Anant Radhika Wedding: પહેલા ફંક્શનમાં અંબાણી લેડીઝે પહેર્યા ચઢીયાતી ડિઝાઇનના બ્લાઉઝ, તમે પણ કરાવી લો સ્ટીચ

રાધિકા મર્ચન્ટે લહેંગાની સાથે વિન્ટેજ કોટી બ્લાઉઝ પહેર્યો છે. ગુલાબી અને ઓરેન્જ કલરની આ કોટીની નેકલાઇનને વી આકારમાં રાખવામાં આવી હતી, જેમાં ઉપરથી લઇ નીચેની તરફ બટન્સ લગાવવામાં આવ્યા હતા. વેસ્ટ પોર્શ પર ગ્રીન રંગની બોર્ડરવાળી મોટી પટ્ટીની ફિનિશંગ સાથે બે સાઇડ કટ આપવામાં આવ્યા છે. સ્લિવ્સને હાફ રાખતા તેની હેમલાઇન પર નાની નાની ગોલ્ડન કલરની લટકણ આપવામાં આવી છે. રાધિકાનો આ બ્લાઉઝ માત્ર લહેંગા સાથે જ નહીં પણ સાડી સાથે પણ પૅર કરી શકો છો.

ઇશાની સાડીની તસવીરો ઇન્ટરનેટ પર છવાઇ રહી છે, જ્યારથી આ ફોટોગ્રાફ્સ વાયરલ થયા છે દરેક વ્યક્તિ તેની સાડીના વખાણ કર રહ્યું છે. પરંતુ માત્ર સાડી જ નહીં પરંતુ આ સાડીનો બ્લાઉઝ પણ ઓછો ક્લાસી નહતો. ઇશાના બ્લાઉઝની નેકલાઇનને સ્વીટહાર્ટ રાખવામાં આી હતી અને તેમાં સ્ટ્રેપ ડિઝાઇનની સાથે શોર્ટ ફ્લટર સ્લિવ્સને અટેચ કરવામાં આવી હતી, જે બ્લાઉઝના લૂકને પરફેક્ટ ફિનિશિંગ આપે છે. ફ્રન્ટની સાથે આ બ્લાઉઝની બેક ડિઝાઇન પણ સ્ટાઇલિશ હતી, તેમાં હૂક આપવામાં આવ્યા હતા અને ટેસલ લટકણ લગાવવામાં આવી છે.

ગુલાબી રંગના ઘરારા સાથે શ્લોકા મહેતાએ ઓરેન્જ કલરની ચોલી પહેરી હતી, જેના પર પિંક અને ગોલ્ડન સ્ટારનું વર્ક કરવામાં આવ્યું હતું. નેક ડિઝાઇનને ડાયમંડ શેપમાં રાખવામાં આવી હતી, જેમાં પિંક કલરની પાઇપિંગથી ફિનિશિંગ આપવામાં આવ્યું છે. સાથે જ બલૂન સ્લિવ્સથી આ બ્લાઉઝ લૂકને પરફેક્ટ બનાવે છે. તમે પણ સાડીવાળા લૂકને આકર્ષક બનાવવા માટે પફ સ્લિવ ચોલી તૈયાર કરાવી શકો છો.

તમે સિમ્પલ બ્લાઉઝ કૅરી કરવાનું પસંદ કરતા હોવ તો નીતા અંબાણીનો આ બ્લાઉઝ કોપી કરી શકો છો. ગુલાબી રંગના હેવી બાંધણી લહેંગાની સાથે નીતા અંબાણીએ ગુલાબી કલરનો બ્લાઉઝ પહેર્યો હતો. જેમાં ફ્રન્ટ અને બેક ડિઝાઇન પ્લેન હતી અને સ્લિવ્સને હેવી બોર્ડર અને ખભા પર ગોલ્ડન એમ્બ્રોયડરી આપવામાં આવી છે. તમે નેકલાઇનને તમારાં હિસાબથી રાખી આ પ્રકારનો બ્લાઉઝ સ્ટિચ કરાવી શકો છો.