ગુજરાતમાં સોમવારથી ભારે વરસાદ પડવાની આગાહી કરવામાં આવી હતી તે મુજબ આજે અમદાવાદ સહિત ગુજરાતના ઘણા ભાગોમાં વરસાદ પડ્યો છે. આ ઉપરાંત મંગળવારે પણ ઓછામાં ઓછા 10 જિલ્લામાં મુશળધાર વરસાદ પડી શકે છે. એટલે કે આજે અને આવતીકાલે ગુજરાતમાં જોરદાર વરસાદ પડશે. અમદાવાદ હવામાન વિભાગે કેટલાક જિલ્લાઓ માટે રેડ એલર્ટ જાહેર કર્યું છે.આ વખતે આમ પણ ચોમાસુ સારું રહેવાની આગાહી છે અને તે પ્રમાણે વરસાદ પણ પડી રહ્યો છે. આજે દક્ષિણ ગુજરાતમાં મેઘ તાંડવ જેવી સ્થિતિ છે તેમ કહીએ તો ચાલે. કારણ કે સુરતના ઉમરપાડામાં 14 ઈંચથી વધુ વરસાદ પડ્યો છે. ભરૂચના નેત્રંગમાં પણ સાત ઈંચ કરતા વધુ વરસાદ પડતા જળબંબાકારની સ્થિતિ સર્જાઈ છે. આવતીકાલ માટે 10 જિલ્લામાં રેડ એલર્ટ સાથે ભારેથી અતિભારે વરસાદની આગાહી કરી છે.
સાઉથ ગુજરાતમાં મેઘરાજાની ખાસ કૃપા જોવા મળી છે.. તેમાં ઉમરપાડામાં 14 ઈંચ કરતા વધુ અને નેત્રંગમાં 7 ઈંચ કરતા વધારે વરસાદ પડવાના કારણે નદીઓમાં ધસમસતા પૂર આવ્યા છે. કેટલાક વિસ્તારોમાં રસ્તા પાણીમાં ડૂબી ગયા છે અને ગામડાઓનો સંપર્ક કરી શકાય તેમ નથી.
આજે કયા જિલ્લામાં ભારે વરસાદ પડ્યો છે અથવા વરસાદની આગાહી છે તેની વાત કરીએ તો આજે 6 જિલ્લામાં રેડ એલર્ટ આપવામાં આવ્યું છે, જેમાં ભરૂચ, છોટા ઉદેપુર, નર્મદા, સુરત, નવસારી અને વલસાડ તથા દમણ અને દાદરા નગર હવેલીમાં પણ અતિભારે વરસાદની સંભાવના છે.
આ ઉપરાંત આજે 16 જિલ્લામાં ઓરેન્જ એલર્ટ આપવામાં આવ્યું છે. તેમાં ડાંગ, તાપી, દાહોદ, પંચમહાલ, વડોદરા, મહિસાગર, ખેડા, આણંદ, અરવલ્લી, સાબરકાંઠા, ગાંધીનગર, અમદાવાદ, સુરેન્દ્રનગર, બોટાદ, અમરેલી અને ભાવનગરમાં ભારેથી અતિભારે વરસાદ થઈ શકે છે. જ્યારે કચ્છ, મહેસાણા, બનાસકાંઠા, પાટણ, મોરબી, જામનગર, રાજકોટ, દેવભૂમિ દ્વારકા, પોરબંદર, જુનાગઢ અને ગીર સોમનાથ જિલ્લામાં યલો એલર્ટ આપવામાં આવ્યું છે.
હવામાન વિભાગે કરેલી આગાહી પ્રમાણે મંગળવારે 10 જિલ્લાને રેડ એલર્ટ આપ્યું છે. તેમાં સૌરાષ્ટ્રના ચાર જિલ્લા - એટલે કે જુનાગઢ, ગીર સોમનાથ, અમરેલી અને ભાવનગરમાં અતિભારે વરસાદ થઈ શકે છે. તેવી જ રીતે મધ્ય ગુજરાતમાં છોટા ઉદેપુરમાં રેડ એલર્ટ આપવામાં આવ્યું છે. સુરત, નવસારી, વલસાડ અને દમણ દાદરા નગર હવેલીમાં રેડ એલર્ટ સાથે અતિભારે વરસાદની આગાહી કરી છે.
ગુજરાતમાં ભારે વરસાદની સાથે દરેક શહેરમાં રસ્તા ધોવાઈ જવા, વાહનો ડૂબી જવા અને નીચાણવાળા વિસ્તારોમાં પાણી ભરાવાની સમસ્યા પણ પેદા થાય છે. વરસાદના કારણે પરિવહનને અસર થવાથી થોડા દિવસો માટે શાકભાજીના ભાવમાં પણ વધારો થશે.
સાઉથ ગુજરાતમાં મેઘરાજાની ખાસ કૃપા જોવા મળી છે.. તેમાં ઉમરપાડામાં 14 ઈંચ કરતા વધુ અને નેત્રંગમાં 7 ઈંચ કરતા વધારે વરસાદ પડવાના કારણે નદીઓમાં ધસમસતા પૂર આવ્યા છે. કેટલાક વિસ્તારોમાં રસ્તા પાણીમાં ડૂબી ગયા છે અને ગામડાઓનો સંપર્ક કરી શકાય તેમ નથી.
આજે કયા જિલ્લામાં ભારે વરસાદ પડ્યો છે અથવા વરસાદની આગાહી છે તેની વાત કરીએ તો આજે 6 જિલ્લામાં રેડ એલર્ટ આપવામાં આવ્યું છે, જેમાં ભરૂચ, છોટા ઉદેપુર, નર્મદા, સુરત, નવસારી અને વલસાડ તથા દમણ અને દાદરા નગર હવેલીમાં પણ અતિભારે વરસાદની સંભાવના છે.
આ ઉપરાંત આજે 16 જિલ્લામાં ઓરેન્જ એલર્ટ આપવામાં આવ્યું છે. તેમાં ડાંગ, તાપી, દાહોદ, પંચમહાલ, વડોદરા, મહિસાગર, ખેડા, આણંદ, અરવલ્લી, સાબરકાંઠા, ગાંધીનગર, અમદાવાદ, સુરેન્દ્રનગર, બોટાદ, અમરેલી અને ભાવનગરમાં ભારેથી અતિભારે વરસાદ થઈ શકે છે. જ્યારે કચ્છ, મહેસાણા, બનાસકાંઠા, પાટણ, મોરબી, જામનગર, રાજકોટ, દેવભૂમિ દ્વારકા, પોરબંદર, જુનાગઢ અને ગીર સોમનાથ જિલ્લામાં યલો એલર્ટ આપવામાં આવ્યું છે.
હવામાન વિભાગે કરેલી આગાહી પ્રમાણે મંગળવારે 10 જિલ્લાને રેડ એલર્ટ આપ્યું છે. તેમાં સૌરાષ્ટ્રના ચાર જિલ્લા - એટલે કે જુનાગઢ, ગીર સોમનાથ, અમરેલી અને ભાવનગરમાં અતિભારે વરસાદ થઈ શકે છે. તેવી જ રીતે મધ્ય ગુજરાતમાં છોટા ઉદેપુરમાં રેડ એલર્ટ આપવામાં આવ્યું છે. સુરત, નવસારી, વલસાડ અને દમણ દાદરા નગર હવેલીમાં રેડ એલર્ટ સાથે અતિભારે વરસાદની આગાહી કરી છે.
ગુજરાતમાં ભારે વરસાદની સાથે દરેક શહેરમાં રસ્તા ધોવાઈ જવા, વાહનો ડૂબી જવા અને નીચાણવાળા વિસ્તારોમાં પાણી ભરાવાની સમસ્યા પણ પેદા થાય છે. વરસાદના કારણે પરિવહનને અસર થવાથી થોડા દિવસો માટે શાકભાજીના ભાવમાં પણ વધારો થશે.
