સૂર્ય અને શનિની આ અવસ્થા ષડાષ્ટક રાજયોગનું નિર્માણ કરી રહી છે. સૂર્ય જ્યારે રાશિ પરિવર્તન કરે છે, તો તેનો પ્રભાવ દેશ દુનિયા સહિત મેષથી લઇ મીન રાશિ પર પણ પડે છે. આજે અહીં એ 4 વિશે માહિતી આપવામાં આવી છે, જેઓને સૂર્યના રાશિ પરિવર્તનના કારણે ઉતાર ચઢાવનો સામનો કરવો પડી શકે છે.
કર્ક રાશિ પર પ્રભાવ
સૂર્યનું ગોચર કર્ક રાશિમાં થવાથી આ રાશિના જાતકોને કેટલાંક લાભના અવસરો પ્રદાન તો થશે, પરંતુ સૂર્ય તમારી રાશિના લગ્ન ભાવ અર્થાત્ પહેલા સ્થાન પર ગોચર કરશે, આ દરમિયાન તમારાં આત્મવિશ્વાસમાં ઉણપ જોવા મળશે, જેના કારણે નિર્ણય લેવામાં પરેશાની થઇ શકે છે. નોકરીયાત વર્ગને કાર્યક્ષેત્રે અધિકારીઓ અને સહકર્મીઓના કારણે પરેશાની રહી શકે છે, જેના કારણે તેઓ નવી નોકરી પણ પસંદ કરી શકે છે. પિતાજીની સાથે તમારાં સંબંધોમાં ઉતાર ચઢાવની સ્થિતિ રહેશે, જેથીઘરનો માહોલ પણ ખરાબ થઇ શકે છે. આ દરમિયાન સ્વાસ્થ્ય સંબંધિત સમસ્યાઓ રહી શકે છે. સાથે જ કામના વધતા બોજના કારણે માનસિક તણાવ પણ રહી શકે છે.
કન્યા રાશિ પર પ્રભાવ
સૂર્ય તમારી રાશિના 11માં ભાવમાં પરિવર્તન કરશે, આ દરમિયાન પ્રોફેશન લાઇફમાં બેલેન્સ ખોરવાઇ શકે છે. આ અવધિમાં કાર્યક્ષેત્રે સાવધાનીથી કામ કરવાની સલાહ આપવામા આવે છે. વ્યર્થ ચર્ચા કે તણાવથી દૂર રહો, આવેશમાં આવી કોઇ પણ એવી વાત કહેવાથી બચો જેનાથી સામેના વ્યક્તિને ખરાબ લાગી શકે છે. વેપારીઓને કોઇ ગ્રાહક અથવા વ્યાપારિક પાર્ટીના કારણે આર્થિક હાનિ થવાની આશંકા બની રહી છે, જેના કારણે માનસિક તણાવ રહી શકે છે. રોકાણ કરવા ઇછ્છો છો તો નિષ્ણાતની સલાહ અવશ્ય લો.
ધન રાશિ પર પ્રભાવ
સૂર્ય ગ્રહ તમારી રાશિથી આઠમા ભાવમાં ગોચર કરશે, આ દરમિયાન લવ લાઇફમાં ઉતાર ચઢાવ રહી શકે છે, જેના કારણે ભાગદોડ પણ રહી શકે છે. આ દરમિયાન નવા ખર્ચ સામે આવશે, નાણાકીય લેવડ-દેવડથી બચો નહીં તો તમારું ધન ફસાઇ શકે છે. આ રાશિના નોકરીયાત વર્ગે નોકરીમાં સ્થાન પરિવર્તનની યોજનાઓ હાલ સમય પૂરતા ટાળવી જોઇએ. ગોચર કાળમાં પ્રોફેશનલ અને પર્સનલ લાઇફ પર ધ્યાન આપવાની આવશ્યકતા છે, મિત્રો સાથે કોઇ પણ ગુપ્ત વાતો શૅર કરવાથી બચો નહીં તો માનહાનિની આશંકા છે.
કુંભ રાશિ પર પ્રભાવ
સૂર્ય તમારી રાશિથી છઠ્ઠા ભાવમાં ગોચર કરશે, આ દરમિયાન તમારે કાર્યોમાં કેટલીક પરેશાનીઓનો સામનો કરવો પડી શકે છે અને ભાઇ બહેનોની સાથે કોઇ વાત પર ગેરસમજ વધી શકે છે. વ્યવસાયમાં આર્થિક હાનિ થવાની કારણે નિરાશાનો સામનો કરવો પડી શકે છે. નોકરીયાત વર્ગ ગોચર કાળમાં કોઇ વિવાદથી દૂર રહે, નહીં તો પરેશાની થશે. પરિવારમાં કોઇ સભ્યની સ્વાસ્થ્ય સંબંધિત સમસ્યાના કારણે ચિંતિત રહેશો. કોઇ યાત્રામાં સામાનનું ધ્યાન રાખો નહીં તો ચોરી થવાની આશંકા છે.
