2023ની શરૂઆતમાં જ કર્મપ્રધાન ગ્રહ શનિ રાશિ પરિવર્તન કરી રહ્યા છે. જ્યોતિષ વિશેષજ્ઞોનું માનીએ તો, શનિના પ્રભાવથી કેટલીય રાશિઓના જીવનમાં શરૂઆતથી જ ઉથલપાથલ સર્જાઈ શકે છે. દરેક વ્યક્તિ પાસે નવા વર્ષ માટે આશા-અપેક્ષાઓ હશે, યોજનાઓ હશે. વિદ્યાર્થીઓને અભ્યાસમાં અવ્વલ આવવાની ચિંતા તો નોકરિયાતોને પ્રમોશનની મહેચ્છા. વેપારીઓને ધંધો પૂરપાટ ઝડપે દોડે તેવી આશા હશે. મેષથી મીન રાશિના જાતકો માટે 2023નું વર્ષ કેવું રહેશે અને કયા ઉપાયો કરવાથી લાભ થશે તે જાણી લો.
મેષ
![મેષ મેષ](https://static.langimg.com/thumb/96644045/i-am-gujarat-96644045.jpg?imgsize=12358&width=680&resizemode=3)
મેષ રાશિના સ્વામી મંગળ છે. મંગળ જીવનમાં પરાક્રમ અને ઉત્સાહના કારક છે. આ રાશિના જાતકો માટે કરિયરની દ્રષ્ટિએ વર્ષ સારું રહેવાનું છે અને નવી ઉપલબ્ધિ મેળવશો. નવા ક્ષેત્રે રોકાણથી ફાયદો થશે. કેટલીક પારિવારિક સમસ્યા આવી શકે છે. આ રાશિના વિદ્યાર્થીઓ માટે વર્ષની શરૂઆત મિશ્ર ફળદાયી રહેશે.
ઉપાય
મેષ રાશિના જાતકોએ 2023માં પરેશાનીથી બચવા માટે મંગળવારે હનુમાજીનું વ્રત કરવું. વ્રત ના કરી શકો તો હનુમાન ચાલીસા અથવા બજરંગ બાણનો પાઠ કરવો.
વૃષભ
![વૃષભ વૃષભ](https://static.langimg.com/thumb/96644044/i-am-gujarat-96644044.jpg?imgsize=7928&width=680&resizemode=3)
આ રાશિના જાતકોના સ્વામી શુક્ર છે. એટલે કરિયરની દ્રષ્ટિએ 2023નું વર્ષ સારું રહેશે. મહેનતનું ફળ પ્રાપ્ત થશે. કાર્યસ્થળે પ્રતિષ્ઠા વધી શકે છે. જે લોકો વ્યવસાયિક ક્ષેત્રે છે તેમને પણ સારો લાભ થઈ શકે છે. પારિવારિક દ્રષ્ટિએ વર્ષ થોડું પ્રતિકૂળ રહી શકે છે. પરંતુ એપ્રિલ બાદ સ્થિતિ સુધરશે. વર્ષના મધ્યમાં સ્વાસ્થ્ય સંબંધિત પરેશાની થઈ શકે છે. વિદ્યાર્થીઓને એપ્રિલ બાદ લાભ થવાની સંભાવના
ઉપાય
વૃષભ રાશિના જાતકોએ આગામી વર્ષ સંભવિત પરેશાનીઓ ટાળવા અથવા ઓછી કરવા માટે દર શુક્રવારે કન્યાઓને સફેદ રંગની મીઠાઈ, ચોખાની ખીર ખવડાવો.
મિથુન
![મિથુન મિથુન](https://static.langimg.com/thumb/96644043/i-am-gujarat-96644043.jpg?imgsize=9530&width=680&resizemode=3)
મિથુન રાશિના સ્વામી બુધ છે. આ રાશિના જાતકોને કરિયર ક્ષેત્રે ઉપલબ્ધિ મળી શકે છે. જૂનથી નવેમ્બર સુધી સાવચેતી રાખવી. કાર્યક્ષેત્રે પરેશાની આવી શકે છે. વ્યવસાય સાથે જોડાયેલા લોકો માટે નવું વર્ષ સારું રહેશે. પારિવારિક દ્રષ્ટિએ પણ વર્ષ સારું છે. પરિવારમાં માંગલિક કાર્યક્રમ યોજાઈ શકે છે. આ રાશિના વિદ્યાર્થીઓને શુભ ફળ મળશે.
ઉપાય
ગ્રહોને અનુકૂળ બનાવવા માટે ગણેશજીની ઉપાસના કરવી. સાથે જ ગૌશાળામાં લીલા ઘાસનું દાન કરવું.
કર્ક
![કર્ક કર્ક](https://static.langimg.com/thumb/96644041/i-am-gujarat-96644041.jpg?imgsize=12402&width=680&resizemode=3)
કર્ક
કર્ક રાશિના સ્વામી ચંદ્રમા છે. આ રાશિના જાતકો માટે કરિયરની દ્રષ્ટિએ વર્ષ સારું રહેશે. વ્યવસાયિક રૂપે લાભ મળી શકે છે. જોકે, ઉતાવળિયા નિર્ણય ટાળવા. નવા વર્ષે પારિવારિક જીવન પ્રભાવિત થઈ શકે છે. આગામી વર્ષે આ રાશિના જાતકોને સ્વાસ્થ્ય સંબંધિત સમસ્યા નડી શકે છે. વિદ્યાર્થીઓએ અભ્યાસ પર ખાસ ધ્યાન આપવું.
ઉપાય
કર્ક રાશિના જાતકોએ પોતાના ગ્રહને ખુશ કરવા માટે ભગવાન શિવનો આશરો લેવો. ભગવાન શિવને જળ અર્પણ કરવું. મંગળવારે હનુમાન ચાલીસાનો પાઠ કરવો.
સિંહ
![સિંહ સિંહ](https://static.langimg.com/thumb/96644040/i-am-gujarat-96644040.jpg?imgsize=9986&width=680&resizemode=3)
સિંહ રાશિના સ્વામી સૂર્ય છે. આ રાશિના જાતકો માટે આગામી વર્ષ કરિયરની દ્રષ્ટિએ મહત્વનું રહેશે. વેપારમાં નવી યોજનાથી લાભ થઈ શકે છે. નોકરિયાત વર્ગના જાતકો ઉપરાંત વેપારીઓને પણ નવી ઉપલબ્ધિ મળી શકે છે. આકસ્મિક ધન લાભ શક્ય છે. પરિવારના મામલે મુશ્કેલી આવી શકે છે. જીવનસાથી સાથે સામંજસ્ય રાખવું.
ઉપાય
સિંહ રાશિના જાતકોએ ભગવાન સૂર્યને નિયમિત જળ અર્પણ કરવું. ખાસ કરીને રવિવારે સૂર્યદેવની પૂજા કરવી. હનુમાન ચાલીસાના પાઠ કરવા અને ગોળનું દાન કરવું. પિતાની સેવા કરવી.
કન્યા
![કન્યા કન્યા](https://static.langimg.com/thumb/96644039/i-am-gujarat-96644039.jpg?imgsize=8606&width=680&resizemode=3)
કન્યા રાશિના સ્વામી બુધ છે. કરિયરની દ્રષ્ટિએ આ રાશિના જાતકોને નવા વર્ષની શરૂઆતમાં સારા પરિણામ મળી શકે છે. વેપારીઓ માટે સારી શરૂઆતના યોગ છે. મે બાદ વેપારમાં નવા સંપર્ક વધી શકે છે. નોકરિયાત વર્ગના લોકોને મનપસંદ જગ્યાએ બદલી મળી શકે છે. શેરબજારમાં રોકાણ કરવા માગતા લોકો માટે વર્ષ સારું છે. આ રાશિના જાતકોનું પારિવારિક જીવન એપ્રિલમાં પ્રભાવિત થઈ શકે છે. સ્વાસ્થ્યની દ્રષ્ટિએ આગામી વર્ષ શાનદાર રહેશે. આ વર્ષ સ્પર્ધાત્મક પરીક્ષાની તૈયારી કરી રહેલા વિદ્યાર્થીઓ માટે સારું છે.
ઉપાય
ગણેશજીની પૂજા કરવી અને તેમને દુર્વા ચડાવવી. આસપાસની ગૌશાળાઓમાં લીલા ઘાસની વ્યવસ્થા કરી આપવી.
તુલા
![તુલા તુલા](https://static.langimg.com/thumb/96644038/i-am-gujarat-96644038.jpg?imgsize=11176&width=680&resizemode=3)
તુલા રાશિના સ્વામી શુક્ર છે. આ રાશિના જાતકોને આ વર્ષે શનિની ઢૈય્યામાંથી મુક્તિ મળશે. એપ્રિલ બાદ કાર્યક્ષેત્રે કંઈક સારું થઈ શકે છે. જે લોકો નવી નોકરી શોધી રહ્યા છે તેમની શોધ પૂરી થશે. પ્રોપર્ટી અને શેર માર્કેટમાં રોકાણ માટે વર્ષ સારું. ભાગીદારીમાં વ્યવસાય કરી રહેલા લોકોને નુકસાન વેઠવું પડી શકે છે. સંતાન પ્રાપ્તિના યોગ છે. પારિવારિક દ્રષ્ટિએ વર્ષ મિશ્ર રહેશે. સ્વાસ્થ્યની કાળજી લેવી.
ઉપાય
મા દુર્ગાની આરાધના કરવી. સાથે જ મા લક્ષ્મી અને મા સંતોષીની પૂજા કરવી. ખાસ કરીને શુક્રવારે વિધિવત પૂજાપાઠ કરવા.
વૃશ્ચિક
![વૃશ્ચિક વૃશ્ચિક](https://static.langimg.com/thumb/96644037/i-am-gujarat-96644037.jpg?imgsize=12436&width=680&resizemode=3)
આ રાશિના સ્વામી મંગળ છે. 17 જાન્યુઆરી બાદ શનિની ઢૈય્યાનો પ્રારંભ ખશે, આ દરમિયાન નોકરી કે વેપારમાં કોઈપણ પ્રકારનું પરિવર્તન સમજી-વિચારીને કરવું. અગાઉ કરેલા રોકાણનો લાભ આ વર્ષે મળી શકે છે. અચલ સંપત્તિમાં વૃદ્ધિના યોગ છે. માતાના સ્વાસ્થ્યને લઈને ચિંતા થઈ શકે છે, સાચવવું. વિદ્યાર્થીઓને આગામી વર્ષે સારું ફળ પ્રાપ્ત થઈ શકે છે. પરંતુ મહેનત વધુ કરવી પડશે.
ઉપાય
હનુમાનજીની પૂજા-અર્ચના કરવી. મંગળવારે હનુમાન ચાલીસાના પાઠ કરવા. શનિવારે પીપાળાના ઝાડ નીચે સરસિયાના તેલનો દીવો કરવો.
ધન
![ધન ધન](https://static.langimg.com/thumb/96644035/i-am-gujarat-96644035.jpg?imgsize=8898&width=680&resizemode=3)
ધન રાશિના સ્વામી ગુરુ છે. નવા વર્ષના પ્રારંભે જ ધનના જાતકોને શનિની સાડાસાતીમાંથી છૂટકારો મળી જશે, જે સુખદ છે. કરિયરની દ્રષ્ટિએ વર્ષ સારું છે. નવી તક પ્રાપ્ત થવાના આસાર છે. એપ્રિલ સુધીમાં મોટું કાર્ય સિદ્ધ થઈ શકે છે. વેપારિક મામલે સફળતા મળશે. આ રાશિના જાતકોનું પારિવારિક જીવન આવતા વર્ષે સારું રહેશે. પરિવારમાં મંગળ કાર્ય થવાના સંકેત છે. સ્વાસ્થ્યની દ્રષ્ટિએ વર્ષ ઉત્તમ છે.
ઉપાય
વિષ્ણુ ભગવાનની પૂજા કરવી. તેમને પીળા ફૂલની માળા પહેરાવવી. દર ગુરુવારે ગાયને લીલો ઘાસચારો, ગોળ-ચણા ભેળવીને ખવડાવવાનો પ્રયાસ કરવો. પીપળાના ઝાડનું પૂજન કરવું.
મકર
![મકર મકર](https://static.langimg.com/thumb/96644034/i-am-gujarat-96644034.jpg?imgsize=10114&width=680&resizemode=3)
મકર રાશિના સ્વામી શનિ છે. નવા વર્ષે આર્થિક લાભના યોગ છે. ખાસ કરીને પ્રોપર્ટીમાં રોકાણથી લાભ થશે. 17 જાન્યુઆરી બાદ તમારી રાશિ પર શનિની સાડાસાતીનું અંતિમ ચરણ શરૂ થશે જે સારો સંકેત છે. ઉતરતી સાડાસાતી કરિયરને કંઈક નવું આપી શકે છે. વેપારીઓ માટે વર્ષ લાભદાયી રહેશે. પારિવારિક મામલે કેટલીક પરેશાની રહી શકે છે. એપ્રિલ સુધીમાં સ્થિતિ સુધરી શકે છે. મકર રાશિના વિદ્યાર્થી વર્ગ મહેનત ખૂબ કરવી.
ઉપાય
શનિવારનો ઉપવાસ કરવો. સરસિયાના તેલમાં અડદની દાળના ભજિયા બનાવીને ગરીબોમાં દાન કરવા. રામરક્ષાસ્ત્રોતનો પાઠ કરવો. હનુમાનજીના દર્શન કરીને જ કામ પર જવું.
કુંભ
![કુંભ કુંભ](https://static.langimg.com/thumb/96644033/i-am-gujarat-96644033.jpg?imgsize=11872&width=680&resizemode=3)
કુંભ રાશિના જાતકોના સ્વામી શનિ છે. નવા વર્ષે આવકમાં વધારો થઈ શકે છે. વ્યવસાયિક ક્ષેત્રે પ્રગતિ થઈ શકે છે. નોકરિયાત વર્ગને પદોન્નતિ થઈ શકે છે. પારિવારિક સંપત્તિથી ધન લાભના યોગ છે. પારિવારિક જીવનની દ્રષ્ટિએ વર્ષ સારું છે. સામાજિક પ્રતિષ્ઠા વધશે. સ્વાસ્થ્ય સંબંધિત માનસિક પરેશાનીઓ સામે આવી શકે છે માટે સજાગ રહેવું. વિદ્યાર્થીઓને મહેનતનું ફળ મળશે.
ઉપાય
શનિવારે શનિ મંદિરમાં પીપળાના ઝાડ નીચે સરસિયાના તેલનો દીવો કરવો. કીડીઓને ગળ્યો લોટ ખવડાવવાથી લાભ થઈ શકે છે. મંગળવાર અને શનિવારે સુંદરકાંડનો પાઠ કરવો.
મીન
![મીન મીન](https://static.langimg.com/thumb/96644032/i-am-gujarat-96644032.jpg?imgsize=10312&width=680&resizemode=3)
મીન રાશિના સ્વામી ગુરુ છે. 17 જાન્યુઆરી પછી સાડાસાતી શરૂ થઈ રહી છે. એવામાં કાર્યક્ષેત્રે સમજી-વિચારીને નિર્ણયો કરવા. એપ્રિલ પછી નોકરી-વ્યવસાય સંબંધિત પરેશાની થઈ શકે છે. કોઈપણ રોકાણ સમજી-વિચારીને કરવું નહીં તો નુકસાન થઈ શકે છે. પારિવારિક સમસ્યા આવી શકે છે. એપ્રિલ બાદ વિવાદનો અંત આવી શકે. સ્પર્ધાત્મક પરીક્ષાની તૈયારી કરી રહેલા વિદ્યાર્થીઓને આગામી વર્ષે સારું પરિણામ મળશે.
ઉપાય
ગુરુવારે પાણીમાં ગોળ ભેળવીને કેળાના ઝાડમાં ચડાવી દેવું. સાથે જ ગુરુવારે શ્રીરામ સ્તુતિ કરવી. શનિવારે પીપળાના ઝાડમાં સરસિયાના તેલનો દીવો પ્રગટાવવો.