હાર્વર્ડ હેલ્થ (Harvard Health) અનુસાર, ડાયટમાં ફાઇબરની માત્રા વધારવાથી LDL કોલેસ્ટ્રોલને ઘટાડી હેલ્ધી કોલેસ્ટ્રોલને વધારી શકાય છે, આ સૌથી સસ્તી અને સરળ રીત છે. ફાઇબરથી ભોજન મંદ ગતિએ પચે છે જેનાથી બ્લડશુગર ઝડપથી નથી વધતું, તે કોલેસ્ટ્રોલને પણ ઘટાડે છે. જો તમે ઝડપથી કોલેસ્ટ્રોલ ઘટાડવા ઇચ્છતા હોવ તો સાધારણ ઘઉંના લોટમાં કેટલીક વસ્તુઓ મિક્સ કરવી જોઇએ. આનાથી તમારી રોટલીમાં ફાઇબરની માત્રા વધશે ઉપરાંત જરૂરી મિનરલ્સ અને વિટામિન્સની માત્રા પણ વધી શકે છે.
(તસવીરોઃ પિક્સાબે.કોમ, ફ્રિપિક.કોમ)
ચીયા સીડ્સ અને જવનો લોટ
ચીયા સીડ્સમાં ઓમેગા-3 ફેટી એસિડ, ફાઇબર અને એન્ટીઓક્સિડન્ટ્સ ભરપૂર માત્રામાં છે. તેને પીસીને લોટમાં મિક્સ કરવાથી કોલેસ્ટ્રોલ ઘટે છે ઉપરાંત અન્ય પોષક તત્વો પણ મળી શકે છે. આ પ્રકારે જવમાં દ્રવ્ય ફાઇબર રહેલું છે, તેને લોટમાં મિક્સ કરવાથી કોલેસ્ટ્રોલ ઘટે છે.
ઓટ્સ અને અળસી
ઓટ્સમાં દ્વાવ્ય ફાઇબરની માત્રા વધારે રહેલી છે, જે ખરાબ કોલેસ્ટ્રોલને ઘટાડવામાં મદદ કરે છે. તમે તમારાં લોટમાં ઓટ્સ અથવા ઓટ બ્રાન મિક્સ કરી શકો છો. જ્યારે અળસીમાં ઓમેગા-3 ફેટી એસિડ અને ફાઇબર ભરપૂર માત્રામાં હોય છે, જે કોલેસ્ટ્રોલને ઘટાડવામાં મદદ કરે છે. તમે પીસેલી અળસીને લોટમાં મિક્સ કરી રોટી, મફિન અથવા અનય રીતે બૅક કરીને ખાઇ શકો છો.
ઇસબગુલ અને બદામનો લોટ
પિસિલિયમ હસ્ક એટલે કે, ઇસબગુલની ભૂક્કીમાં પણ દ્રાવ્ય ફાઇબર રહેલું છે, તેને લોટમાં મિક્સ કરવાથી કોલેસ્ટ્રોલ ઘટે છે અને પાચન પણ ઉત્તમ રહેશે. બદામના લોટમાં હેલ્ધી ફૅટ, ફાઇબર અને પ્લાન્ટ સ્ટેરોલ હોય છે, જે કોલેસ્ટ્રોલને ઘટાડવામાં મદદ કરે છે. તમે લોટમાં બદામનો લોટ પણ મિક્સ કરી શકો છો.
સોયા અને મસૂરની દાળનો લોટ
સોયામાં એવા તત્વો રહેલા છે જે ખરાબ કોલેસ્ટ્રોલને ઘટાડવામાં મદદ કરે છે. તમે તમારાં લોટમાં સોયાનો લોટ મિક્સ કરી શકો છો. આ ઉપરાંત મસૂરની દાળમાં ફાઇબર અને પ્રોટીન ભરપૂર માત્રામાં રહેલા છે. તેને ઘઉંના લોટમાં મિક્સ કરવાથી કોલેસ્ટ્રોલને કંટ્રોલ કરવામાં મદદ મળે છે.
નોંધઃ આ લેખ માત્ર સામાન્ય જાણકારી માટે છે, તે કોઇ પણ પ્રકારે દવા કે ઇલાજનો વિકલ્પ હોઇ શકે નહીં. વધુ માહિતી માટે તમારાં ડોક્ટરનો સંપર્ક કરો.
