શુક્ર ગ્રહના ઉદય થવાથી શુભ અને માંગલિક કાર્યક્રમ પણ શરૂ થઇ જશે. વૈદિક જ્યોતિષ અનુસાર, વૃષભ અને તુલા રાશિના સ્વામી શુક્ર ગ્રહ ભૌતિક સુખ સુવિધા, ભાગ્ય, ધન, ઐશ્વર્ય ઉપરાંત સૌંદર્ય અને સ્વાસ્થ્યના કારક ગ્રહ છે. શુક્ર ગ્રહના ઉદય થવાથી મેષ, મિથુન સહિત 5 રાશિ માટે સમય ભાગ્યશાળી રહેશે. અહીં જાણો, શુક્ર ઉદયથી 5 રાશિના જીવનમાં શું ફાયદો મળશે.
મેષ રાશિ પર પ્રભાવ
![મેષ રાશિ પર પ્રભાવ મેષ રાશિ પર પ્રભાવ](https://static.langimg.com/thumb/111447141/i-am-gujarat-111447141.jpg?imgsize=101844&width=680&resizemode=3)
શુક્ર ગ્રહ તમારી રાશિથી ચોથા ભાવમાં ઉદય થશે. આ દરમિયાન તમારાં જીવનમાં ખુશીઓ વધશે અને પરિવાર સાથે ખુશીઓના પળનો આનંદ પણ લેશો. નોકરીયાત વર્ગને કરિયરમાં ઉન્નતિના યોગ બની રહ્યા છે અને આવકમાં વધારો થશે. અટકેલું ધન પ્રાપ્ત થવાથી પરિવારની દરેક જરૂરિયાતોને પૂરી કરી શકશો. વૈવાહિક જીવનમાં ચાલી રહેલા તણાવનો અંત આવશે.
મિથુન રાશિ પર પ્રભાવ
![મિથુન રાશિ પર પ્રભાવ મિથુન રાશિ પર પ્રભાવ](https://static.langimg.com/thumb/111447140/i-am-gujarat-111447140.jpg?imgsize=91608&width=680&resizemode=3)
શુક્ર તમારી રાશિથી બીજા સ્થાન પર ઉદય થશે. આ દરમિયાન તમારાં પ્રયાસોમાં સારી સફળતા મળશે. નોકરીયાત વર્ગને કાર્યક્ષેત્રે સારી પ્રગતિ થશે અને ઉચિત ઓળખ પણ મળશે. કરિયરમાં સંતુષ્ટિની ભાવના રહેશે. વેપારી વર્ગને આ સમયમાં સારો નફો મળશે, રોકાણથી ફાયદો થશે. પરિવારના સભ્યો સાથે સંબંધ સારો રહેશે, લવ પાર્ટનર સાથે સંબંધોમાં સુધાર આવશે.
કર્ક રાશિ પર પ્રભાવ
![કર્ક રાશિ પર પ્રભાવ કર્ક રાશિ પર પ્રભાવ](https://static.langimg.com/thumb/111447139/i-am-gujarat-111447139.jpg?imgsize=82276&width=680&resizemode=3)
શુક્ર ગ્રહ તમારી રાશિના લગ્ન ભાવ અર્થાત પહેલા સ્થાન પર ઉદય થશે, આ દરમિયાન વિવિધ સ્ત્રોતથી ધન લાભ થઇ શકે છે અને બચત કરવામાં સફળતા મળશે. કોઇ સ્વાસ્થ્ય સંબંધિત સમસ્યા છે તો તેમાં સુધાર જોવા મળશે. સરકારી અધિકારીઓની મદદથી કોઇ કાર્ય સરળતાથી પૂરાં થશે અને સરકારી યોજનાઓનો લાભ મળશે. આ અવધિમાં પ્રતિસ્પર્ધીઓ પર વિજય પ્રાપ્ત કરશો. શુક્ર ગ્રહના પ્રભાવથી ધાર્મિક કાર્યોમાં મન લાગશે.
કન્યા રાશિ પર પ્રભાવ
![કન્યા રાશિ પર પ્રભાવ કન્યા રાશિ પર પ્રભાવ](https://static.langimg.com/thumb/111447137/i-am-gujarat-111447137.jpg?imgsize=1414057&width=680&resizemode=3)
શુક્ર ગ્રહ તમારી રાશિથી 11મા ભાવમાં ઉદય થશે, આ દરમિયાન તમારાં દ્વારા કરાયેલા કાર્યોમાં સારી સફળતા મળશે અને જીવનમાં સંતુષ્ટિ પણ પ્રાપ્ત કરશો. શુક્ર ગ્રહના પ્રભાવથી તમારી ઇચ્છાઓ પૂરી થવાના સંકેત મળી રહ્યા છે. પ્રગતિના ઉત્તમ લાભ મળશે. નોકરીયાત વર્ગને સારી સેલેરીની સાથે બીજી કંપની તરફથી ઓફર મળી શકે છે, કરિયરમાં ગ્રોથ વધશે. ઘરમાં કોઇ માંગલિક કાર્યક્રમનું આયોજન થઇ શકે છે.
મકર રાશિ પર પ્રભાવ
![મકર રાશિ પર પ્રભાવ મકર રાશિ પર પ્રભાવ](https://static.langimg.com/thumb/111447136/i-am-gujarat-111447136.jpg?imgsize=146272&width=680&resizemode=3)
શુક્ર ગ્રહ તમારી રાશિથી સાતમા ભાવમાં ઉદય થશે, આ દરમિયાન જીવનમાં ખુશીઓ વધશે અને તમારી ચિંતાઓ એક પછી એક દૂર થશે. તમારી અંદર સકારાત્મક વિચારધારા રહેશે, આસપાસ સારો માહોલ પણ રહેશે, કોઇ ખાસ લોકો સાથે ઓળખ વધવાથી સામાજિક દાયરો વધશે, જેનો ફાયદો ભવિષ્યમાં મળશે. નોકરીયાત વર્ગને અધિકારીઓ અને સહકર્મીઓનો સાથ મળશે. આ દરમિયાન નવા વ્યાવસાયિક વલણથી લાભ મળશે.