Navigaziun mobila, simpla e discreta
Firefox Focus è il navigatur spezial per defender tia sfera privata cun protecziun automatica cunter fastizaders. Cun Focus chargian tias paginas pli svelt e tias datas restan privatas.
Firefox Focus stat a disposiziun tant per apparats dad iOS sco era per tals dad Android.
Telechargia Firefox Focus
Scannescha il code QR per entschaiver
![Scannescha il code QR per telechargiar Firefox Focus](https://www.mozilla.org/media/img/firefox/browsers/mobile/qrcode-firefox-browsers-mobile-focus.0a51993c2408.png)
Stizza tia cronologia
Stizza tut facilmain tia cronologia, tes pleds-clav e cookies per che naginas reclamas nungiavischadas na ta suondian en l'internet. Smatga simplamain il buttun per stizzar en il champ da retschertga e tut sparescha per dal bun.
Il modus privat ch'è in pass pli lunsch
Tar ils blers navigaturs n'è il «modus privat» betg uschè privat sco empermess. Firefox Focus porscha gia en la configuraziun da standard la protecziun da datas ch'è in pass pli lunsch e davos il navigatur stat Mozilla, l'organisaziun senza finamira da profit che cumbatta per tes dretgs en il web.
Protecziun cunter fastizaders
Firefox Focus blochescha gia en sia configuraziun da standard blers tips da fastizaders currents, inclusivamain ils fastizaders da social media mulestus, integrads per exempel en reclamas da Facebook.
Navighescha sc'in chapitani
Focus allontanescha fastizaders uschia che las paginas che ti visitas pretendan damain datas e chargian perquai bler pli svelt. Agiuntescha ultra da quai enfin quatter scursanidas a tes visur da partenza per avrir anc pli svelt tia website preferida, senza stuair tippar.
Sviluppà da Mozilla
Nus essan da l'avis che mintgin duess pudair controllar sia atgna vita en l'internet. Per questa finamira cumbattain nus dapi il 1998.
![](https://www.mozilla.org/media/img/firefox/browsers/mobile/about-hero-800.dac01d636128.png)