Mahni Tuhrah Kan Seng Thin: Kum 2014 Branch Thupui: I Puan in Zauh Rawh ' Isaia 54: 2
Mahni Tuhrah Kan Seng Thin: Kum 2014 Branch Thupui: I Puan in Zauh Rawh ' Isaia 54: 2
Sermon
Vol No. XIII | Issue No. 651 | Pathianni Kar tin chhuak | Date : 21
st
September, 2014
Kum 2014 Branch Thupui : I Puan In zauh rawh Isaia 54 : 2
Hnatlang
17 - 19 Sept. 2014 nileng
khan Biak I n sak
hnatlangpui neih a ni a,
Kohhran mipui a thei
apiang an thawkchhuak
thin a, a lawmawm hle.
Naupang Inkhawmpui
14.9.2014 khan Chhinga
Veng Pastor Bial Naupang
Sunday School Inkhawm-
pui neih a ni a, kan
Kohhran pawhin Primary
Department kan thleng a,
Kohhran mipui ten kan
tawiawm tha hle. Vawiin
hian Senior Department
te pawhin Chhinga
Vengthlang Kohhran Biak
Inah Inkhawmpui an nei
ang. Naupang Sunday
School Inkhawmpui ah
hian a pumpuiah 2-na niin
kan lawm hle.
Marka Group
Marka Group te chuan
19.9.2014 zan khan
Branch Week inbuatsaih
nan Committee an nei.
Beihrual
Beihrual Prog. hman mek
zel a ni a, Kohhran mipui
te inkhawm kan tha thei
hle a, thahnemngai takin
tan i la zual sauh sauh ang
u.
Faith Promise
21.9.2014 KTP Tawngtai
I nkhawm hian Faith
Promise hlan tur a ni a, a
khawntu te leh member te
thilpek lamah tan i la thar
leh ang u.
Mitin hian kan nihna diktak aia ropui, tha leh nalh zawk deuh nih hi kan
chak theuh mai. Kan hmel hi chu kan tidanglam vak thei lova, kan thil tih thin
erawh kan duh leh duhloh a thu in a hma aia tha zawka tih theih a tam mai. kan tih
that vak duhloh chuan a rah a chhe hle thin. Kan Pathian thu chuan mitinin an
thiltih ang phu tawk ang zelin a rah an hmu thin tih min zirtir a ni. Kan thiltih
phutawk ang zelin Pathian malsawmna kan dawng dawn a ni.
MAHNI TUHRAH KAN SENG THIN
1) Pathian hnenah eng nge kan hlan?
Pathian chuan amah kan biak nan
kan neih tha ber leh hlu berte hi a phut
tlat thin, chu chu atan kan inpekna
entirtu a nih avangin. Kan dinhmun leh
kan thil neihte pawh a inanglo hle ang.
Kaina leh abela te thilhlanah hian a lang
chiang hle a ni. Abela chuan Pathian
thuawihin a ranrual zinga a piang hmasa
ber chu talh in a sa chu Pathian tan a
hlan a, Pathian pawh a lawm ani. Kaina
pawhin a lova thlaithar chu rawn la in
Pathian tan a hlan ve a. Mahse, a thar
hmasa ber leh tha ber a ni loh avangin
Pathian pawh Kaina chungah chuan a
lawm lo hle a ni. Engkim min petu
pathian hnenah chuan a tha ber zel pek
tur a ni. Lalpan keimahni a a duhber leh
a phut chu kan thinlung hi a ni. Amah
bia a, chawimawi a, a hmantlak ni turin
min duh avangin kan thinlung hi i pe ang
u.
2) Pathian lawmtlak ni turin i inhlan
ang u.
A chunga kan sawi tawh ang
khan Kaina chu a nau Abela chungah a
thinrim a, Abela chu a that ta mai a nih
kha. Pathian chuan Kaina hnenah Abela
awmna a zawh chuan, Ka hrelo, ka nau
vengtu ka ni em ni? tiin dawt a sawi a
nih kha. Mihring chuan kan thinlung a
kan ngaihtuah leh rilru a awm te kan in
hriatsak theihloh avangin bum theih kan
ni. Pathian chuan kan thinlung chhungril
ber a kan ngaihtuah te hi a hre vek a bum
theih a nilo. Khawi hmunah pawh awm i
la, eng pawh ti ila Pathian lawmtlak leh
pawmtlak in thil tiin i nung zel ang u.
Chan a tul pawh a chan ngam leh tawrh a
tul pawh a tuar ngamngamzel turin Lalpa
chakna hmachhuanin inhlan thar leh ang
u.
3) Kan tuhrah theuh kan seng dawn si a.
Pathian duhzawng a tih avangin
Abela chu Bible in mifel, thih hnu thu
la sawi zel a nih thu min hrilh a ni. Kaina
erawhchu, Leiah hian tlanbo leh vakvai
i lo ni tawh ang. tih a ni. Keini pawh hi
kan thiltih rah hi a thalam emaw, a
chhelam emaw kan seng theuh dawn a
ni. rah tha Pathian pawmtlak leh Pathian
lawmtlak kan seng theih nan nitin lalpa
nen i nung thar ang u. Pathian thu chuan,
Miin a theh a piang, chumi chu a seng
bawk dawn si a; tiin min hrilh a ni.
Lalpan a thu malsawm rawh se.
Pi H. Lalhmachhuani
Miin a theh a piang, chumi vek chu a seng bawk dawn si a;
Galatia 6:7,8
PUAL
N
A
U
P
A
N G
Page 2
Lalrinkima
Lalnghilhlova
R. Zomuansanga
H. Lalengmawii
Agents Agents
EDITORIALBOARD
Editor : Lalnunzira - 8732078931
J oint Editor : Lalhmangaiha - 9856954021
Lalbiakzuala Sailo - 9774378954
News Editor : R.Lalhmunsanga - 9774395131
Contributing Editors : Lalramhluni - 9856149280
B. Lalthanzami - 9862360331
H. Lalhmachhuani - 9774367236
Lalmuanpuii - 8575158771
R. Zohmingliana - 8974589814
H.Lalremruata - 9615715528
Circulation Manager : Lallawmsanga - 9862800141
Vanlalzawni
Lalrinchhani
Debbie Lalmuanawmi
C. Lalthlamuani
VAWI I N SUNDAY SCHOOL ZI RLAI
Beginner : Fapa tlan bo
Primary : Solomona
Junior : Galatia ramah Chanchin Tha
Intermediate : Paulan Kohhran a sawi dan
Sacrament : Kawppui zawn dan
Senior : Senior Department Inkhawmpui
Puitling : Krista fakna hla
NUNGCHATE
#An huana sava chiar noh noh chu Thana chuan
perh thlak tumin a veh dan dan a, a awmhmun a
siamrem hnu chuan a sairawkherh chu a kuai tan tan
a. Thlamuang taka a thiante nena infiam sava pakhat
chu a tin vang vang a, a thlah rual chuan a ri pawp a,
lei lamah chuana tla ngal a.
A nun sava perh chu sawi loh, a veh hrim hrim
pawh a phallo tih a hriat reng avangin thingbuk hnuaiah
a hmul a pawt a, meia a rawh hnu chuan tui ti lo chung
chungin a eizo lui hram a.
Sava dang perh thlak tumin an huanah bawk
chuan a kal leh dan dan a, sava dangte chuan an thianpa
thi lai an hmuh tawh avangin an lo thlawk bo vek hman
a. A han kal hlat leh deuh pawn sava hram a hriat tak
loh avangin kut ruakin a haw ta a.
Kar khat liam hnu chuan Thana nu chuan,
Mama, tu in nge kan huana sava te hi lo perh bo zo
vek le, kan thlai te, thei rah te hi a nget in pangang in
a eizo mai dawn, a han ti a.
Thana chuan a nu mangang hmel a hmuin a
inchhir ru hle a, Ka hre biki lo, a ti ngam tawk a.
An thlai thenkhat te chu thi tur ang maiin an
hnah te a eng a, a thil tih a sawi chhuak ngam tawh si
lo. An thlai thar te chu an eizawnna bel ber a ni si a, a
rukin a tap a tap a. An thlai leh thei lo ei chhe tu
(pangang) that tu ber sava te an awm tak loh avangin
an thlai leh thei tui tak tak te chu a chhe zo ta a.
#Ni khat chu tlangval pathum hian ui
kawngkal hi an pet chawrh a, ui na ti lutuk chu leiah a
bawk nghal rawp a. Tlangval ho chuan pet zui leh tum
ni awm takin an hual ngal a, ui erawh chuan engtinmah
tih tumna neilo ni awm takin a pu lokal hun nghakin
leiah chuan a bawk ta char char a, a pu lokal veleh
chuan a pu awmna lamah rang takin a tlan phei vat a.
Ui pu chuan, Engati nge khatia ui in lo pet a,
nangni pawh in kawng kal pet in duh dawn bik a mi?
Duh lo ve, mahse... an la ti hram a. Engtin
maw? Nichina ui in pet kha ka tan chuan thian tha tak
a ni asin. Ka hausak lai leh ka retheih lai pawhin ka
tana a rinawmna chu a pangngai reng a, in chan tawk a
in lungawi loh lai pawhin a ni hi chuan saruh chauh
pawh khel se a lungawi a sin, a han ti a.
Tlangval ho chu an zak hle a, tawngkam khat
mah an chhak chhuak ta lo va. Sum hmangin thian
siam mah ula, in thian siamte chuan phatsan hun an la
nei dawn che a, thil sual in thihpui ngei te pawh khan
nakinah anla phatsan ang cheu. Ka ui erawh hi chu
khawi hmunah leh eng hmunah pawh ka tan a
rinawmna hi chu a pangngai reng ang, tiin a ui chu
duat takin a chul hliau hliau a.
Chuta tang chuan tlangval pathumte chuan ran
an duat ta em em a, an nunah pawh malsawmna nasa
tak a thlen phah zui nghe nghe a ni.
Pathianin mihring te thian tura a siam
nungchate hian kan lak atanga zalen taka nun hman
hun hi nghakhlel takin min thlir reng asin. Pathian
thil siam nungchate i duat lehzual ang u.
Fur ruah tui tlak lai kan ramin a tawk mek a,
tun kum hnih kum thum kalta anga kan ramin ruah tui
a dawng leh a nih chuan tun thla leh thla thar hi kan
ramin ruah vanga lei min leh a kaihhnawih chhiatna
hrang hrang kan tawrh nasat zual lai a nih leh ngei
dawnin a lang. Chuvangin, chhung tinte kan inralrin
reng a tul khawp mai .
Thlipui a ni emaw, leimin a ni emaw tute pawn
kan tawk thut thei. Heti ang chhiatna a lo thlen hunah
hian chi-ai mai lova rilru fim tak pua kan hma chhawn
theih nan kan inpuahchah ruk ve hi a finthlak bakah,
kan sahimna thui tak hril thei a ni.
Kan hriat thlipui leh ruahpui vanga vanduaina
kan tawh tam zawk hi chu kan fimkhur tawk loh vang
a ni fo. Chuvangin, mahni in leh lo uluk taka en dik a,
kan tuidawn that leh that loh te, kan tuihawk luan dan
leh, tuihawkin kan in leh lo a hrut dan te uluk taka
endik a, a tul anga siam that nghal zung zung hi kan
himna hmasa a ni tih i hre nawn ang u. Tin, kan tuihawk
luankawrte kan siam tha a nih pawhin thenawmte tana
pawisawi lo zawnga siam that kan tum ngei ngei tur a
ni. Keimahni him mah ila, kan thenawmte an him loh
phah si chuan kan fimkhurnain awmzia a nei dawn
chuang lo tihna a ni a. Zawnga tuar ai Ngauin a tuar
tih zawng zawng kan neih zo mai dawn a ni.
Tin, a chhe ber lo thlen thut pawha kan
mamawh ngei ngei tur Hmehen, Hruizen, First Aid Kit
leh |helretpuan thlenga lo kawlsa hian kan buaina thui
tak a chingfel thei tih i hre nawn theuh ang u.
Page 3
Isua Krista rinna leh Amah anna kawnga thalaite hruai Kohhran Kutke ni tura thalaite buatsaih
Kohhran hnathawh tihpuitlin Krista Chanchintha puandarh
K.T.P THIL TUMTE
SETANAN RINGTUTE A HNEH RUK DAN
- S. Lalkhuma (1974)
Bawhchhiatna hnuaia mi sual nihna dinhmuna awm renga a tawpa hremhmuna kal tlan dial hi
Setana duhzawng tak niin a lang. Pathian fapa, kan sualte tlan tura lo kal pawh a thlem hneh loh hnuin Kalvari
tlang thlengin a beih kha. Mahse hneha a inhriat laiin Lal Isuan a hneh a, lei leh vana thuneihna zawng zawng
pawh a hnenah pek a ni ta a nih kha. Krista chu a hneh theih loh hnuin mihring lamah a tha neih leh finnate
hmangin a tuan ve leh thung a, vawiin ni thleng hian a la buaipuiawm zui ta zel a ni. Mihringte a beih zui zel
dan lo chhut i la:-
ARTICLE
1.Ring lo tura beihna: Setana chuan mihring
tlu tawhten Isua an rin chuan chhandamna an chang
leh thei a ni tih hi chiang takin a hria a; kan rin loh
hramna turin theihtawpin a bei vel thin a ni. Krista
ram zau zelna dal turin Rom sorkar hmangin A.D. 64
atang khan A.D. 323 thleng khan a rawng thei ang berin
a bei thin a; mahse, a ti hlei thei lo va. Martarte thisen
luangin a aia tam zawk a titiak zek. Tunlai Communist
sawrkar leh mi dangte hmangin a bei leh mek zel a;
mahse, hlawhtlinna tak tak a la nei thei lo va, Krista
ram chu a la zau zel zawk a ni.
Tunlaiin mi malte chungah a tuan thung a, miin
Krista rin hi chhandam kan nih theihna a ni tih Bible
hrilh chu a hriat laiin chhandamna chan nan thil dang
a rintir tlat thin. Mahni thil tihthat te, rawngbawlnate
leh thil dang mahni lama chhuak eng pawh mai
chhandam nih nana tling hauh si lote hi, hmantirin a
bum vel mek a; Isua ring duhtute hnenah pawh hun a
zuahsak a, rin nghal a duh laiin nakin hun a pe thin.
Muan sual a va hlauhawm em! Chuvangin, hetiang
kawngah hian Setana chu kan hneh theih nan
chhandamna tura tih tur dang kan nei lo va, Isua rin hi
a ni ringawt mai a ni, tih hre rengin tun hi hun
lawmawmleh chhandamna ni chu a ni tih i theihnghilh
lo vang u. (T.T. 16:31; II Kor. 6:2).
2.Chak lo turin ringtute Setanan min bei
mek:Ringtuten Pathian rawng kan bawlna tur hre reng
si, kan tih theih tawk pawh hre si, Pathian min
hmangaihna kan chhan let chuan lawman thar kan
dawng zel ang tih pawh kan hriat laiin:
a)Thatchhiatnain min hneh thin. Rawngbawl
peih lohnain bawl lohna a thlen a, bawl lohnain thar
zel lohna a thlenin tih theih chhun pawh tih leh ting
zahthlak tih na a thlen bawk thin. Chutiang thatchhe
tha ngeihzawng takin min awmtir mai mai thin a lo ni.
b)Intihtheih nan min hneh bawk thin . Ringtute
inngaihtlawmna aiin inngaihhlutnain a uantir a,
Pathian mi hman tawh thinte pawh hian Isua ropui
khalh an tum veleh an rawngbawlna a chak lo thin a ni.
Rawngbawltute tan kan rawngbawlsakate inzahtir te,
infaktirte, inngaihhuttirte a awl hle thin a, Pathian
rinchhana rawngbawl si hian, kan tih theih ber emaw
tih mai, eng emaw ti takin a awl thin. Tirhkoh Pawla
leh Barnaba entawn an tul hlein a lang (T.T 14:11-
17). Jerusalem chhunga chen reng hi a awl a; mahse,
pawn lama leng thin tur kan ni miau si (Heb. 13:13).
Mi tam tak tan thil tha tih tur kan hriat reng kan tih
theih zawng pawh ni reng, kan tih si loh hi sual kan tih
awlsamna lai tak a ni thin (J ak.4:17).
c)Thil kawmnain min hneh bawk thin. Thlarau
nunah sang fua kan inhriat hnua Setana min dan behna
leh chu Pathian hnena thilpek phal lohnaah a ni thin.
Thenkhatte chuan, "Ka inpumpek e" tiin thil engmah
Pathian hnena pe mang si lovin an awm thin. Sawma
pakhat tlem ti hle si hian an pe tling ngai lo fo.
Pathianin kan pum in min nei a, a ta ka ni vek mai,
titute hian Pathian neih nih kan duh a, a thuneihna
erawh chu hman khalh kan duh a ang hle. Inpumpek hi
a thu mai (theory) - a tihdik theih niin a lang lo. Kan
thuhnuaia kan hman ral tura kan la kawl reng lai hi
midang ta, neih a tling thei lo. Pek awmzia hi kan duh
dan ang pela Pathian duh dan leh a ram tan chauhva
hman ral tura pek tihna a ni. Kristian nun reng rengah
a hlim thla (theory) main nun tak a siam ngai lo. I tih
tak tak theih chin chauh kha Kristian nun titling a ni
rih.
Chuvangin, a theory ngawta inpumpek a,
dinhmun insawi san ai chuan a phel pein i tan tha leh
ang u. Lal Isuan a hnawl loh, sawma pakhatah tan leh
ila, kan nunpui theih tawka insawite ching ila a tha
ang.Zoram chhunga Kristiante hian kan pe kim ta ila
Pathian sum hi a tamin, Kristian ram chu a va han zau
nasa dawn em. Sawma pakhat i pek dawn in I lak luh
zawng kha hmun sawmah han then la, hmun kua chu i
chan tur a ni tih hria la, hmun khat chu a tam lo hle a
ni lawmni. Heng i thil neihte hi Pathian malsawmsakna
(phek 4-naah chhunzawm a ni)
Published & Typeset by TheKristian Thalai Pawl : Chhinga Veng East Branch. Printed at T.M Offset, Canteen kual, Aizawl. Copies 180
Thiltha ti atan Krista Isuaah chuan siama awmin, Ama kutchhuak kan ni si a,
chu thiltha tih chu kan awmna turin Pathianin a buatsaih lawk a ni. (Ephesi 2:10)
Page 4
I N K H A W M P R O G R A M M E
(Article chhunzawmna)
che avangin i chang a ni tih hre bawk la, pek a uihawm
dawn em ni? Hetiang hian kan buh thar leh thil dang
kan pek tur te hi ngaihtuah ila, kan chan tamzia hi i chhut
thin zawk ang u. Heti khawpa malsawmnaa min vurtu
tana uikawm hi mihring leh mihringte karah pawh
zahthlak a ni lawm ni kha? Kan pek tur chauh kan
ngaihtuah chuan cheng khat pawh hi a uihawm asin.
Mahse, min petu min pek lam hi i chhut thin zawk ang
u. Zoram hmangaihtu Lalpa hi kan pek let ve a hun ta
tak meuh mai.
d) Kan tih theih ti thei lo angin min ngaihtir
bawk thin. Lal Isuan, "Keimah lovin eng mah in ti thei
si lo" (J oh. 15:5) a tih changchawiin Isua chaknaa kan
tih theih leh kan tih tur tam tak kan ti lo thin niin a lang.
Krista rinchhana kan tih theih kan sawi laiin rinchhan
lova tia inngaihna hlirin kan khat a, nun sang, Krista
rinchhan nun engkim ti thei nuna ding emaw ka nih kan
intih laiin nun hniam ber Krista rinchhan chung pawha
eng mah ti thei lo nunin kan nung mek zawk niin a lang.
Setana chuan tifuh a va han ti dawn em.
A nih leh engmah kan ti thei ta der mai si lo va,
chhandam zawng kan ni kan tih tawh kha maw, a theory
maia nungin i awm der der mai ang u, kan ti dawn em
ni? Ti teh kawng lo ve a, hetiang nun hi ringtute nun
zahthlak ber chi a ni. Kan zir ber, Paula leh Lal Isua
pawh hi nun awmmai mai aia nasa taka thawktu an lo ni
zawk. Kal fuh emaw kan intih lai hian kan inthlahdah
sual ang e, ringtu Pathian chawimawi lo nun hi chu
renawm lo tak a ni, an taksa nun lam an chan thin (I
Kor. 5:3-5; T.T. 5:3-11).
Isua rin dan chi hnih i hria ang u. Chhandam ni
tura ring tur chuan kan thil tih ve a ngai lo va, Isua thawh
zawh tawh kha rin mai tur a ni. Isua hi chhandamtu atana
ringtute chu chhandamna changtute an ni (T.T. 16:31).
Tin, kan rin hnu nunah ringtute thil tih hi Pathian
rawngbawlna a ni a, Isua rinchhan chung pawha eng mah
ni lo leh eng mah ti thei lo hi chuan rinchhan tur dang
an hmu tawh lo vang. Chuvangin a tak tel lo ringtu nuna
sang viauva inngaih ngawt ai chuan Isua zara kan tih
theihte hre rengin, a ropuina atan chauh ka theih tawk
rawngbawl hna min kawltirah hian i tlanchhe lo vang u.
Thil tha ti tura Kristaah chuan siam i nih tawh kha (Eph.
2:10). Thil tha tih tur hriaa ti si lo chu a tan sual a nih
kha. (J ak. 4:17).
Chawhma : Sunday School
Zirlai 35-na
Chawhnu
Thupui : Pathian zahlohna
Tantu : Pu T. Lalthianghlima
Thusawitu : Pu Hranghnuna
Zan
Thupui : Mahni inthunun lohna
Thusawitu : Pastor K. Lalthangmawia
PATHIANNI KTP TAWNGTAI INKHAWM
Hruaitu : Nl. Lalthankungi Varte
Tantu : Nl. Roneihthangi
Faith Promise hlantu : Tv. Lalhmangaiha
CHHINGA VENG PASTOR BIAL
NAUPANG SUNDAY SCHOOL INKHAWMPUI
SENIOR DEPARTMENT
Chawhma Inkhawm
A hun : 21
st
Sept. 2014 10:00 A.M
A hmun : Chhinga Vengthlang Presbyterian
Kohhran Biak In
Hruaitu : Upa R. Lalruata,
Bial Chairman
Tantu : Pi R.lalhmingchhuangi,
Chhinga Veng
Thupuan : 1) Thlengtu Kohhran
2) Bial Sunday School
Hla sakho
Special Item : Chhinga Veng
Thilpek lakkhawm : Thlengtu Kohhran
Intihsiakna : Kristian Hlabu 53
Thuchah tawi : Pro Pastor P.Laltlanhlua
Special Item : Chhinga Veng East
Banna
Chawhnu Inkhawm
Hruaitu : Pastor K. Lalthangmawia
Tantu : Nl. B.Lalthanzami,
Chhing Veng East
Thupuan : 1) Tualchhung Kohhran
2) Bial Sunday School
Hla sakho
Intihsiakna : Bible Quiz
Chanchintha Luka ziak
Chang zsawirual : Kristian nun - Chhungkaw lam
Special Item : Chhinga Vengthlang
Tuithiang
Lawmman sem : Upa R. Lalruata,
Bial Chairman
Banna
Changvawn
Lalpaah chuan lawmfo rawh u: ka ti leh pek
thin ang, lawmrawh u.
Philippi 4 : 4