Indian can easily get Internship in US: અમેરિકામાં ભણતા ભારતીયો માટે સારા સમાચાર સામે આવી રહ્યા છે. અહીં નોકરી પહેલા સ્કિલફૂલ જોબ હોય તેવી વેકેન્સીમાં ઈન્ટર્નશિપ એક્સપિરિયન્સ પણ કાઉન્ટ થયો હોય છે. તેવામાં ભારતીય સ્ટુડન્ટ્સ માટે ખાસ એક પ્લેટફોર્મ ઊભું કરાયું છે, જેમાં તેઓ સરળતાથી ઈન્ટર્નશિપ મેળવી શકે છે. ધ કોન્સ્યુલેટ જનરલ ઓફ ઈન્ડિયાએ ન્યૂયોર્કમાં બુધવારે આ પ્લેટફોર્મ લોન્ચ કર્યું હતું. જેમાં ઈન્ટર્નશિપની વિવિધ ઓપર્ચ્યુનિટીઝ કંપનીઓ અહીં એડઓન કરી શકે છે. આમાં લોગ ઈન કરીને પોતાના રેઝ્યૂમે હિસાબે ભારતીય સ્ટુડન્ટ્સ સરળતાથી નોકરી મેળવી શકે છે. એટલું જ નહીં અમેરિકામાં જે ફિલ્ડમાં ભણતર કરી રહ્યા હોય ત્યારે એ જ ફિલ્ડનો વર્કિંગ એક્સપિરિયન્સ જો હોય તો સારા પે-સ્કેલની જોબ પણ સિક્યોર કરી શકાય છે.કોન્સ્યુલેટે આ માટે સોશિયલ મીડિયા પ્લેટફોર્મ એક્સ પર કહ્યું કે અમેરિકામાં અત્યારે કોમ્પિટિશનનો માહોલ છે. તેવામાં ભારતીય સ્ટુડન્ટ્સને પોતાની કારકિર્દીને અમેરિકામાં આગળ વધારવા તથા સારી એવી તક મેળવવા માટે અમે મોટી પહેલ શરૂ કરી છે. ન્યૂયોર્કમાં અમે એક પ્લેટફોર્મ ડિજિટલી તૈયાર કર્યું છે જેમાં વિદ્યાર્થીઓ સરળતાથી પોતાની ફિલ્ડની કંપનીઓ સર્ચ કરી શકે અને ત્યાં ઈન્ટર્નશિપ હોય તો એ મેળવી શકે છે. અહીં તેમને મોટાભાગની કંપનીમાં કે જ્યાં ઈન્ટર્ન માટે વેકેન્સી હોય છે એની વિગતો ભરવાની રહે છે.
આ પ્લેટફોર્મ અંગે વિવિધ અમેરિકન અને ઈન્ડોઅમેરિકન કંપનીનો પણ સંપર્ક સાધવામાં આવ્યો હતો. તેમને પણ આ ઈન્નોવેટિવ આઈડિયાને આવકાર્યો હતો. એટલું જ નહીં મોટાભાગના ઓર્ગેનાઈઝેશને તેમનો પોર્ટફોલિયો અને કંપનીની વિગતો આ પ્લેટફોર્મ પર ડિજિટલી એડઓન કરી દીધી ચે, જેથી કરીને ભારતીય સ્ટુડન્ટ્સ સરળતાથી ચેક કરી શકે કે ક્યાં કેટલી જગ્યા ખાલી છે અને કેવી રીતે અહીં કામ કરી શકાય.
તો ચલો આપણે એ પ્લેટફોર્મ વિશે જાણીએ જેમાં અમેરિકામાં ઈન્ટર્નશિપ ઈચ્છતા ભારતીય સ્ટુડન્ટ્સ અપ્લાય કરી શકે છે. વેબસાઈટ: https://indiainnewyork.gov.in/job/index
આ વેબસાઈટ છે જેમાં ક્લિક કરીને ભારતીય સ્ટુડન્ટ્સ રજિસ્ટર કરીને સારી તક ઝડપી શકે છે. જોકે જે કંપનીમાં વેકેન્સી હોય ત્યાં સ્ટુડન્ટ્સ ડાયરેક્ટ પણ એપ્લાય કરી શકે છે. જોકે કોન્સ્યુલેટે જણાવ્યું કે સિલેક્શન પ્રોસેસ કેવી રીતે ચાલશે એમાં અમારો કોઈ જ રોલ નહીં હોય. તે વ્યક્તિની સ્કિલ્સ અને અન્ય કાબિલિયતના આધારે પંસદગી પ્રક્રિયા હાથ ધરાશે તથા ઈન્ટર્નશિપ પછી નોકરી મળશે કે નહીં એ પણ તેના પરફોર્મન્સ પર આધાર રાખશે. આ એક માત્ર માધ્યમ રહેશે જેના થકી તેઓ અપ્લાય કરી શકશે.