નેશનલ ઇન્સ્ટિટ્યૂટ્સ ઓફ હેલ્થ (NIH) અનુસાર, જો આલ્કોહોલના કારણે લિવરમાં ફેટ જમા થઇ જાય છે, તો તેને આલ્કોહોલિક ફેટી લિવર ડિઝિઝ કહેવામાં આવે છે. પરંતુ જો આ સમસ્યાનું કારણ આલ્કોહોલ નથી તો તેને નોન આલ્કોહોલિક ફેટી લિવર ડિઝિઝ કહેવામાં આવે છે. આ સ્થિતિમાં કેટલાંક ખાદ્યપદાર્થો અને ડ્રીંકના સેવનથી કન્ડિશન વધુ ગંભીર બની સકે છે. શિકાગો મેડિસિન (Chicago Medicine) અનુસાર, જાણો ફેટી લિવરથી બચાવ માટે કેવા ખાદ્યપદાર્થો ડાયટમાંથી દૂર કરવા જોઇએ.
(તસવીરોઃ પિક્સાબે.કોમ, ફ્રિપિક.કોમ)
આલ્કોહોલ
આલ્કોહોલ તમારાં લિવર અને સ્વાસ્થ્ય માટે હાનિકારક છે, ખાસ કરીને ફેટી લિવરની સ્થિતિમાં. આલ્કોહોલના કારણે લિવરમાં વધુ ફેટ જમા થઇ જાય છે, જેના કારણે લિવર ફંક્શનમાં પ્રોબ્લેમ થાય છે અને લિવર ડેમેજનું જોખમ પણ વધી જાય છે.
શુગર ડ્રીંક
ખાંડમાં પણ હાઇ કેલેરી હોય છે અને તમારાં લિવરમાં ફેટ જમા કરે છે. તેથી શુગર યુક્ત ખાદ્યપદાર્થો અન ડ્રીંક્સ જેમ કે સોડા, એનર્જી ડ્રીંક્સ અને પેક્ડ જ્યૂસથી દૂર રહો. તેનાથી ઇન્સ્યૂલિન રેઝિસ્ટન્સ પણ વધે છે. જે ફેટી લિવરની કન્ડિશનને ઓર ખરાબ કરી શકે છે.
સેચ્યુરેડેટ-ટ્રાન્સ ફેટ અને પ્રોસેસ્ડ ફૂડ્સ
રેડ મીટ, બેક્ડ પ્રોડક્ટ્સ અને ફ્રાઇડ ફૂડ્સમાં જોવા મળતા સેચ્યુરેટેડ ફેટ અને ટ્રાન્સ ફેટ લિવરને નુકસાન પહોંચાડે છે. આ સિવાય પ્રોસેસ્ડ અને પેકેજ્ડ ફૂડમાં વધારે માત્રામાં સોડિયમ, શુગર અને અનહેલ્ધી ફેટ્સ હોય છે. જે ફેટી લિવરની સમસ્યાને ઓર વધારી શકે છે.
મેંદા
મેંદો પણ લિવર અને પાચન સ્વાસ્થ્ય માટે નુકસાનકારક ગણાય છે. લિવર ડિઝિઝના દર્દીએ વ્હાઇટ બ્રેડ, પાસ્તા અને અન્ય મેંદાથી બનતા પ્રોડક્ટ્સથી દૂર રહેવું જોઇએ. તેમાં હાઇ ગ્લાઇસેમિક ઇન્ડેક્સ હોય છે, જે બ્લડશુગર લેવલ અને ઇન્સ્યૂલિન રેઝિસ્ટન્સને વધારી શકે છે.
નોંધઃ આ લેખ માત્ર સામાન્ય જાણકારી માટે છે, તે કોઇ પણ પ્રકારે દવા કે ઇલાજનો વિકલ્પ હોઇ શકે નહીં. વધુ માહિતી માટે તમારાં ડોક્ટરનો સંપર્ક કરો.
