'તારક મહેતા કા ઉલ્ટા ચશ્મા'માં સોનુ ભીડેનો રોલ કરી ચૂકેલી ઝીલ મહેતાના હવે લગ્ન થવાના છે. ઝીલ મહેતાએ એક્ટિંગની દુનિયામાંથી તો વિદાય લઈ લીધી છે પરંતુ સોશિયલ મીડિયા થકી તે ફેન્સ સાથે જોડાયેલી રહે છે. થોડા વખત પહેલા જ તેણે બોયફ્રેન્ડે કરેલા પ્રપોઝલનો વિડીયો શેર કર્યો હતો. હવે તેણે પોતાના લગ્નની ડિટેલ્સ વિશે પણ ખુલાસો કર્યો છે. ઝીલ મહેતા તેના બાળપણના મિત્ર આદિત્ય સાથે લગ્ન કરવાની છે. ઝીલ મહેતા ગુજરાતી છે જ્યારે આદિત્ય નોર્થ ઈન્ડિયન બ્રાહ્મણ છે એટલે લગ્ન બે રિવાજોથી થવાના છે. હાલમાં જ આપેલા એક ઈન્ટરવ્યૂમાં ઝીલે પોતાના લગ્ન, લવસ્ટોરી વિશે ખુલાસો કર્યો છે.એક જાણીતા અખબાર સાથેની વાતચીતમાં ઝીલે જણાવ્યું કે, તે અને આદિત્ય વર્ષના અંતે લગ્ન કરી લેશે. લગ્નની તૈયારીઓ શરૂ થઈ ગઈ છે અને તે ખૂબ ઉત્સાહિત છે. ઝીલના કહેવા પ્રમાણે, તેના લગ્નમાં ચાર-પાંચ ફંક્શન થશે. જેમાં પીઠીથી લઈને મહેંદી અને સંગીતનો પણ સમાવેશ થાય છે. રસપ્રદ વાત તો એ છે કે, ઝીલ અને આદિત્ય સાત નહીં પણ બે જ ફેરા લેશે.
ઝીલે જણાવ્યું કે, તેણી ગુજરાતી અને આદિત્ય નોર્થ ઈન્ડિયન બ્રાહ્મણ હોવાથી તેઓ એક ફેરો ગુજરાતી સ્ટાઈલથી અને બીજો નોર્થ ઈન્ડિયન સ્ટાઈલથી લેશે. આ ગ્રાન્ડ વેડિંગમાં ડાન્સ પણ ખૂબ થવાનો છે અને તેની તૈયારી શરૂ થઈ ગઈ છે. ઝીલના કહેવા પ્રમાણે, તેનો અને આદિત્યનો પરિવાર લાંબા સમયથી એકબીજાને જાણે છે. પરંતુ સગપણ માટે ઝીલના માતાપિતા તૈયાર નહોતા. તેઓ ઈચ્છતા હતા કે તેમની દીકરી પોતાના જ સમાજમાં લગ્ન કરે. પરંતુ બાદમાં તેઓ માની ગયા. તેઓ આદિત્યને જમાઈ નહીં પોતાનો દીકરો જ માને છે.
ઝીલ મહેતાએ જણાવ્યું કે, તે અને આદિત્ય એકબીજાને કોલેજ કાળથી ડેટ કરી રહ્યા છે. બંને એકબીજાથી ઘણાં અલગ છે પરંતુ તેમના પરિવારના મૂલ્યો સમાન છે. ઝીલ અને આદિત્યની સગાઈ ચાલુ વર્ષે માર્ચ મહિનામાં થઈ છે. જેની તસવીરો ઝીલે સોશિયલ મીડિયા પર શેર કરી હતી.
કરિયરની વાત કરીએ તો, એક્ટિંગ છોડીને ઝીલ હવે મેકઅપ આર્ટિસ્ટ બની ગઈ છે. તેનું પોતાનું પાર્લર અને મેકઅપ ટ્યૂટોરિયલ બિઝનેસ છે. ઝીલે અભ્યાસ પર ધ્યાન આપવા માટે 'તારક મહેતા કા ઉલ્ટા ચશ્મા' સીરિયલ છોડી દીધી હતી. શો શરૂ થયો ત્યારથી લગભગ પાંચેક વર્ષથી ઝીલ તેનો ભાગ રહી હતી.
ઝીલ મહેતાએ અભ્યાસ પૂરો કર્યા પછી કેટલાય સ્ટાર્ટ અપ બિઝનેસ સાથે હાથ મિલાવ્યો હતો. તે હવે 'સેફ સ્ટુડન્ટ હાઉસિંગ' નામનો બિઝનેસ કરી રહી છે. જેમાં તે અને આદિત્ય મુંબઈ આવતાં વિદ્યાર્થીઓને ખાવાપીવાની અને રહેવાની વ્યવસ્થા કરી આપવામાં મદદ કરે છે.
ઝીલે જણાવ્યું કે, તેણી ગુજરાતી અને આદિત્ય નોર્થ ઈન્ડિયન બ્રાહ્મણ હોવાથી તેઓ એક ફેરો ગુજરાતી સ્ટાઈલથી અને બીજો નોર્થ ઈન્ડિયન સ્ટાઈલથી લેશે. આ ગ્રાન્ડ વેડિંગમાં ડાન્સ પણ ખૂબ થવાનો છે અને તેની તૈયારી શરૂ થઈ ગઈ છે. ઝીલના કહેવા પ્રમાણે, તેનો અને આદિત્યનો પરિવાર લાંબા સમયથી એકબીજાને જાણે છે. પરંતુ સગપણ માટે ઝીલના માતાપિતા તૈયાર નહોતા. તેઓ ઈચ્છતા હતા કે તેમની દીકરી પોતાના જ સમાજમાં લગ્ન કરે. પરંતુ બાદમાં તેઓ માની ગયા. તેઓ આદિત્યને જમાઈ નહીં પોતાનો દીકરો જ માને છે.
ઝીલ મહેતાએ જણાવ્યું કે, તે અને આદિત્ય એકબીજાને કોલેજ કાળથી ડેટ કરી રહ્યા છે. બંને એકબીજાથી ઘણાં અલગ છે પરંતુ તેમના પરિવારના મૂલ્યો સમાન છે. ઝીલ અને આદિત્યની સગાઈ ચાલુ વર્ષે માર્ચ મહિનામાં થઈ છે. જેની તસવીરો ઝીલે સોશિયલ મીડિયા પર શેર કરી હતી.
કરિયરની વાત કરીએ તો, એક્ટિંગ છોડીને ઝીલ હવે મેકઅપ આર્ટિસ્ટ બની ગઈ છે. તેનું પોતાનું પાર્લર અને મેકઅપ ટ્યૂટોરિયલ બિઝનેસ છે. ઝીલે અભ્યાસ પર ધ્યાન આપવા માટે 'તારક મહેતા કા ઉલ્ટા ચશ્મા' સીરિયલ છોડી દીધી હતી. શો શરૂ થયો ત્યારથી લગભગ પાંચેક વર્ષથી ઝીલ તેનો ભાગ રહી હતી.
ઝીલ મહેતાએ અભ્યાસ પૂરો કર્યા પછી કેટલાય સ્ટાર્ટ અપ બિઝનેસ સાથે હાથ મિલાવ્યો હતો. તે હવે 'સેફ સ્ટુડન્ટ હાઉસિંગ' નામનો બિઝનેસ કરી રહી છે. જેમાં તે અને આદિત્ય મુંબઈ આવતાં વિદ્યાર્થીઓને ખાવાપીવાની અને રહેવાની વ્યવસ્થા કરી આપવામાં મદદ કરે છે.