ત્વચાની અલગ અલગ પરેશાનીઓને ધ્યાનમાં રાખી અહીં એવા ઘાસ વિશે માહિતી આપી રહ્યા છીએ જે એક્ને અને સ્કિન એજિંગથી લઇ ઓઇલી સ્કિનની સમસ્યાઓને દૂર કરવા કારગત છે. આ ઘાસ અનેક પ્રકારે ત્વચાને ફાયદો આપે છે. જાણો, આ અંગે એક્સપર્ટ્સ શું કહે છે.
(તસવીરોઃ પિક્સાબે.કોમ, ફ્રિપિક.કોમ)
લેમન ગ્રાસના ફાયદા
અમે જે ઘાસ વિશે વાત કરી રહ્યા છીએ તેનું નામ લેમન ગ્રાસ છે, પરંતુ જો તમે તેને લીંબુનો છોડ કે ઘાસ સમજી રહ્યા છો તો તે ખોટું છે. આ ઘાસનું નામ લેમન ગ્રાસ એટલા માટે છે કારણ કે તેમાં લીંબુ જેવી જ ખુશ્બુ આવે છે અને તેનો આકાર લાંબો હોય છે. આ ઘાસથી તૈયાર થતાં ઓઇલનો ઉપયોગ અનેક બ્યૂટી પ્રોડક્ટ્સમાં કરવામાં આવે છે. WebMD દ્વારા પ્રકાશિત રિસર્ચ અનુસાર, લેમન ગ્રાસ ઓઇલમાં એન્ટી ઓક્સિડન્ટ્સ, એન્ટી-ટ્યૂમર, એન્ટી વાયરલ અને એન્ટી ઇન્ફ્લેમેન્ટરી ગુણો રહેલા છે. જે ત્વચાને પ્યૂરીફાઇ કરવાની સાથે સાથે અનેક પ્રકારે ફાયદાઓ પહોંચાડે છે.
એક્સ્ટ્રા ઓઇલ દૂર કરવામાં કારગત
ફ્રેશ સ્કિન રિસર્ચ (FS.uk) અનુસાર, લેમન ગ્રાસ ઓઇલનો સૌથી મોટો ફાયદો એ છે કે તે ચહેરા પર બનતા એક્સ્ટ્રા ઓઇલને દૂર કરવામાં મદદ કરે છે અને શાઇનને કંટ્રોલ કરે છે. આ જ કારણ છે કે, સ્કિનના એક્સ્ટ્રા ઓઇલને કંટ્રોલ કરવા માટે આ ઇન્ગ્રિડિયન્ટ્સને ખાસ પ્રકારે સ્કિન પ્રોડક્ટ્સમાં ઉપયોગમાં લેવામાં આવે છે.
એક્નેમાં આપશે રાહત
લાંબા સમયથી નેચરલ રેમેડી તરીકે ઇન્ફેક્શનને અટકાવવા અને ઘા ભરવા માટે લેમન ગ્રાસનો ઉપયોગ કરવામાં આવે છે. લેમન ગ્રાસ એક્સટ્રેક્ટના ફાયદાઓ અંગે નેશનલ લાઇબ્રેરી ઓફ મેડિસિન (NIH) દ્વારા પ્રકાશિત રિસર્ચ અનુસાર, લીંબુ ઘાસથી બનેલા એક્સ્ટ્રેક્ટ અથવા ઓઇલ એક્નેની સમસ્યાને દૂર કરવામાં અસરદાર છે.
બ્લેકહેડ્સ કરશે દૂર
જો તમારાં નામ પર બ્લેકહેડ્સ જમા થઇ ગયા છે અને સ્ક્રબિંગ બાદ પણ તે સાફ નથી થઇ રહ્યા તો લીંબુના ઘાસનો ઉપયોગ કરી શકો છો. તમે આ માટે ઘાસની પેસ્ટ તૈયાર કરી સ્ક્રબ કરી શકો છો. રિસર્ચ અુસાર, લાઇમ ગ્રાસ એક્ને, ખીલ અને બ્લેકહેડ્સની સમસ્યાઓથી લડવામાં અસરદાર ગણાય છે.
નોંધઃ આ લેખ માત્ર સામાન્ય જાણકારી માટે છે, તે કોઇ પણ પ્રકારે દવા કે ઇલાજનો વિકલ્પ હોઇ શકે નહીં. વધુ માહિતી માટે તમારાં ડોક્ટરનો સંપર્ક કરો.
