Lalpa Tih Hi Finna

Mizo Kristian Zirlaite Hriattur Thenkhat
Rilru dik tak pu chunga Pathian tih hi finna leh hriatna bul leh hnar a ni
Thufingte 1:7-9
7 LALPA tih hi finna bul a ni a; Nimahsela mi te chuan finna leh zirtirna an hmusit
thin. 8 Ka fapa, i pa zirtirna che chu ngaithla la, I nu zirtirna che chu hawisan suh. 9 I lu
atn parthi mawi tak a ni ang a, I nghawng atn thi ang ani dawn si a.
1. Pathian tihna nun neitu thalai leh zirlai:

Hei hi thalai leh zirlai tupawhin kan kalna a pianga kan chhawm tur thil pawimawh
hmasa ber a ni. Chhungte hriat leh hriat lohah pawh khawiah pawh awm ila, Pathian
tihna nen kan nun kan fimkhurpui tur a ni. Lalpa tih hi finna bul a ni tih hriat reng tur
a ni. Ruihtheih thil lakah te, mipat hmeichhiatna kawngah te, hmun dang daihah
lehkha zira kan awm a nih pawhin heng lakah hian Pathian tihna nena kan inthiar
fihlim ngam a ngai a ni. Kan lehkha zir lai atangin Pathian tihna nen rinawm takin kan
thiltihturte kan tiin hma lam kan pan ang.
2. Thuawihna nun neitu Zirlai/Thalai:
Thufingte 29:1-4
1 Zilhhau fo pawha a ring tikhawng tlat chu Vawilehkhatah tihtliahin a awm ang
a, tihdamna a awm lo vang. 2 Mi fel an lo pun hian mite an lawm thin a, Mi sualin
rorlna an chanin mite an rum thin. 3
Finna ngainatu chuan a pa lawmna a
thlen a, Nawhchizuar pawltu chuan a sum a tiral thin. 4 Dik taka lalin ro a rl
chuan ram a phuisui a, Thamna a lk chuan ram a chhe thin.
Pathianin a ngaihpawimawh em em mai chu thuawihna hi a ni. A hmasa berah
chuan nu leh pate thu kan awihin kan ngaichang thiam ang. Ei leh in chung changah
te, zirna kawngahte, kan nitin khawsaknaahte min enkawltute thu leh hla kan ngai
chang thiam tur a ni. Zirna kawngah phei chuan a pawimawh khawp mai. Zirtirtute
thu awih lo tan zirna kawnga tih that a har viauin ka ring. Kan Pathian hian thil dang
zawng zawng aiin a thuawih hi a ngaipawimawh tih kan hriat a tha awm e. Chu chu
Bible-ah pawh Israel lal Saula chung changah kan hmu thei a ni.
Pathian rawngbawl tura thil pawimawh ber a ni hial awm e. Thuawihna nun
nen lo chuan Lal Isua rawng hi bawl mai mai theih a ni lo. A hnung kan zui Lal Isua
ngei pawhin a thu awih avangin hetia awm thei chauh hi kan ni. Tumkau ni, Good
Friday kan hman theihna chhan hi a thuawihna rah chhuah a ni a. Thil dang zawng
zawng aia hlu Chatuan nunna kan neihna theihna chhan chu Lal Isua thuawihna vang
a ni.
3. Mahni intodelh tumna nena lehkha zir.
Kristian thalai chu a intodelh tur a ni tih hi ka ngaihdan vawn ve tlat thin a ni. Kan
Bible-in min zirtir dan pawh a ni. Chhungte chawm hlawma nawmsak bawl chunga
lehkha zir hi Mizo thalaite hian kan chin hauh loh tur thil a ni. Rethei taka lehkhazir
kan ni emaw, chhungkaw awm thei tak atanga lo chhuak kan ni emaw, a rang thei ang
ber a mahni intodelh tum hi kan tum makmawh tur chu a ni. Kan intodelh tum dan
erawh Pathian duhdan zel ni se. Pathian duhdan ni lova intodelh tum erawh chu a fuh
hauh lo thung.
4. Thawh hreh nei lo thalai leh zirlai.
Mahni intodelh tihnen pawh hian a inhnaih viau awm e. Thalaite hian eng hna pawh
kan thawk hreh tur a ni lo. Thawh hreh neih loh tur kan tihrualin hna hnuai hnung
emaw kha thawh reng tur tihna a ni chuang lo a. Hmasawn tumin ke kan pe ve tur a ni
a. Kan kal kawngah engpawh lo tla se, tihtur engpawh a tul a piang kan tihreh tur a ni
lo kan tihna a ni. Kan mi hmasa, kan nu leh pa pi leh pute kha engmah thawh hreh
neih loh vanga ding chhuak leh hlawhtling thei an ni tih hi hriat nawn fo tur a ni.
Hnathawk tura lehkha zir kan ni a, hna kan thawh thiam theihna tur a zir kan ni tih
inhriat reng a pawimawh a ni.
5. Tih tak zeta Thiam tura lehkha zir.
Kan thiltih reng reng tihtakzeta tih hi zirlai kan nih chhunga kan zir chhuah tur
pawimawh tak a ni. Mahni inrintawkna hi tih tak takna atanga lo chhuak a ni a. Mahni
thiltihlai ngaihsak tha lo chuan inrintawkna a nei har viauin a rinawm. Lehkha kan zir
a nih pawhin kan zirlai atanga thiamna tak tak nei turin kan bei tur a ni. Kan Pathian
hian finna tam tak mihringte-ah a dah a, chu chu tih tak taka ti leh beite hnenah a pe
thin. Kan thil zir hmang ngei a midang rintlak eizawnna nei thei turin kan thiam tur a
ni. Doctor thiam lo, Engineer thiam lo, Mahni zirlai zir chhuak ve si a, midang
rintlakloh nih chu a zahthlak viau a ni.
6. Ram leh hnam leh khawtlang tana lehkha zir.
Hei hi a pawimawh khawp mai eng nge lehkha kan zir chhan. Mahni tan
chauh hmasial takin kan lo zir em? Thiamna leh nihna kan duhluat tukna lamah hian
mahni nihna theihnghilh thak khawpa inzir theih a ni tih kan hriat a pawimawh khawp
mai. Mahni ram leh hnam hmusit zawnga zir san ve ringawt kha awmzia a awm lo.
Midangte ngainep tur ringawt a zir ve vak vak kha awmzia a awm lo. Vawikhat thi
vek tur kan ni a, Pathianin min dinchhan hi ngaihtuahfo a pawimawh a ni. Ram leh
hnam vaw darhtu-ah ni lo-in a sengkhawmtu, inunauna thlentu-ah tan reng tum ang
che.
Ram leh hnam hi kan Pathian hian a ngaipawimawh tak zet a ni tih hriat tur.
Tin, khawiah pawh awm ila, Mizo inpawlkhawm zingah tel tum hram hram tur a ni. A
kul a taiah chuan kan tang vek thei lo, mahse, kan awmna a piangah midangte tan, kan
unaute tan tangkai ve thei turin kan hun kan hman thiam a pawimawh. Tin, ram leh
hnam tana thiamna neih ang chhun chhun pek let duhna rilru tak tak nen lehkha I zir a
nih chuan, I zirlaiah thiamna tak tak, mi chhawrtlak nihna I zir chhuak ngei ngei ang.
7. Chhung leh khat leh thenrualte tana malsawmna ni tur a lehkha zir:
Lehkha zir chhuak ve ta cheng a, chhung leh khat thenrualte, u leh naute theih nghilh
nghal ching an awm chawk. Chutiang mite tan chuan malsawmna tluantling dawn chu
a har viau ang.
Kan Pathian thu chuan a tlem emaw a tam emaw kan phak tawk ang zel a
midangte tana malsawmna ni turin min chah a, chu thuchah pawimawh tak chu keini a
zuitu thalaite pawh hian kan hre reng fo tur a ni. Eng thil pawh ti ila, chu rilru chu kan
pu reng fo ang.
8. A pawimawh ber chu kan thlarau nun a ni:
Thil dang hi chu a behbawm mai a ni a. A pawimawh ber chu kan thlarau
chhandamna, kan thlarau nun hi a ni.

Lalpa Tih Hi Finna

Uploaded by

Document Information

Original Description:

Copyright

Available Formats

Share this document

Share or Embed Document

Sharing Options

Did you find this document useful?

Is this content inappropriate?

Copyright:

Available Formats

Lalpa Tih Hi Finna

Uploaded by

Copyright:

Available Formats

Mizo Kristian Zirlaite Hriattur Thenkhat

1. Pathian tihna nun neitu thalai leh zirlai:

You might also like