મંગળ ગ્રહ આ રાશિમાં 46 દિવસ સુધી રહેશે, ત્યારબાદ 26 ઓગસ્ટના રોજ વૃષભ રાશિમાંથી નિકળી મિથુન રાશિમાં પ્રવેશ કરશે. મેષ અને વૃશ્ચિક રાશિના સ્વામી મંગળ જ્યારે રાશિ પરિવર્તન કરે છે, તો તેનો પ્રભાવ દેશ દુનિયા, અર્થ વ્યવસ્થા, કરિયર સહિત મેષથી લઇ મીન રાશિ પર પજશે. અહીં જાણો, કઇ રાશિને મંગળ ગોચર દરમિયાન ફાયદો મળશે.
મેષ રાશિ પર પ્રભાવ
મંગળ ગ્રહ પોતાની રાશિથી બીજા સ્થાન પર પરિવર્તન કરશે, આ દરમિયાન સુખ સુવિધાઓમાં વૃદ્ધિ થશે અને મોજમસ્તીની ચીજો પર ખર્ચ કરશો. આદ્યાત્મિક મામલે રૂચિ વધશે અને પરિવાર તેમજ જીવનસાથીની સાથે કોઇ ધાર્મિક યાત્રા પર જઇ શકો છો. નોકરીયાત વર્ગ અને વેપારીઓને આ અવધિમાં લાભ મળશે. તમારાં કા્યોથી સંતુષ્ઠિ મળશે, જીવનસાથી અને ઘરના સભ્યોની સાથે સંબંધ અનુકૂળ રહેશે, સ્વાસ્થ્ય સંબંધિત સમસ્યાઓ દૂર થશે.
વૃષભ રાશિ પર પ્રભાવ
મંગળ ગ્રહ તમારી રાશિના લગ્ન ભાવમાં અર્થાત્ પ્રથમ સ્થાન પર ગોચર શરૂ કરશે. આ દરમિયાન વ્યાવસાયિક કાર્યોમાં જો પરેશાનીનો સામનો કરી રહ્યા હોવ તો તે દૂર થશે અને વ્યવસાયમાં સારો લાભ પ્રાપ્ત કરવા માટે નવી રણનીતિઓ પર કામ કરશો. તમારું અટકેલું ધન આ અવધિમાં પરત મળવાની સંભાવના છે. સાસરી પક્ષના લોકો સાથે સંબંધો સુધરશે અને દરેક પગલે સહયોગ મળશે.
સિંહ રાશિ પર પ્રભાવ
મંગળ ગ્રહ તમારી રાશિથી 10મા ભાવમાં ગોચર કરશે, આ દરમિયાન સિંહ રાશિના જાતકોની આવકમાં વૃદ્ધિ થશે અને નવો બિઝનેસ શરૂ કરી શકે છે. નોકરીયાત વર્ગને કરિયરમાં પ્રગતિના અવસર મળશે અને કેટલીક કંપનીઓથી સારી આવક સાથે ઓફર મળશે. આ દરમિયાન સંપત્તિ અથવા વાહન ખરીદવાની ઇચ્છા પૂરી થશે, કમાણીના મામલે ભાગ્યશાળી રહેશો. પારિવારિક અને વૈવાહિક જીવનમાં જવાબદારીઓ પૂરી કરશો. ધાર્મિક કાર્યોમાં મન લાગશે.
કન્યા રાશિ પર પ્રભાવ
મંગળ તમારી રાશિથી નવમા સ્થાન પર ગોચર કરશે, આ દરમિયાન કન્યા રાશિના જાતકોને વિદેશ જવાનો અવસર મળશે. જીવનના દરેક ક્ષેત્રે સફળતા મળશે. એકથી વધુ સ્ત્રોતથી ધન પ્રાપ્ત કરશો અને બચત કરવામાં સફળતા મળશે. નોકરીયાત વર્ગ અને વેપારીઓને સારો ફાયદો મળશે. કરિયરમાં નવી ઉંચાઇઓ પર જશો. પરિવારમાં કોઇ તણાવ ચાલી રહ્યો હોય તો તે આ દરમિયાન દૂર થશે અને ઘરે કોઇ શુભ આયોજન પણ થઇ શકે છે. ભાગ્યનો સાથ મળવાથી અટકેલું ધન પ્રાપ્ત થશે અને જીવનશૈલીમાં સુધાર આવશે.
તુલા રાશિ પર પ્રભાવ
મંગળ ગ્રહ તમારી રાશિથી આઠમા સ્થાન પર ગોચર કરશો, આ દરમિયાન પર્સનલ અને પ્રોફેશનલ લાઇફમાં શાનદાર અવસર મળશે અને ધન પ્રાપ્તિના નવા રસ્તાઓ મળશે. આર્થિક સ્થિતિમાં સુધાર આવશે અને અટકેલાં કાર્યો આ સમય દરમિયાન પૂરાં થઇ જશે. નોકરીમાં સેલેરીમાં વધારો થશે અને વેપારીઓને ધન લાભ મળશે. મંગળ ગ્રહના પ્રભાવથી નેતૃત્વ ક્ષમતામાં શાનદાર વૃદ્ધિ જોવા મળશે અને માન-પ્રતિષ્ઠામાં વધારો થશે.
ધન રાશિ પર પ્રભાવ
મંગળ ગ્રહ તમારી રાશિથી છઠ્ઠા સ્થાન પર ગોચર કરશે, આ દરમિયાન ધન રાશિના જાતકોને સારાં મિત્રો મળશે અને ભાઇ બહેનનો સહયોગ મળશે. નોકરીયાત વર્ગને સારો લાભ પ્રાપ્ત થવાની સંભાવના છે અને નવું પદ હાસલ કરશો. આ અવધિમાં બચત સારી રીતે કરશો અને તમારી અંદર સાહસમાં વૃદ્ધિ થશે, જેનાથી નિર્ણય લેવાની ક્ષમતાનો લાભ મળશે. વેપારી વર્ગને સારો લાભ અને પ્રગતિ થશે, કોઇ અન્ય બિઝનેસમાં રોકાણ કરી શકો છો.
