampi nei hi. Tuate tawh kisai-in, Unani Medicine[11] akici, tanglai aa Arabic (Arab) te’ zat cidamna ding tawh kisai zatui zatzia ngeinate dung zui-in, damdamin akithei toto ahi hi. Kum zalom khat lai pek a singkung lamsang pilna nei minthang Dioscorides[12] in amuh khiatnate bulphuh in, Ibn-Sina[13] akici pa in a gelh laibu Al-Qanoon[14] akici sungah, ‘Sirish’ cih min tawh Kuhku manphatna thu na gelh ngei aa, tua dung zui-in, Kuhku pen Siris akici suaksuak ahi hi.
Kuhku pen leitung mun atamzaw ah ‘Woman’s Tongue’ (nupi lei) ci-in kisam hi. Ahang pen huih nun tawh kizui-in, Kuhku tehte tatsatlo in, kilok in, ging thethu ahih manin, nupi kamtam heelte mahmah bang cihnopna in‘nupi lei’ cih min akipia ahi hi. Tualo, a kizang diak amin tuamtuam a omlaite’ sung panin, e’n zong ih zat ahi, koko (Kuhku) zong kihel hi.
AMANPHATNA
Kuhku pen cidamna dingin manphatna tampi anei singkung khat ahi hi. Tua baan ah, a zung kilam zia huhau in, leitang kicim/kisia (soil erosion) ding adal zo penpen singkung khatin zong kiciamteh hi. An hoihna ding a susia thei leh mihingte tungah kalnatna a piangsak thei, lei sungah a om dat hoihlo ahi alkaline, salinity, cih te pawl pen Kuhku in huup khia, hem khia zo hi.
Kuhku kung pen singkung khempeuh lak ah meihol dingin ahoih penpen khat in kiciamteh aa, ateh pen coffee leh niangteh ciinna munte ah akhuhna dingin ahoih pen khat in kiciamteh hi. Thamlo in, ateh sungah protein[15] 17-26% bang kihel ahih manin, gan an dingin zong ahoih penpen khatin kiciamteh leuleu hi. Ateh agikna 100 kg panin protein 11-12 kg kingah thei aa, carbohydrate[16] 37 kg bang kingah thei hi. Kuhku mu sungah protein, fiber[17], saponin[18], magnesium[19], selenium[20], iron[21], cih te kicing takin kihel hi. Tua ahih manin Kuhkuh mu pen, ateh mah bangin, gan an in ahoih mahmah khat ahi hi. Ahawng leuleu ciangin, satpiang bawlna pawlkhatte ah kizanga, atua ci-in zong satpiang dingin ki zang thei hi. Ahi zongin, Ngasa in Kuhku hawng lel ahih manin, Ngasa thahna dingin zong kizang thei leuleu hi. Ahawng sungah a om anai sante in, ci thak sak thei hi.
Kuhku gah pen ‘nitrogen fixation’ akici, huih sungah a om nitrogen gas (N2)[22] te mihing leh ganhingte’ a dingin phattuamna-a pia thei dat khat peuhpeuh in a kikhel theihna dingin nasepna-ah a khauh penpen khatin kiciamteh hi. Tua hangin, mihingte’ a dingin phattuamna lianpitak Kuhku in a sem thei suak leuleu hi. Banghang hiam cih leh, setzung tuamtuam panin leh nisimin mihingte’ nasepna tuamtuamte panin, huih sungah sulfur dioxide (SO2)[23] akici dat (compound) te a kipan, a diakin nitrogen dioxide NO2,[24] leh ammonia (NH3)[25]te a nini-in khang semsem hi. Hih dat-te pen, neu mahmah in 2.5 PM[26] khawng bek pha ahih manin microscope[27] bek tawh kimu thei aa, mihingte in diik kha lehang tuap sung tung suak pah vingvengin, huih diikna tawh kisai natna tuamtuamte manlang takin piangsak thei hi. Thamlo in, tuap cancer na ngawn piangsak thei hi.
A hizongin, Kuhku in a tungah ih gen, ‘nitrogen fixation’ a ki ci tung tawnin tua-alauhuai dat-te tuisuak sak thei bek thamloh in, mihingte a dingin a kisam dat dang khatin piangsak thei ahih manin Kuhku tampipi-inn kiim leh huangsungte ah suan huai leh ciin huai mahmah hi.
Kuhku pen inn sungah a kizang vanzat tuamtuamte a kibawlna leh sual etlawm ding a kibawlnate ah gam tampi-in, nak zat mahmah uh hi. Kuhku mu leh atehte mit tawh kisai natna tuamtuam bawlnate ah kizang hi. Ahawng pen sungpai, dula nei, cihte a dingin hoih hi. Amu leh a zungte panin lungnoza kibawl thei hi.
ZAT PAH THEIH DING PAWLKHAT
1. Lutangna
Apaak lomkhat nuai gawpin diik lehang lutangna dam thei hi. Ahih keileh suang tungah gawizanin taltang tung leh naakvang kimteng ah taat gawp lehang lutangna dam thei hi. Kuhku pak pan a kibawl lutangna leh natna dang tuamtuam a damna ding zatui tampi tak om khinta hi. Hih ngeina pen tanglai-in Indiate’ zat hi aa, Kawlte ngeina bulphuh zatui zatzia tawh kisai laibu sungah a kigelh tawh kibangh hi.
2. Nattun
Tho in hong peh na hangin a piang nattun natna pen, angah khin khate a damsiang ding baihlo thei hi. Zatui kician takin a nek kul aa, tua hikei leh suak zelzel thei hi. Tua bangin nattun damsiang nianua theilote in Kuhkuteh haikhat ciang tui haithum tawh huanin, tua a kihuanna atui nikhat nih veita bang dawn leh dam thei hi.
3. Ha cidamlo
Kuhku gah alimci simpian khat leh zasan ahoih bek khop khat zaan takin gawi didek in, tua-agawina tui muam lehang, hana dam thei hi, ci-in India te’ zat tanglai ngeina bulphuh zatui zatzia-ah kigelh hi. Hih tawh kisai-in, Kawlte’ zatzia leuleu ah, Kuhku azung ah a om, amit bawk teng lakhia in ni dial (ni taang tawh a kisu khalo) sungah satvui-in keusakin, tua pen tui ahoih bek tawh tokin ha-anat ciang muam lehang dam thei, tua ahih kei aa leh, ahiang huanin, ahuanna tui muam lehang zong ha na dam thei hi.
4. Kawngna
Kawlte’ ngeina khat ah, Kuhku zung leh tanakha (Kawl tanakha) taat khawmin kawng anatna kuamteng nuh gawp lehang dam thei hi, ci-in um uh hi. Thamlo in, Kuhku zung panin thagui thazang tawh kisai natna tuamtuamte a damna ding zatui kibawl tampitak om khinta hi.
5. Bukkhuh leh zunsiip
Kuhku hiang angeekte ci ahoih bek khop tawh a kitui huan, ahuanna tui dawn lehang buuk-khuh, zunsiip cihte dam thei hi. Zunsiip veite in Kuhku mu leh Dengchine ahoih bekkhat helin ne leh dam thei hi, ci-in Kawl zatui zatzia ngeina-ah nei uh hi. Ahih keileh ateh gawivui-in aluangkhia tuite leh cikhum tokin dawn leh zong hoih hi, kici hi.
6. Awmbing leh tawbuukna
Awmbing natna a neite in Kuhku ateh ngeek leh vakhusa huanin ne leh hoih thei hi, ci-in tanglai-in Sen (China) te’ ngeina ah om hi. Tawbuk kuam natna tuamtuam (dula) aneite in, amu aki gawivui niangtui sikkeu nih niangteh kidiahna tuisa sungah khah in zing leh nitaak dawnzel leh hoih hi, ci-in Kawlte’ ngeina bulphuh zatui zatziate sungah kigelh hi.
7. Liamna/natna tuamtuam
Thu tuamtuam hangin kisuk liam khaknate Kuhku ateh tuaigawp in nuh lehang dam baih mahmah hi. Meima damhak diakte pen azung keusak in a kivuisak tawh tuam leh dam baih hi. Meima thakthak in abawk zenzen aleh a zung gawi vui-in, ci tawh helin nuh leh dam baih hi.
Kuhku in hong piak theih cidamna tawh kisai kancianna (research) tam kibawl nai khollo hi. Ahi zongin, a tunga cidamna ding amanphatna leh a kizatpahtheihnate ih gelhte sung panin pawlkhat pen mipilte in zong kancianna bawlin tua panin amuh khiat thute uh tawh a kituakte ahi hi.
KUHKU CIIN ZIA
Kuhku in, lei hoih lei sia tenglo in, khualum khuavot zong lelh neilo hi. Ahi zongin, khuavotna munte sangin, khua lumna munte ah hoih zaw hi. Tua-ahih manin aciin zia ding a lamdang diak a kisam omlo hi. Kuhku a dingin khualumna 26°C pan 36°C kikaal hoih bek a, ahi zongin 12°C pan 48°C kikaal dongah nungta zo hi. Kum khatin guah tui 600 pan 2000 mm bang angahna munte Kuhku a dingin hoih bek aa, ahi zongin 500 pan 2500 mm dong thuak zo hi. Tuipi maitang pan (above sea level) pi 6000 kiim