Shela school fire drill: શેલાની શાંતિ એશિયાટિક સ્કૂલમાં એસીમાં શોર્ટ સર્કિટના કારણે આગ લાગી હોવાની મીડિયા રિપોર્ટસમાં માહિતી આપવામાં આવી રહી છે. નવગુજરાત સમયનાં અહેવાલ પ્રમાણે આને ઢાંકવા માટે સ્કૂલના સંચાલકોએ મોક ડ્રિલ હોવાનું નાટક કર્યાનો વાલીઓએ આરોપ લગાવ્યો છે. આ ઘટના મુદ્દે શુક્રવારે વાલીઓના ટોળાએ સ્કૂલને ઘેરી લીધી હતી અને બાદમાં મોકડ્રિલના ઢોંગનો પર્દાફાશ કર્યો હતો. ઉલ્લેખનીય છે કે આ દરમિયાન બાળકોને તાત્કાલિક સ્કૂલમાંથી બહાર કાઢવામાં આવ્યા હતા અને ડરી ગયેલા ઓથોરિટીએ આને એક મોકડ્રિલનું નામ આપી ઘટના ઢાંકવાનો પ્રયાસ કર્યો હતો.
વાલીઓએ હોબાળો કરતા મેનેજમેન્ટે આપ્યો જવાબ
મેનેજમેન્ટે બાદમાં વાલીઓનું ટોળુ ઓફિસે આવી જતા જવાબ આપ્યો હતો. ગુરુવારે શાળા ચાલુ હતી ત્યારે અહીં આગ લાગવાની ઘટના બની હતી. અહીં સૌથી પહેલા સ્કૂલના બીજા માળે આવેલા એક ક્લાસમાં એસીમાં શોર્ટ સર્કિટ થયો અને આગ લાગી ગઈ હતી. જેના પગલે તમામ બાળકોને નીચે ખસેડી દેવામાં આવ્યા હતા. હવે આ સમયે બેઝમેન્ટમાં પણ ડાન્સ ક્લાસ ચાલતા હતા તો ત્યાં પણ આગ લાગી હોવાથી તેમને બહાર ખસેડી લેવાયા હતા. આમ વારંવાર આગની ઘટના સામે આવી છતા સ્કૂલના મેનેજમેન્ટે તેને ઢાંકવા માટે મોક ડ્રિલ છે એમ નાટક કરતા વાલીઓ રોષે ભરાયા હતા.
સ્કૂલે આગ ન લાગી હોવાનું રટન કર્યું
જ્યારે શુક્રવારે વાલીઓનું ટોળું સ્કૂલે પહોંચ્યું તો પહેલા મેનેજમેન્ટે આગ ન લાગી હોવાનું જ રટન કર્યું હતું. બાદમાં વાલીઓએ સીસીટીવી કેમેરા ચેક કરવા છે એમ કહ્યું ત્યારે મેનેજમેન્ટ ઢીલું પડ્યું અને આગ લાગી હોવાનું કબૂલ્યું હતું. હવે વાલીઓના હોબાળા વચ્ચે પોલીસ પણ ત્યાં આવી પહોંચી હતી અને ફાયર વિભાગની ટીમ તથા અમદાવાદ ગ્રામ્ય જિલ્લા શિક્ષણાધિકારી અને અમદાવાદ પ્રાથમિક શિક્ષણાધિકારી પણ આવી પહોંચ્યા હતા. પછી તપાસનો ધમધમાટ શરૂ કરી દેવાયો હતો.
વાલીઓએ આ દરમિયાન આક્ષેપ લગાવ્યો હતો કે આ શાળામાં તો ફાયર સેફટીના સાધનો પણ પૂરતા પ્રમાણમાં નથી. અહીં અવર જવર માટે એક્ઝિટનો પણ એક જ ગેટ છે. ઈમરજન્સી એક્ઝિટ પણ નથી.હવે આગ લાગે અને ધુમાડો થાય તો છોકરાઓ ક્લાસરૂમમાં જ અટવાઈ જાય એવી પણ ઘણી જગ્યાઓ છે. હવે આ તમામ હકીકતોને છુપાવવામાં આવી રહી હોવાનો તેમણે આક્ષેપ લગાવ્યો હતો. વાલીઓએ સ્કૂલની આ મોકડ્રિલના નાટકને ગંભીર બેદરકારી ગણાવી કડકમાં કડક કાર્યવાહી કરવા માગ કરી હતી.
હવે આ ઘટનાને પગલે શાંતિ એશિયાટિક સ્કૂલમાં ડીઈઓ અને ડીપીઈઓ દ્વારા બિલ્ડિંગ બેસવા યોગ્ય થશે પછી જ શાળા ચાલુ કરીને છોકરાઓને અહીં બોલાવવા માટે અનુમતિ અપાશે એમ જણાવ્યું હતું. જેથી કરીને અત્યારે સ્કૂલની આખી બિલ્ડિંગ જ બંધ કરી દેવામાં આવી છે અને સોમવારથી ઓનલાઈન શિક્ષણ શરૂ થશે એવી માહિતી બહાર આવી છે. હવે આને જ્યારે શરૂ કરવી હશે ત્યારે ફાયર, પોલીસ અને ડીઈઓની ટીમ તપાસ કરશે અને જો સ્કૂલની બિલ્ડિંગ જોખમી નહીં લાગે તો જ ફરીથી તેને શરૂ કરવાની મંજૂરી અપાશે અને સ્કૂલમાં પહેલાની જેમ રેગ્યુલર શિક્ષણ ચાલુ થશે એવી માહિતી સામે આવી હતી.
વાલીઓએ હોબાળો કરતા મેનેજમેન્ટે આપ્યો જવાબ
મેનેજમેન્ટે બાદમાં વાલીઓનું ટોળુ ઓફિસે આવી જતા જવાબ આપ્યો હતો. ગુરુવારે શાળા ચાલુ હતી ત્યારે અહીં આગ લાગવાની ઘટના બની હતી. અહીં સૌથી પહેલા સ્કૂલના બીજા માળે આવેલા એક ક્લાસમાં એસીમાં શોર્ટ સર્કિટ થયો અને આગ લાગી ગઈ હતી. જેના પગલે તમામ બાળકોને નીચે ખસેડી દેવામાં આવ્યા હતા. હવે આ સમયે બેઝમેન્ટમાં પણ ડાન્સ ક્લાસ ચાલતા હતા તો ત્યાં પણ આગ લાગી હોવાથી તેમને બહાર ખસેડી લેવાયા હતા. આમ વારંવાર આગની ઘટના સામે આવી છતા સ્કૂલના મેનેજમેન્ટે તેને ઢાંકવા માટે મોક ડ્રિલ છે એમ નાટક કરતા વાલીઓ રોષે ભરાયા હતા.
સ્કૂલે આગ ન લાગી હોવાનું રટન કર્યું
જ્યારે શુક્રવારે વાલીઓનું ટોળું સ્કૂલે પહોંચ્યું તો પહેલા મેનેજમેન્ટે આગ ન લાગી હોવાનું જ રટન કર્યું હતું. બાદમાં વાલીઓએ સીસીટીવી કેમેરા ચેક કરવા છે એમ કહ્યું ત્યારે મેનેજમેન્ટ ઢીલું પડ્યું અને આગ લાગી હોવાનું કબૂલ્યું હતું. હવે વાલીઓના હોબાળા વચ્ચે પોલીસ પણ ત્યાં આવી પહોંચી હતી અને ફાયર વિભાગની ટીમ તથા અમદાવાદ ગ્રામ્ય જિલ્લા શિક્ષણાધિકારી અને અમદાવાદ પ્રાથમિક શિક્ષણાધિકારી પણ આવી પહોંચ્યા હતા. પછી તપાસનો ધમધમાટ શરૂ કરી દેવાયો હતો.
વાલીઓએ આ દરમિયાન આક્ષેપ લગાવ્યો હતો કે આ શાળામાં તો ફાયર સેફટીના સાધનો પણ પૂરતા પ્રમાણમાં નથી. અહીં અવર જવર માટે એક્ઝિટનો પણ એક જ ગેટ છે. ઈમરજન્સી એક્ઝિટ પણ નથી.હવે આગ લાગે અને ધુમાડો થાય તો છોકરાઓ ક્લાસરૂમમાં જ અટવાઈ જાય એવી પણ ઘણી જગ્યાઓ છે. હવે આ તમામ હકીકતોને છુપાવવામાં આવી રહી હોવાનો તેમણે આક્ષેપ લગાવ્યો હતો. વાલીઓએ સ્કૂલની આ મોકડ્રિલના નાટકને ગંભીર બેદરકારી ગણાવી કડકમાં કડક કાર્યવાહી કરવા માગ કરી હતી.
હવે આ ઘટનાને પગલે શાંતિ એશિયાટિક સ્કૂલમાં ડીઈઓ અને ડીપીઈઓ દ્વારા બિલ્ડિંગ બેસવા યોગ્ય થશે પછી જ શાળા ચાલુ કરીને છોકરાઓને અહીં બોલાવવા માટે અનુમતિ અપાશે એમ જણાવ્યું હતું. જેથી કરીને અત્યારે સ્કૂલની આખી બિલ્ડિંગ જ બંધ કરી દેવામાં આવી છે અને સોમવારથી ઓનલાઈન શિક્ષણ શરૂ થશે એવી માહિતી બહાર આવી છે. હવે આને જ્યારે શરૂ કરવી હશે ત્યારે ફાયર, પોલીસ અને ડીઈઓની ટીમ તપાસ કરશે અને જો સ્કૂલની બિલ્ડિંગ જોખમી નહીં લાગે તો જ ફરીથી તેને શરૂ કરવાની મંજૂરી અપાશે અને સ્કૂલમાં પહેલાની જેમ રેગ્યુલર શિક્ષણ ચાલુ થશે એવી માહિતી સામે આવી હતી.
