જો તમે ફરવા જવાનું પ્લાનિંગ કરી રહ્યા છો અને એવી જગ્યાની શોધી રહ્યા છો કે જ્યાં નેચરલ બ્યૂટી, શાંતિ સાથે કંઈક અલગ મળે તો તમે દિવ અને દમણ ફરવા માટે જઈ શકો છો. ગુજરાતમાં આવેલા આ બે પ્રદેશોમાં અનેક એવા સુંદર લોકેશન્સ છે કે જેને જોઈને તમે 'ગોવા'માં હોવ તેવો અનુભવ થશે. તો આજે અમે તમને દિવ દમણના આ બેસ્ટ લોકેશન્સ વિશે જણાવીશું.
દમણ ગંગાના કિનારે આવેલો આ કિલ્લો સેંટ ઝીરોમની યાદમાં તૈયાર કરવામાં આવ્યો હતો. આ કિલ્લાની ખાસ વાતએ છે કે our lady of the seaનો ચર્ચ પોર્ટુગિઝના આર્કિટેચરને રજૂ કરે છે. આ ઉપરાંત અહીં પોર્ટુગલ યુદ્ધની યાદ આપતું કબ્રસ્તાન પણ છે.
દમણ અને દિવની સુંદરતાની સાથે પ્રવાસીઓને આકર્ષે છે અહીંના બીચ. દિવમાં આવેલો નાગોઆ બીચ મુસાફરોની પહેલી પસંદ છે. આ બીચ પર ભીડ પણ ઓછી હોય છે અને તમે દરિયાના પાણીમાં મજા માણી શકો છો.
દમણનો દેવકા બીચ પણ ખૂબ જ જાણીતો છે. પ્રવાસીઓની પસંદગીની જગ્યામાંથી એક છે આ બીચ. સાંજે ફરવા માટે અને સમય પસાર કરવા માટે બેસ્ટ લોકેશન્સ છે. જોકે અહીં સ્લિમિંગ કે કોઈ પણ પ્રકારના વોટર સ્પોર્ટસ કરવું યોગ્ય નથી કેમ કે અહીંની જમીન ખૂબ જ પથરાળી છે.
દમણમાં આવેલો આ ગાર્ડનને Kadaiya Lake Garden પણ કહેવામાં આવે છે. અહીં ગાર્ડન, બોટ રાઈડ ઉપરાંત મનોરંજન માટે અન્ય વ્યવસ્થા પણ છે.
દમણના સૌથી સુંદર બીચમાંથી એક છે જંપોર બીચ. આ મોટી દમણના દક્ષિણ છેડા પર આવેલો છે. આ બીચ સ્વિમર્સની પસંદગીની જગ્યા છે. અહીં સન સેટનો અદભૂત નજારો જોવા મળે છે.
દમણગંગાના કિનારે આવેલું લાઈટ હાઉસ પણ જોવા લાયક છે. તેને દમણનું સૌથી પોપ્યુલર અને મહત્વપૂર્ણ લેન્ડમાર્ક માનવામાં આવે છે.
દમણ અને દીવમાં ફરવા માટે અનેક ચર્ચ, એક્વેરિયમ, પાર્ક, બ્રિજ સાઈડ ગાર્ડન અને બોમ જીસસ ચર્ચ જેવી જગ્યાઓ પર જઈ શકો છો.