ભગવાન શંકરને પણ તેઓ ઓળખતા નહતા, તેથી ભગવાન શિવ દેવી પાર્વતીને મળવા તેમના કક્ષ તરફ ગયા તો વિનાયકે તેઓને અટકાવ્યા અને વારંવાર આગ્રહ કરવા છતાં ભગવાન શંકરને અંદર ના જવા દીધા. આ જોઇ શંકર ભગવાનને અપરિચિત બાળક પર ક્રોધ આવ્યો, તેઓએ બાળકની હઠધર્મિતાના કારણે પોતાના ત્રિશૂળથી સ્વંયના પુત્રનું માથુ ધડથી અલગ કરી દીધું. પાર્વતીના ક્રોધ અને વિલાપથી પસ્તાવાથી તેઓએ બાળકમાં પુનઃ પ્રાણ નાખ્યા અને ગજનું માથું લગાવ્યું. આ વાર્તાને તમે જાણતા જ હશો, પરંતુ શું તમે જાણો છો કે, ભગવાન શિવને એક મહાન ઋષિએ શ્રાપ આફ્યો હતો, જેના પ્રભાવથી સમયને કંઇક એ પ્રકારે આગળ ધપાવ્યો કે ભગવાન શિવે પોતાના જ પુત્રનું માથુ કાપી નાખ્યું. બ્રહ્માવૈવર્ત પુરાણ અનુસાર, મહાદેવને કશ્યપ ઋષિએ શ્રાપ આપ્યો હતો.
(તસવીરોઃ પિક્સાબે.કોમ, ફ્રિપિક.કોમ)
કેમ મળ્યો હતો શિવને શ્રાપ?
![કેમ મળ્યો હતો શિવને શ્રાપ? કેમ મળ્યો હતો શિવને શ્રાપ?](https://static.langimg.com/thumb/108010490/i-am-gujarat-108010490.jpg?imgsize=1441224&width=680&resizemode=3)
બ્રહ્માવૈવર્ત પુરાણ અનુસાર, માલી-સુમાલી નામના બે રાક્ષસો શિવ ભક્ત હતા. એકવાર તેઓ ભગવાન શિવની શરણમાં આવ્યા અને સૂર્યદેવની નિંદા કરવા લાગ્યા. તેઓએ કહ્યું કે, પોતાની રાશિમાં સૂર્યના નકારાત્મક પ્રભાવના કારણે તેઓને શારિરીક કષ્ટ ભોગવવું પડે છે. સૂર્યદેવ ઇચ્છે તો તેઓના કષ્ટ ઘટાડી શકે છે. તેઓએ ભગવાન સંકરને સૂર્યદેવને કષ્ટ નહીં આપવાનું કહ્યું. ભગવાન શંકર સૂર્યદેવને સમજાવવા પહોંચ્યા, પરંતુ સૂર્યદેવે કહ્યું કે, માલી અને સુમાલી શિવભક્ત ચોક્કસથી છે પરંતુ તેઓ ક્રૂર રાક્ષસ છે અને તેઓને પોતાના કર્મોનું ફળ મળી રહ્યું છે. નિયમ અનુસાર, તેઓ તમામ રાશિઓમાં ગોચર કરી રહ્યા છે, તેથી માલી સુમાલી પર વિશેષ કૃપા નહીં કરી શકે. સૂર્યદેવના શબ્દો અહંકારથી ભરેલા હતા આ સાંભળીને શિવજીને ક્રોધ આવ્યો અને તેઓએ સૂર્યદેવ પર ત્રિશૂળથી પ્રહાર કર્યો.
કશ્યપ ઋષિએ આપ્યો શ્રાપ
![કશ્યપ ઋષિએ આપ્યો શ્રાપ કશ્યપ ઋષિએ આપ્યો શ્રાપ](https://static.langimg.com/thumb/108010488/i-am-gujarat-108010488.jpg?imgsize=1855513&width=680&resizemode=3)
ત્રિશૂળના પ્રહારથી સૂર્યદેવનું માથુ કપાઇને નીચે પડ્યું, તેઓના પ્રાણ ત્યાગતા જ ધરતી અંધકારમય થઇ ગઇ. આ જોઇ બ્રહ્માના પૌત્ર અને સૂર્યદેવના પિતા કશ્યપ ઋષિ અત્યંત દુઃખી થયા. પોતાના પુત્રનું કપાયેલું માથું જોઇ કશ્યપ ઋષિનું દિલ પીડાથી ભરાઇ ગયું અને તેઓએ મહાદેવને શ્રાપ આપ્યો કે, જે પ્રકારે આજે એક પિતા થઇને તેઓને પુત્રને આવી સ્થિતિમાં જોઇ જેટલી પીડા થઇ રહી છે, એક દિવસ મહાદેવને પણ પોતાના પુત્રને આ સ્થિતિમાં જોઇ પીડા ઉઠાવવી પડશે અને પુત્રને પીડા આપવાના ઉત્તરદાયી સ્વયં મહાદેવ જ હશે. એક પિતાની પીડા જોઇ ભગવાન શિવ વ્યાકૂળ થઇ ગયા, તમામ દેવતાઓએ પણ ભગવાન શિવને પ્રાર્થના કરી કે સૂર્યદેવ વગર આખી ધરતી અંધકારમય થઇ જશે અને પૃથ્વી પર જીવન સંભવ નહીં બને. આ સાંભળીને શિવજીને સૂર્યદેવના શીતળ પડી ગયેલા તેજને જીવિત કરી દીધું.
સૂર્યદેવે પિતાને સમજાવ્યા
![સૂર્યદેવે પિતાને સમજાવ્યા સૂર્યદેવે પિતાને સમજાવ્યા](https://static.langimg.com/thumb/108010486/i-am-gujarat-108010486.jpg?imgsize=2135878&width=680&resizemode=3)
જ્યારે સૂર્યદેવ જીવિત થયા તો તેઓને પોતાની ભૂલનો પસ્તાવો થયો કે તેઓએ અહંકારમાં આવીને મહાદેવની અવહેલના કરી છે. તેઓએ ભગવાન શિવની ક્ષમા માગી અને પિતાને વાત સમજાવી. તેઓએ પિતા કશ્યપને સમજાવ્યું કે, તેઓએ મહાદેવને આવો શ્રાપ આપવો નહતો. હવે તેઓ શાપના વિનાશને ઘટાડીને તેનો ઉપાય જણાવે. આ સાંભળી કશ્યપ ઋષિએ કહ્યું કે, તેઓના શ્રાપને પરત નહીં લઇ શકાય, પરંતુ જે પ્રકારે મહાદેવે સૂર્યદેવને જીવિત કર્યા છે તેઓ પોતાના પુત્રને પણ જીવિત કરી શકશે અને અલગ સ્વરૂપના કારણે મહાદેવના આ પુત્રની ઘરે-ઘરે પૂજા કરવામાં આવશે.
સૂર્યના નકારાત્મક પ્રભાવથી મુક્તિના દ્વાર
![સૂર્યના નકારાત્મક પ્રભાવથી મુક્તિના દ્વાર સૂર્યના નકારાત્મક પ્રભાવથી મુક્તિના દ્વાર](https://static.langimg.com/thumb/108010482/i-am-gujarat-108010482.jpg?imgsize=1890594&width=680&resizemode=3)
ભગવાન સૂર્યદેવે માલી-સુમાલીને કહ્યું કે, તેઓ પોતાના ખરાબ કર્મોનો ત્યાગ કરી વિધિ-વિધાથી સૂર્યદેવ અને ભગવાન શંકરની આરાધના કરશે તો પોતાના કષ્ટોથી શીઘ્ર મુક્તિ મેળવી શકશે. આ પ્રકારે માલી-સુમાલીએ ભગવાન શંકરની સાથે સૂર્યદેવની સ્તુતિ પણ શરૂ કરી દીધી.