આ તમામ ટ્રીટમેન્ટને બાજુ પર મુકી વાળને મુલાયમ અને મજબૂત બનાવવા માટે અહીં એક સરળ રીત વિશે અમે જણાવી રહ્યા છીએ. તે છે ચોખાનું પાણી, વાળને મજબૂત બનાવવાની આ રીત સદીઓ જૂની છે. રિસર્ચ (1) અનુસાર, જાપાની મહિલાઓ વાળને ઝડપી લાંબા અને ઘટ્ટ બનાવવા માટે રાઇસ વોટરનો ઉપયોગ કરતી હતી. વૈજ્ઞાનિકો દ્વારા હાથ ધરાયેલા રિસર્ચ (2) અનુસાર, ચોખાના પાણીમાં રહેલું ઇનોસિટોલ (inositol) નામનું ઇન્ગ્રિડિયન્ટ્સ ડેમેજ હેરમાં ઝડપી સુધાર લાવે છે, સ્કાલ્પને હેલ્ધી બનાવે છે.
(તસવીરોઃ પિક્સાબે.કોમ, ફ્રિપિક.કોમ)
વાળને થશે આટલા ફાયદા
![વાળને થશે આટલા ફાયદા વાળને થશે આટલા ફાયદા](https://static.langimg.com/thumb/110384089/i-am-gujarat-110384089.jpg?imgsize=1445267&width=680&resizemode=3)
કોરિયન ગ્લાસ સ્કિન મેળવવા માટે ચોખાનું પાણી અને પેસ્ટનો અનેક પ્રકારે ઉપયોગ વિશે તમે સાંભળ્યું હશે. તે ત્વચા માટે જેટલું ફાયદાકારક છે તેટલું જ વાળ માટે પણ છે. WebMD દ્વારા પ્રકાશિત રિસર્ચ અનુસાર, ચોખાનું પાણી ડેમેજ વાળે રિપેર કરે છે, તેને મજબૂત બનાવવા ઉપરાંત સ્મૂધ અને શાયની રાખે છે. આટલા બધા ફાયદાઓ સાથે રાઇસ વોટરને તમે 5 પ્રકારે ઉપયોગમાં લઇ શકો છો.
રાઇસ વોટર સ્પ્રે
![રાઇસ વોટર સ્પ્રે રાઇસ વોટર સ્પ્રે](https://static.langimg.com/thumb/110384078/i-am-gujarat-110384078.jpg?imgsize=1540398&width=680&resizemode=3)
જે પાણીમાં તમે ચોખાને ધૂઓ છો તેને એક સ્પ્રે બોટલમાં ભરીને રાખો. હવે દરરોજ આ પાણીને તમારાં વાળ અને સ્કાલ્પ પર અપ્લાય કરી સ્ક્રબ કરો. તેનાથી વાળનો ગ્રોથ વધશે અને સ્કાલ્પ પણ હેલ્ધી રહેશે.
આ રીતે બનાવો રાઇસ વોટર શેમ્પૂ
![આ રીતે બનાવો રાઇસ વોટર શેમ્પૂ આ રીતે બનાવો રાઇસ વોટર શેમ્પૂ](https://static.langimg.com/thumb/110384086/i-am-gujarat-110384086.jpg?imgsize=77924&width=680&resizemode=3)
શું તમે જાણો છો કે, જે પણ શેમ્પૂનો તમે ઉપયોગ કરી રહ્યા છો, તેને વધુ પાવરફૂલ બનાવી શકાય છે? આ માટે બસ ચોખાના પાણીમાં થોડું શેમ્પૂ મિક્સ કરવાનું છે, ત્યારબાદ આ મિક્સરથી વાળને સાફ કરવાના છે. બસ, તમારાં વાળ સિલ્કી અને શાઇની બની જશે.
આ રીતે રાખો વાળને સ્વસ્છ
![આ રીતે રાખો વાળને સ્વસ્છ આ રીતે રાખો વાળને સ્વસ્છ](https://static.langimg.com/thumb/110384081/i-am-gujarat-110384081.jpg?imgsize=78066&width=680&resizemode=3)
જો તમે શેમ્પૂમાં રાઇસ વોટરનો ઉપયોગ નથી કરવા ઇચ્છતા તો તેના બદલે વાળને ધોવા માટે આ પાણીનો ઉપયોગ કરી શકો છો. તેનાથી વાળમાં કન્ડિશનિંગ જેવો લૂક આવશે અને શુષ્કતા દૂર થશે.
સ્કાલ્પમાં ખંજવાળથી મળશે રાહત
![સ્કાલ્પમાં ખંજવાળથી મળશે રાહત સ્કાલ્પમાં ખંજવાળથી મળશે રાહત](https://static.langimg.com/thumb/110384085/i-am-gujarat-110384085.jpg?imgsize=69822&width=680&resizemode=3)
વાળને હેલ્ધી રાખવા માટે ચોખાના પાણીને એક બાઉલમાં ભરી લો, હવે તેમાં તમારાં વાળ પલાળીને થોડો સમય માટે રાખો. આનાથી ડ્રાય હેરની સાથે સ્કાલ્પ પર થતી ખંજવાળ તેમ જ ડેન્ડ્રફ પણ દૂર થશે.
આવી રીતે કરો હેર સ્પા
![આવી રીતે કરો હેર સ્પા આવી રીતે કરો હેર સ્પા](https://static.langimg.com/thumb/110384239/i-am-gujarat-110384239.jpg?imgsize=1671306&width=680&resizemode=3)
પાર્લરમાં હેર સ્પા માટે તમે ઓછામાં ઓછા 1000 રૂપિયા તો ખર્ચ કરતા જ હશો. હવે આ જ ટ્રીટમેન્ટ તમને ઘરે બેઠાં સાવ મફતમાં મળી જાય તો? આ માટે તમારે ચોખાના પાણીમાં દહી અને નારિયેળ તેલ મિક્સ કરીને અપ્લાય કરવાનું છે. તે વાળને પોષણ આપવાની સાથે સાથે ફ્રિઝીનેસને પણ દૂર કરવામાં મદદ કરશે.
નોંધઃ આ લેખ માત્ર સામાન્ય જાણકારી માટે છે, તે કોઇ પણ પ્રકારે દવા કે ઇલાજનો વિકલ્પ હોઇ શકે નહીં. ત્વચા કે વાળ પર કોઇ પણ નુસખાઓ કે ટ્રીટમેન્ટના ઉપયોગ અગાઉ પેચ ટેસ્ટ કરી લો, વધુ માહિતી માટે તમારાં ડોક્ટરનો સંપર્ક કરો.
શું ડુંગળીના રસ કે તેલથી વાળનો ગ્રોથ ખરેખર વધે છે? ડર્મેટોલોજીસ્ટ પાસેથી જાણો જવાબ