US agent visa fraud: અમેરિકા જવા માટે એજન્ટોનો સંપર્ક સાધવા જતા પિતાએ જમીનો પણ ગુમાવી અને દીકરો પણ દુબઈ અટવાઈ ગયો હતો. ભારતમાં બેરોજગાર બેઠેલા દીકરાને અમેરિકા જઈ સેટલ કરવાનું સપનું જોતા પિતાએ તેની જમીનો વેચી કાઢી હતી. એનાથી જે લાખો રૂપિયા આવ્યા તે તેણે એક એજન્ટને આપ્યા કે જે એજન્ટે દુબઈથી અમેરિકા મોકલવાનો વાયદો કર્યો હતો. જોકે બાદમાં અહીં 1 મહિના સુધી છોકરાની સાથે દુબઈમાં જે થયું એ અંગે જાણીને રુંવાડા ઊભા થઈ જશે. કારણ કે એજન્ટે એવી રીતે ફસાવ્યા કે તેમનો દીકરો ના ભારતનો રહ્યો ન અમેરિકાનો રહ્યો. આ ઘટનાક્રમ પર વિગતે નોંધ લઈએ.પીડિત પિતાએ પોલીસ સ્ટેશને આ અંગે 2 ફરિયાદ નોંધાવી હતી. જેમાં તેણે જણાવ્યું કે અમેરિકા મોકલવાનાં નામ પર એક એજન્ટે તેમની સાથે 36 લાખ રૂપિયાનું કૌભાંડ કરી દીધું છે. જુંડલા ગામના રહેવાસી ધર્મવીરે કહ્યું કે મારો દીકરો બેરોજગાર હતો અને હું તેને અમેરિકા મોકલવા માગતો હતો. આ અંગે મેં ફેબ્રુઆરી 2022માં કરનાલ સ્થિત એક વર્લ્ડ ટૂર એન્ડ ટ્રાવેલ્સના કાર્યાલયમાં એજન્ટ સાથે ચર્ચા વિચારણા કરી હતી. અહીં એજન્ટે મને અમેરિકા ચપટી વગાડતા તમારા દીકરાને મોકલી દઈશ એમ કહ્યું હતું.
આ દરમિયાન આરોપીએ 40 લાખ રૂપિયા સુધીનો ખર્ચ થશે એમ જણાવ્યું હતું. જેમાં પેમેન્ટ પ્રોસિજરમાં આ રકમનાં અડધા રૂપિયા કામ થયા પહેલા અને અડધા કામ થયા પછી આપવાના હતા. આ દરમિયાન તેમણે પાસપોર્ટ બનાવવા અને દીકરાને વિઝા આપવામાં પ્રોસેસ કરીશું એમ જણાવ્યું હતું. તેમણે આ કામ માટે 10 લાખ રૂપિયા એજન્ટને તેમના ભાઈની હાજરીમાં આપ્યા હતા. એજન્ટે 10 લાખ રૂપિયા લીધા પછી જણાવ્યું કે ચિંતા ન કરો હવે ચપટી વગાડતા તમારો દીકરો અમેરિકા પહોંચી જશે. એજન્ટે કહ્યું કે હવે તમે બીજા રૂપિયાનું બંદોબસ્ત કરી દેજો એટલે ફટાફટ પેપર વર્ક પૂરા થાય અને તમારો દીકરો અમેરિકા પહોંચી જાય.
હવે રૂપિયાની બીજી વ્યવસ્થા તેના પિતાથી થઈ શકે એમ નહોતી. એટલે તેમણે જૂન મહિનામાં પોતાની 2 એકર જમીન વેચી દીધી હતી. જેનાથી તેમને 30 લાખ રૂપિયા બીજા મળ્યા હતા. હવે એજન્ટે એમ કહ્યું હતું કે તમારા દીકરાને અમેરિકા પહોંચ્યા બાદ બાકીની રકમ અમને આપજો. પરંતુ એજન્ટે વાતોમાં અને સંબંધની શરમ રાખો એમ કહીને તેમના દીકરાને જેવો ફ્લાઈટમાં બેસાડ્યો કે તરત 26 લાખ રૂપિયા પડાવી લીધા હતા. હવે આ સમયે તેના દીકરાને દુબઈથી અમેરિકા મોકલી દઈશ એ વાયદો કર્યો હતો, ત્યાં એમના એજન્ટે 1 મહિના સુધી આ શખસના દીકરાને દુબઈ રાખ્યો હતો.
એજન્ટે જાનથી મારી નાખવાની ધમકી આપી
હવે આવું થયું હોવાથી 1 મહિના સુધી દુબઈમાં જ છોકરો ફસાયેલો રહ્યો. તેને ઘણી મુશ્કેલીઓ પડી અને બાદમાં એજન્ટે પાછો તેને ભારતની રિટર્ન ટિકિટથી મોકલી દીધો હતો. હવે આ અંગે તે મહિના પછી ઘરે આવી જતા પરિવાર ચિંતામાં મુકાઈ ગયો હતો. પરિવારજનોએ એજન્ટને બાદમાં સંપર્ક સાધ્યો અને 36 લાખ રૂપિયા પાછ માગ્યા હતા. જોકે આ સમયે એજન્ટે એકપણ રૂપિયો પાછો નહીં આપું એમ કહી દીધું હતું. પરિવારમાં પણ બધા ધ્રુસકે ધ્રુસકે રડવા લાગ્યા કારણ કે જમીનો વેચીને જે રૂપિયા આવ્યા એનાથી દીકરાને અમેરિકા મોકલવા કોશિશ કરી ત્યારે એજન્ટ રૂપિયા ખાઈ ગયો જેથી તેમને ધ્રાસકો પડ્યો હતો. જોકે એજન્ટે ઘણા સમય સુધી રૂપિયા ન પરત કર્યા અને એક દિવસે તો તેણે ધમકી આપી દીધી કે તમારા આખા પરિવારને જાનથી મારી નાખીશ.
આવી ધમકી મળતા જ બધા ગભરાઈ ગયા અને તેમણે પોલીસ સ્ટેશને સંપર્ક સાધવાનું મન બનાવી લીધું હતું. તેઓ પોલીસ સ્ટેશને ફરિયાદ નોંધાવી અને દીકરા સાથે જે જે ઘટ્યુ તથા એજન્ટની જે ટૂર્સ એન્ડ ટ્રાવેલની આખી ગેમ ચાલતી હતી તેનો પર્દાફાશ કરી દીધો હતો. આ દરમિયાન પોલીસે પણ તપાસ શરૂ કરી દીધી અને એજન્ટે આવા કેટલા લોકોને છેતર્યા હશે તેની પણ નોંધ લેવામાં આવી રહી છે.
