TEF Zirtirna Chungchanga SEC Thuchhuah 1997
TEF Zirtirna Chungchanga SEC Thuchhuah 1997
T.E.F. ZIRTIRNA
ZIRTIRNA
CHUNGCHANGA
CHUNGCHANGA
S.E.C.
S.E.C. THUCHHUAH
THUCHHUAH
1997
1997
Hetianga TEF zirtirna zir a nih lai hian ‘Thurin ziak sa kan nei
lo,’ an ti a; mahse, SEC-in an zirtirna a chhui chian hnuin Thu-in ziak
sa June 16, 1997-a an chhuah (issue) chu dawn a ni leh ta a. He an
Thurin ziak sa tlai khawhnua an chhuah leh TEF mi \henkhatte zirtirna
chu a inpersan hle a ni.
1. Mihring chungchangah
Mihring hi – thlarau, rilru leh taksaah \hen hrangin, thlarau chu
Pathian thil, taksa erawh chu rilru leh finna leh ngaihtuahna kengtu,
mihringa hriatna chi nga awmna, phûrna lo chhuahna, thlarau nena
hrang hlak niin an sawi a. Thlarau chiah chu Pathian chenna tlak
niin an zirtir. Sual nena sawi zawmin rilru leh taksa chu thil tlak tlai
lo, \angkaina reng nei lovin an sawi a, chuvangin, mihring chu chhe
lailet der, thingbul, lungbul, êk lung ang kan ni. Kan chhia leh \ha
hriatna pawh hi Setana min pek a ni a, mihringa awm reng reng, a
chhia a \ha zawng zawng pawh Setana pek vek a ni tiin an zirtir a.
Hetianga mihring chungchang an zirtir dan hian thupui pawimawh
dang an zirtir dante pawh a nghawng tel vek a ni.
Mahse hei hi Bible zirtirna leh kan Kohhran Thurin nen a inkalh.
Kan Thurin chuan, “Mihring chuan ama duh thu ngeiin Pathian dan
a bawhchhia a, thiamlohna leh chhiatnaah chuan amah a inbarh lût
ta a,” a ti a (Thurin No. V). Hei hi Bible-in mihring suala a tlûk thu a
sawi dan lak tawi a ni. Pathianin mihring chu duh thlang theia a siam
avangin tih tur leh tih loh tur te a hrilh vek a, Setanan a thlêm khan a
tilui lo va, ama duh thu ngeiin thlemtu thu a zawm ta a nih kha. Chu
chang chu a ni lova, khawvela hnam tin zingah Pathian ngaia zawng
ruai ruaitu hi an tam em em a. Hei hi mihring chanchin leh sakhaw
chanchin a\ang te, mahni nun ngei a\angtein a dik zia kan hre \heuh
a ni.
3. Simna thu-ah
Mihring hi a thil tihsualah mawhphurtu ni lova an sawi avangin sual
sim tur pawhin mawhphurtuah an ngai lo va. “Sual sim turin mawh
min phurhtir lo,” an ti reng a ni. “Sim kan duhna leh sim tura \an
kan lâkna pawh kha sual tho a la ni a, sim kan tumna pawh sual a ni.
Isuan thiin kan sual min sim sak zawk,” tiin an zirtir a ni.
4. Rinna thu-ah
Mihring lam an sawi bo êm avangin mihring hi Pathian ring theiah
an ngai lo va. Rinna an sawifiah dan pawh a mak hle.
Hengah hian thil lang chiang tak chu – Rinna hi Pathianin Isua
a rawn rinna ni lovin mihringin a rinna hi a ni zawk a. Ring turin
mihringin mawh a phur a, Thlarau Thianghlim \anpuiin a ring thei a
ni tih hi a ni.
Chanchin |ha bu-ahte hian Lal Isuan mite tan rawng a bawl
pahin ringtute awm dan tur a sawi zel a, a tih dan ngei chu entawn
tur a nih zia te a tarlang bawk a (Joh. 13:14, 15). Ringtute Pathian laka
an awm dan tur te, an mihringpuite chunga an awmdan turte chiang
takin a sawi \hin a, lei chi leh khawvel êng anga \angkai turin a zirtir
a (Mat. 5:13–16), khawvel pum puia Chanchin |ha hril turin mawh a
phurhtir bawk (mat. 28:19,20). Isuan hetiang lam thu a sawina hi
Matthaia leh Luka te chuan an dah khawm deuh nghe nghe a ni (Mat.
5–7; Lk. 12).
Kan Thurin pawhin ringtu nun dan tur hi tawi kim takin a sawi
bawk : “Amah entawna, Pathian duh ang taka inngaitlawm leh
thianghlima nung tur tein thu a pe a” (Thurin No. VII). “Ringtu zawng
zawng tih tur chu Kohhrana inpawlho tura inzawmkhawm te...A dan
zawm te....Pathian malsawmna an dawn ang zela pek ve thung te,
anmahniho zingah leh mi zawng zawng zingah Krista nungchang
ang tihlan te....” tiin (Thurin No. IX).
Mihring leh Pathian inzawm lehna thuah leh ringtu nun thua
mihring mawhphurhna Bible leh Thurinin a sawi chiang hi Pathianin
mihring a dah san zia tilangtu a ni a. Khawl leh rannung ang leka ngai
lova mawhphur tlaka Pathianin min ruat hi a ropui a, lawm hle tur a ni.
TLANGKAWMNA
Sd/- Sd/-
(REV. H. ZALAWMA) (REV. VANLALFAKA)
Secretary Moderator
Date 4.7.1997