સમગ્ર ગુજરાતમાં હવે ચોમાસુ જામી ગયું છે અને મોટા ભાગના જિલ્લામાં સારો એવો વરસાદ પડ્યો છે. હવામાન ખાતાએ આજે અને આગામી દિવસોમાં રાજ્યના સાત જિલ્લા અને કેન્દ્રશાસિત પ્રદેશોમાં ભારેથી અતિભારે વરસાદની આગાહી કરી છે. તેમાં સુરત, નવસારી, નર્મદા, ભરૂચ, ડાંગ, તાપી અને વલસાડ ઉપરાંત દાદરા નગર હવેલી અને દમણનો સમાવેશ થાય છે. આજે અષાઢી બીજના દિવસે અહીં ભારેથી અત્યંત ભારે વરસાદ પડવાની શક્યતા છે.હવામાન વિભાગે જણાવ્યું કે આજે રવિવારે વડોદરા, પંચમહાલ, દાહોદ, છોટા ઉદેપુર, બનાસકાંઠા, પાટણ, મહેસાણા, સાબરકાંઠા, ગાંધીનગર, અરવલ્લી, ખેડા, અમદાવાદ, આણંદ, પંચમહાલ, દાહોદ, મહિસાગર, વડોદરા, છોટા ઉદેપુર, નર્મદા, ભરૂચ, સુરત, ડાંગ, તાપી, તેમજ સૌરાષ્ટ્રના અમરેલી, ભાવનગર, સુરેન્દ્રનગર, રાજકોટ, જામનગર, પોરબંદર, જૂનાગઢ, મોરબી, દ્વારકા, ગીર સોમનાથ, બોટાદ અને દીવમાં સામાન્યથી ભારે વરસાદ પડી શકે છે.
દેશના ઘણા વિસ્તારોમાં હાલમાં ચોમાસાના કારણે સારો વરસાદ પડી રહ્યો છે. ખાસ કરીને ઉત્તર ભારતના પહાડી વિસ્તારોમાં આ સ્થિતિ છે. હિમાચલ પ્રદેશ અને ઉત્તરાખંડ સહિત ઉત્તર ભારતના કેટલાક ભાગોમાં વરસાદને કારણે સામાન્ય જનજીવનને અસર થઈ છે. ઉત્તરાખંડમાં ભારે વરસાદના કારણે નદીઓ બે કાંઠે વહી રહી છે. છેલ્લા 24 કલાકમાં, ભૂસ્ખલન અને રસ્તા પર કાટમાળને કારણે રાજ્યભરમાં સેંકડો રસ્તાઓ બંધ થઈ ગયા છે. હજુ પણ આગામી 24 કલાક માટે રાજ્યમાં ભારે વરસાદનું રેડ અને ઓરેન્જ એલર્ટ જાહેર કરવામાં આવ્યું છે.
ભારતના ઉત્તર ભાગમાં જ્યાં ભારે વરસાદ છે ત્યાં લોકોને સાવચેત રહેવા અને નદીઓ અને નાળાઓથી દૂર રહેવા ચેતવણી આપવામાં આવી છે. બિનજરૂરી મુસાફરી ન કરવા પણ અપીલ કરવામાં આવી છે કારણ કે ગમે ત્યાં રસ્તામાં અવરોધ થઈ શકે છે.
ગુજરાતની વાત કરીએ તો છેલ્લા 24 કલાકમાં ગુજરાતના 48 તાલુકામાં વરસાદ પડ્યો હતો. જેમાં સૌથી વધારે તાપીના ડોલવાનમાં પાંચ ઈંચ વરસાદ ખાબક્યો હતો. હવામાન વિભાગના વરસાદના આંકડા પ્રમાણે શનિવારે સવારે 6 વાગ્યાથી લઈને રવિવારે સવારે 6 વાગ્યા સુધીના 24 કલાકમાં કૂલ 48 તાલુકામાં વરસાદ નોંધાયો હતો. જેમાં 8 તાલુકામાં એક ઈંચથી સાડા ત્રણ ઈંચ વચ્ચેના વરસાદ નોંધાયો હતો. હવે સાઉથ ગુજરાત પર વરસાદનું જોર વધારે રહેશે. તેથી સુરત, નવસારી, નર્મદા, ભરૂચ, ડાંગ, તાપી અને વલસાડ ઉપરાંત દાદરા નગર હવેલી અને દમણમાં ભારેથી અત્યંત ભારે વરસાદ પડવાની શક્યતા છે.
દેશના ઘણા વિસ્તારોમાં હાલમાં ચોમાસાના કારણે સારો વરસાદ પડી રહ્યો છે. ખાસ કરીને ઉત્તર ભારતના પહાડી વિસ્તારોમાં આ સ્થિતિ છે. હિમાચલ પ્રદેશ અને ઉત્તરાખંડ સહિત ઉત્તર ભારતના કેટલાક ભાગોમાં વરસાદને કારણે સામાન્ય જનજીવનને અસર થઈ છે. ઉત્તરાખંડમાં ભારે વરસાદના કારણે નદીઓ બે કાંઠે વહી રહી છે. છેલ્લા 24 કલાકમાં, ભૂસ્ખલન અને રસ્તા પર કાટમાળને કારણે રાજ્યભરમાં સેંકડો રસ્તાઓ બંધ થઈ ગયા છે. હજુ પણ આગામી 24 કલાક માટે રાજ્યમાં ભારે વરસાદનું રેડ અને ઓરેન્જ એલર્ટ જાહેર કરવામાં આવ્યું છે.
ભારતના ઉત્તર ભાગમાં જ્યાં ભારે વરસાદ છે ત્યાં લોકોને સાવચેત રહેવા અને નદીઓ અને નાળાઓથી દૂર રહેવા ચેતવણી આપવામાં આવી છે. બિનજરૂરી મુસાફરી ન કરવા પણ અપીલ કરવામાં આવી છે કારણ કે ગમે ત્યાં રસ્તામાં અવરોધ થઈ શકે છે.
ગુજરાતની વાત કરીએ તો છેલ્લા 24 કલાકમાં ગુજરાતના 48 તાલુકામાં વરસાદ પડ્યો હતો. જેમાં સૌથી વધારે તાપીના ડોલવાનમાં પાંચ ઈંચ વરસાદ ખાબક્યો હતો. હવામાન વિભાગના વરસાદના આંકડા પ્રમાણે શનિવારે સવારે 6 વાગ્યાથી લઈને રવિવારે સવારે 6 વાગ્યા સુધીના 24 કલાકમાં કૂલ 48 તાલુકામાં વરસાદ નોંધાયો હતો. જેમાં 8 તાલુકામાં એક ઈંચથી સાડા ત્રણ ઈંચ વચ્ચેના વરસાદ નોંધાયો હતો. હવે સાઉથ ગુજરાત પર વરસાદનું જોર વધારે રહેશે. તેથી સુરત, નવસારી, નર્મદા, ભરૂચ, ડાંગ, તાપી અને વલસાડ ઉપરાંત દાદરા નગર હવેલી અને દમણમાં ભારેથી અત્યંત ભારે વરસાદ પડવાની શક્યતા છે.
