Professional Documents
Culture Documents
MEMAYU HAYUNING BAWANA - Alangalangkumitir
MEMAYU HAYUNING BAWANA - Alangalangkumitir
i
4 Votes
Tumurune pepakon kang jati, peparinge Kang Maha Kuwasa, minangka panunggal dzate,
panyerat karya hayu, rahayune manunggal kardi, pakaryaning Pangeran, aneng budi
luhur, panunggaling cipta rasa, miwah karsa panyerat pustaka iki, , mangestu hesti
tunggal
Lelabuhan kang minangka wangsit, jumenenge Sang Saka makarya, hanglabuhi sira
kabeh, marsudi budi hayu, kaluhuran sempurna jati, heninging wardayanya,
hambeging aluhur, kinarya labuh Negara, marma sigra sinerat pustaka iki, dadya
kawuningana
Kang hamaca layan kang marsudi, ing wanci iki uga binuka, kawruh pangawikan
dzate, binuka telenging kalbu, pambukaning warana ghaib, kunci nanpa nugraha,
sempurnaning laku, memayu hayuning jagad, Nuswantara papan panunggaling ngilmi,
sempurnane ngagesang
Ana dene prasetyane Gusti, marang kabeh tumitah ing donya, sing pada gentur tapane,
tetep ngawula laku, nulad marang citraning Gusti, kang ana ing saben titah, dadi
srananipun, rahayu kang jinangka, kasembadan sasedyane hamungkasi, hayu nir
sambekala.
Rikalane sumujud nyawiji, jumujug marang ngarsa Pangeran, Gusti Kang Maha
Agunge, lega lila sedarum, datan melik mring samukawis, sakabehing lelakon, sumarah
Hyang Agung, tumurune kanugrahan, hanulada pra priyagung duk ing uni, nulada laku
tama.
Utamane wong aurip iki, tuwa anom ageng alit samya, ngetingalna labetane, hayu
sesaminipun, ngesti rasa sempurneng jati, ngenut krenteging manah, suba sitanipun,
ing pundi dununge gesang, kang sempurna tumeka ing zaman akhir,tentrem ing
salaminya.
Salamine tansah mujosmedi, ing wardaya emut mring Pangeran, tan ginggang langgeng
anane, duh tumitah sedarum, gegandengan zaman puniki, yen harsa urip mulya,
labuhana iku, jumeneng pangawak teja, hanampani kanugrahane Sang Adil., wahyu
makuta rama.
0. Tanda lamun kekasihing Gusti, nora mundur nadyan mung sejangkah, ngemban dawuh
panunggale, memayu hayu laku, hangayomi ciptane Gusti, Ingkang Maha Kuwasa, gawe
tentrem hayu, saisine jagad raya, nganggo dasar piwulang saka Sang Adil, pustaka
ngesti tunggal.
1. Tunggal jati sempurneng dumadi, tunggal cipta paripurneng lampah, dumadiya
saciptane, sakarsane maujud, tentrem hayu sempurna jati, anane wus tumedak, kabeh
laku hayu, yen ginulang dadi srana, kabeh mau dadya tepa lan palupi , tumrap kang
pada priksa.
2. Priksanana aneng jroning ati, talitinen sajrone wardaya, sagung pakaryan wulangreh,
papan dununge kawruh, sempurnaning urip lan pati, sempurnaning panembah, lan
pakaryanipun, dadya nyarira manunggal, tumanduke makarya sarwa utami, hayu nir
sambe kala
3. Kalanggengan kang pada den udi, lelabuhan mring sesame gesang, kasempurnan
dumadine, sabarang kang dinulu, kapyarsa lan ginanda yekti, rinasa jroning nala,
panggraita jumbuh, panca driya sung panunggal, kaluhuran katresnan Gusti
manunggil, lelangen jroning rasa.
4. Rasa jati sempurneng aurip, kinaroban marang sihing Allah, kataman branta
wulangreh, hayu rahayu laku, pangawikan ingkang binangkit, ginugah mring Pangeran,
Gusti Maha Agung, tetela lamun sanyata, katetepan kasempurnaning dumadi, memayu
hayuningrat.
5. Ratu Adil sapa kang wus uning, keparenge Gusti Kang Kuwasa, binuka kalbu weninge,
wruh saliring lelabuh, hanedakna katresnan jati, katresnan yekti bisa, gawe tentrem
hayu, duh kesuma jati srana, tampanana katresnan ingkang sejati, sajiwa lan saraga.
6. Jiwa raga gumolong sesaji, hanetepi kuwajibanira, ngawula mring Pangerane, mengkoni
6. Jiwa raga gumolong sesaji, hanetepi kuwajibanira, ngawula mring Pangerane, mengkoni
budi luhur, patembaya suwita Gusti, tumekeng pecat Suksma, netepi mring dawuh,
hanresnani Pangeran, hanetepi jejering panunggal kardi, tresna sapepadanya.
7. Nyata lamun lelabuhan suci, ingkang bisa gawe tentrem jagad, rahayu pra titah
kabeh, kang kadunungan ngelmu, sempurnaning urip lan pati, sempurnaning
panembah, mring Gusti Maha Gung, kang mengkoni Jagad Raya, saisine kapurba wisesa
Aji, Purwa Madya Wasana.
8. Wasanane wong aurip iki, dadi srana gumelaring kodrat, miturut laku jantrane, nadyan
sifating Wahyu, kasempurneng urip lan pati, iku amung sarana, murih tansah hayu,
kasinungan katentreman, iku wajib den persudi kanti becik, kinarya dadi srana,
9. Saranane sembada ngugemi, marang dawuhe Kang Maha Kwasa, tentrem ing lahir
batine, kasinungan lelaku, guyub rukun netepi wajib, hambangun Nusa Bangsa, lan
Negarinipun, murih hayu kang jinangka, lelabuhan gawe tentrem jagad iki, hayu
rahayu ing rat
0. Rata waradin sajagad iki, kunci rahayu ingkang tinampa, lelabuhan panyerate, bawana
gung rahayu, urip tentrem salami lami, duh para kadang ingwang, ywa kongsi kalentu,
iki pepakon kang ana, den agema tumekaning zaman akhir, rahayu kang pinanggya.
y alang alang
Advertisements
POSTED IN: MEMAYU HAYUNING BAWANA
TAGGED: AJARAN, ALANG, ALANG-ALANG, ALANG-ALANG KUMITIR,
ALANGALANGKUMITIR, ASMARADANA, BABAD, BALABAK, BUDAYA JAWA, BUDI,
DHANDHANGGULA, DURMA, FALSAFAH, FILOSOPI, GAIB, GAMBUH, GIRISA.,
HAHEKAT, JAVANESE CULTURE, JAVANESE MANUSCRIPTS, JURUDEMUNG,
KAUTAMAN, KAWRUH, KEJAWEN, KEKAWIN, KIDUNG, KINANTHI, KITAB, KUMITIR,
LAYANG., LUHUR, MACAPAT, MAKRIFAT, MANTRA, MASKUMAMBANG, MEGATRUH,
MIJIL, MISTIK, MITOLOGI, NASKAH KUNO, NGELMU, PANGKUR, PEKERTI, PEMUT,
PITUTUR, PIWULANG, PRANATA, PRASASTI, PRIMBON, PUCONG, RAMALAN., RASA,
RENUNGAN, SASTRA, SASTRA JAWA, SEJARAH, SEJATI, SERAT, SINOM, SULUK,
TAFSIR, WAHYU, WEDARAN, WIRANGRONG, WIRID
6 Comments
1. Martin
SEPTEMBER 9, 2009 – 9:29 AM
wah matur nuwun sanget. sabab babagan punika hanggugah rasa lan cipta kawula
muda kados kula punika, ingkang mboten ngertos babagan kabudayan jawi. nuwun.
2. GB. Giyarso
JUNE 15, 2009 – 7:00 AM
3. Mas Kumitir
MAY 1, 2009 – 12:13 PM
Matur nuwun dumateng kadang kula Kakang Mas Keboireng,
Salam
4. Keboireng
APRIL 30, 2009 – 5:48 PM
Wewalering Kajenar lawan Ki Kebo Kenanga :
Hayuning Diri iku kawiwitan hayu ing Iradat
Hayuning Iradat iku uga hayuning Qodrat
Hayuning Qodrat iku uga hayuning hayat
Hayuning hayat iku uga hayuning ngilmu
Hayuning ngilmu iku hayuning Sama’
Hayuning sama’ iku uga hayuning bashar
Hayuning bashar iku uga hayuning kalam
Kangsalajengipun tuminndak;
Hayuning Wahdah
Hayuning Wahdaniyah
Hayuning Ahad.
Kang sanyatanireki :
Hayuning Wujud
Hayuning Qidam
Hayuning Baqo
Kang jumeneng
Hayuning Qiyamuhu binafsihi.
5. Eko W
DECEMBER 2, 2008 – 6:29 AM
sip BaNget ,jaraNg KawuLo MuDo sing kerso nyinau BabaGaN sempurnanIng uRIp
Trackbacks
1. KENDALISADA » Blog Archive » Mamayu Hayuning Bawana