Bëjeni Firefox-in shfletuesin tuaj parazgjedhje
Tanimë përdoruesit e iPhone-ëve dhe iPad-eve mund të zgjedhin shfletuesin e tyre parazgjedhje. Kjo do të thotë se nuk ngecni me përdorimin e Safari-t dhe shfletuesi juaj për celular mund të jetë i njëkohësuar me shfletuesin tuaj të parapëlqyer për në desktop. Plus, kur e caktoni Firefox-in si shfletuesin tuaj parazgjedhje, përkrahni një shoqëri teknologjike të pavarur. Firefox-i është gjithashtu i vetmi shfletues i njohur që ka nga pas një ent jofitimprurës.
I shpejtë. Privat. I sigurt
Mbajini private ato që janë personale, pa sakrifikuar shpejtësi marramendëse. Plus, veçori të mençura shfletimi ju japin fuqinë të merrni me vete privatësinë, fjalëkalimet dhe faqeruajtësit tuaj, në mënyrë të sigurt kudo që shkoni, duke e bërë më të lehtë jetën tuaj internetore.
Jini privat në internet
Firefox-i ju jep mbrojtje më të madhe të privatësisë, kur jeni në internet. Si parazgjedhje, Mbrojtja jonë e Thelluar Nga Gjurmimet bllokon gjurmues dhe programthe të tillë si, gjurmues mediash shoqërore, gjurmues cookie-sh nga sajti në sajt, nxjerrës kriptomonedhash dhe krijues profilizimesh.
Historiku juaj i shfletimit i takon të shkuarës
Nëse doni, mund të përzgjidhni lehtësisht të kaloni në internet dhe të kërkoni nën mënyrën shfletim privat. Dhe kur mbyllni mënyrën e shfletimit privat, historiku i shfletimit tuaj dhe çfarëdo cookie-sh fshihen automatikisht te pajisja juaj.
Merrni më tepër Firefox në jetën tuaj
Shtojeni Firefox-in në pajisjet tuaja, për shfletim të sigurt, të rrjedhshëm. Njëkohësoni pajisjet tuaja që të merrni me vete faqerojtësit tuaj të parapëlqyer, kredenciale të ruajtur hyrjesh, fjalëkalime dhe historik shfletimesh, kudo ku shkoni. Plus, dërgoni skeda të hapura nga telefoni në desktopin tuaj dhe anasjelltas, për të vazhduar atje ku e latë.
Gjejeni gjithçka më shpejt
Merrni sugjerime kërkimi te shtylla e kërkimeve dhe kaloni shpejt te sajtet që vizitoni më shpesh. Shtypni pyetjen tuaj për kërkim dhe merrni përfundime të sugjeruara dhe të mëparshme kërkimi në motorët tuaj të parapëlqyer të kërkimit.
Jini zot i skenës tuaj të kreut
Shkoni më shpejt te pjesët e internetit që keni për zemër. Zgjidhni të shihni krejt skedat tuaja të hapura, kërkime së fundi, faqerojtës dhe sajte të parapëlqyer, krejt në një vend.
Zbuloni më tepër nga ato që doni
Hapni një skedë të re te Firefox-i që të shihni sajtet që vizitoni më tepër, shfletuesit tuaj të fundit dhe artikuj popullorë në Pocket. Firefox-i ju jep hyrje të shpejtë te sajtet tuaj më të përdorur, për t’ju ndihmuar të arrini më shpejt atje ku po shkonit.
Rreth Mozilla-s
Mozilla ekziston për të ndërtuar Internetin si një burim publik i hapur për të gjithë, ngaqë besojmë se i hapur dhe i lirë është më i mirë se sa i mbyllur de i kontrolluar. Krijojmë produkte të tillë si Firefox-i dhe Pocket-i, që të promovojmë zgjedhjen, transparencën dhe kontrollin.
![](https://www.mozilla.org/media/img/firefox/browsers/mobile/about-hero-800.dac01d636128.png)