Fa da Firefox tes navigatur da standard
Ussa pon utilisaders dad iPhone ed iPad tscherner lur agen navigatur da standard. Quai munta che ti na stos betg utilisar Safari e che tes navigatur mobil po vegnir sincronisà cun tes navigatur da desktop preferì. E sche ti defineschas Firefox sco tes navigatur da standard, sustegnas ti in'interpresa tecnologica independenta. Plinavant è Firefox l'unic navigatur grond che vegn sustegnì dad in'organisaziun senza finamira da profit.
Svelt. Privat. Segir
Protegia tias datas persunalas senza renunziar ad in tempo ultrasvelt. Ultra da quai ta pussibiliteschan funcziuns intelligentas per navigar da prender cun tai tia sfera privata, tes pleds-clav, tes segnapaginas e tut la segirezza nua ch'i saja. Quai simplifitgescha tia vita online.
Protegia tia sfera privata en l'internet
Firefox ta porscha ina protecziun da datas optimada cura che ti es en il web. Nossa protecziun avanzada cunter fastizaders blochescha gia en la configuraziun da standard fastizaders e scripts sco fastizaders da medias socialas, fastizaders da cookies interpaginals, criptominiers ed improntaders.
Tia cronologia è istorgia
Sche ti vuls, pos ti ir facilmain online e tschertgar en il modus da navigaziun privat. E cura che ti serras il modus da navigaziun privat, vegnan tia cronologia e tut ils cookies stizzads automaticamain da tes apparat.
Anc dapli Firefox en tia vita
Installescha Firefox sin tuts tes apparats per ina navigaziun segira e senza interrupziuns. Sincronisescha tes apparats per prender cun tai tes segnapaginas preferids, tias datas d'annunzia memorisadas, tes pleds-clav e tia cronologia da navigaziun nua ch'i saja. Trametta ultra da quai tabs averts tranter tes telefon e tes computer desktop per cuntinuar là nua che ti has smess.
Chatta tut pli svelt
Retschaiva propostas da tschertga en la trav da retschertga ed acceda directamain a las paginas che ti visitas il pli savens. Endatescha tia dumonda da retschertga ed obtegna propostas e resultats da tschertgas precedentas da tias maschinas da tschertgar preferidas.
Tegna sut controlla tes visur da partenza
Cuntanscha pli svelt quellas parts da l'internet che ta stattan a cor. Chatta tuts tes tabs averts, tias ultimas retschertgas, tes segnapaginas e tias websites preferidas en in lieu.
Scuvra dapli da quai che ta plascha
Avra in nov tab en Firefox per vesair las paginas che ti visitas il pli savens, tes segnapaginas ils pli novs ed artitgels populars en Pocket. Firefox ta porscha in access svelt a tias websites visitadas dacurt per che ti cuntanschias pli svelt tia finamira.
Davart Mozilla
Mozilla è qua per render accessibel l'internet sco resursa publica per tuts, perquai che nus essan persvas che avert e liber saja meglier che serrà e controllà. Nus sviluppain products sco Firefox e Pocket per promover la schelta, la transparenza e l'autonomia da las utilisadras e dals utilisaders.
![](https://www.mozilla.org/media/img/firefox/browsers/mobile/about-hero-800.dac01d636128.png)