Canada deportation update: કેનેડાથી એકપછી એક ધડાધડ ભારતીય સ્ટુડન્ટ્સ ડિપોર્ટ થઈ રહ્યા છે. પ્રિન્સ એડવર્ડ આઈલેન્ડમાં આના વિરોધમાં એક મોટી પ્રોટેસ્ટ પણ છેલ્લા 2 મહિનાથી ભારતીય સ્ટુડન્ટ્સ કરી રહ્યા છે. તેઓ ઈમિગ્રેશન નિયમોમાં જે ફેરફાર થયા છે અને લિમિટેશનને લીધે જે પહેલાથી જ આ નિયમ લાદવમાં આવ્યે એના પૂર્વે આવેલા છે તેમને પણ ડિપોર્ટ કરાઈ રહ્યા છે. એનો વિરોધ કરી રહ્યા છે. જોકે આમાં કઈ વધારે સારુ થઈ રહ્યું હોય એમ નહોતું લાગી રહ્યું પરંતુ કેનેડિયન પ્રોવિન્સમાં છેલ્લા 2 મહિનામાં ભારતીય સ્ટુડન્ટની આ વિરોધ પ્રદર્શનને જોઈને એક મોટી સંસ્થા તેમની મદદે આવી છે.
કૂપર ઇન્સ્ટિટ્યૂટ અને BIPOC USHR જેવા ઇમિગ્રન્ટ્સ અને કલર્ડ લોકોને સમર્થન આપતા હિમાયતી જૂથોએ બુધવાર, 3 જુલાઈના રોજ "ફેર PNP નિયમો" ટાઈટલવાળી પ્રેસ કોન્ફરન્સ યોજી હતી. તેઓએ સરકારને વિનંતી કરી હતી કે પ્રોવિન્સમાં પહેલાથી જ વિદેશી કામદારોને આ નવા નિયમોમાંથી મુક્તિ આપવામાં આવે. તેવામાં BIPOC-USHRના રિલેશન કોર્ડિનેટર નૌહદ મૌરાદે જણાવ્યું હતું કે, "PEI પર ઇમિગ્રન્ટ અને વંશીય સમુદાયો માટે આ મુદ્દો ઘણો ઊઠી રહ્યો છે, તેથી મને લાગે છે કે કોઈપણ અને દરેક વ્યક્તિએ તેમની સાથે ઊભા રહેવું જોઈએ."
મૌરાદે વધુમાં કહ્યું કે PEIના હાઉસિંગ ક્રાઈસિસ અને હેલ્થકેર સિસ્ટમમાં ફાંટા પડી ગયા છે એના માટે તેઓ વિદેશી કામદારોને જવાબદાર ઠેરવી બધુ ઢાંકવાના પ્રયાસો કરાઈ રહ્યા છે. હવે આ મુદ્દો જે છે ડિપોર્ટેશનનો એ આજે ભારતીય સ્ટુડન્ટ્સને જ નહીં પરંતુ જે જે વિદેશથી આવેલા ઈમિગ્રન્ટ્સ છે તેમને અસર છે. આ ભવિષ્યમાં જો નિયમો વધુ કડક થયા તો માત્ર ભારતીયો જ નહીં બધા પર આની અસર થાય એમ લાગી રહ્યું છે.
હવે આ મુદ્દે જે હતો અને વિરોધ પ્રદર્શન હતું તે ફેબ્રુઆરી મહિનાથી શરૂ થઈ ગયું હતું. અહીં પ્રોવિન્શિયલ નોમિની પ્રોગ્રામ ( PNP ) નિયમો જે હતા તેમાં ફેરફાર જાહેર થયા એના પછી વાતવરણમાં ફેરફાર થઈ ગયો છે. આનો ઉદ્દેશ PEIની હેલ્થકેર સિસ્ટમ અને હાઉસિંગ મોર્કેટ પર જે દબાણ વધી રહ્યું છે તેના કારણે 2024માં ઈમિગ્રેન્ટ્સની સંખ્યા 25 ટકા ઘટાડવા પર જે ભાર મુકવામાં આવ્યું અને ધડાધડ ડિપોર્ટેશન શરૂ થયું એના પર રહેલો છે.
હવે આટલો બધો વિરોધનો વંટોળ ફૂંકાયો, લોકો રસ્તા પર ઉતરી આવ્યા અને ભૂખ હડતાળ કરી છતા સરકારે કોઈ ખાસ સ્ટેપ આના પર લીધો નહોતો. તેમણે કહ્યું હતું કે જૂન સુધીમાં તો આ નીતિમાં અમે કોઈ તાત્કાલિક ધોરણે ફેરફાર નહીં કરીએ. હવે આ અંગે પ્રોવિન્સની ઓફિસે લેટર લખ્યો હતો અને જણાવ્યું હતું કે અમે અહીં આવેલા લોકોને કઈ લેખિતમાં ખાતરી નહોતી આપી કે તેમને પરમેનન્ટ રેસિડન્સી મળી જશે. હવે અહીં 12 હજારથી વધુ લોકોએ પરમેનન્ટ રેસિડન્સી માટે અપ્લાય કર્યો હતો પરંતુ 1590 લોકોને જ PR મળશે. અમે કઈ બધાને પ્રોમિસ નથી કર્યા કે તમને અહીં કાયમી વસવાટ માટે અમે ગ્રીન ફ્લેગ આપી દઈશું.
અહીં અત્યારસુધીમાં 20 લોકોના પરમિટ પુરા થઈ જતા ભારત જતા રહ્યા છે. તો બીજા જે લોકો વિરોધ કરી રહ્યા છે તે વિઝિટર સ્ટેટસ મેળવીને પોતાની પ્રોટેસ્ટ ચાલુ રાખશે એમ માહિતી મળી રહી છે. હવે આ દરમિયાન લોકોએ કહ્યું કે અમે કોઈ ગેરકાયદેસર કેનેડામાં નથી આવ્યા, અમે જેના હકદાર છીએ એટલો તો કામ કરવાની તક આપજો. અમે હાર્ડ વર્કિંગ છીએ અને જે ડિઝર્વ કરીએ છીએ એ તો મળવું જ જોઈએ.
