New Microsoft Office Word Document
New Microsoft Office Word Document
Stotr-34: 5 Oxem Mhontta, Tacher dolle lavun ravat. Tedna tumi Sontosan
murgott’toleat, tokli pondak ghalunk tumkam kodich poddchem na.
Hoi mogachea bhava-bhoinnino amkam aplo mog ani jivit ditolo Jezu, Devacho
put ,undeachea rupan amchem modem hanga hajir asa.Ekcharan ani mogan
jieunk amkam to apoita. Ami sogllim hea povitr vellar Jezuchem asnnem amchea
modem onbhovun taka nomoskar korum-ia.
Git : Tuch Mhozo somi
Jezu, Devacho put tum, amcho prabhu, unddea rupan amchea sangata, tum asai
mhonn bhavartan ami sottmantanv. Mogalla Jezu Bapache khuxek pallo diun, tum
hea sonvsarant aioli, ani amkam ,tacho mog ugddapo korun,ani mogachi adnia
diun, mogan ani ekvottan jieunk xikoilim. Amchea moga pasot tum khursar meloi.
Aiz ami tukam bhozunk, dhinvasunk ani vakkhanunk aileanv. Ami tuzo thavnaslolo
mog onbhovlla, torui astanna ami portun portun patok adarun tukam khub dukh
dilea. Jezu zoso tum Getsemanichea molleant dimbier poddun, Bapache khuxek
aito zalo., hea vellar dimbier poddun amchem sompurnn jivit,kalliz ani mon tukam
bhetoitanv. Somia Jezu, povitr atmean amkam bhor, ani ho molladik vell tujea
sangatak sarunk, tuzo mog onbhovunk ani tujea koxtta- mornnacher niyall korun
amchem jivit novsorunk amkam tujea bhesavanni bhor.
(Thoddo vell ogeponnan Jezucho mog onbhovum-ia)
Mogalla Jezu tuzo sopurn mog amchea jivitant onbhovunk ami visorleanv,
patkachi vatt dorun Dhonia ami tujea mogan bhorlolea kallzak ani akkhem kuddik
dhuk dilea. Punn jezu kitlo mhonn tu boro ani mogall ixtt. Tuvem amkam
patkantlim soddouncheak aplo prann khursar diloi. Hea vellar Jezu tujea povitr
ghayani ani omolik rogtan amchi sogllim patkam bhogos mhonn ami magtanv, ani
dhi amkam kalliz tujea ani peleachea mogan bhorlolem.
( Hea vellar Jezuchea koxttacher nodor marun ami amchi
patkam ollkhun
ghevum-ia ani Jezuchem bhogsonnem magum-ia. Amcho
zobab zaundim ‘’
Kaklut mhoji kor”)
Kantteancho mukut (Crowning with thorns)
Razachea Raza mhojea Dhonia aiz tum bhangaracho mukut nhoi punn
kantteancho mukut tujea mostokar gheun mhojea patkam pasot dukh sonsthai.
Dhuvun kad Dhonia hea vellar sogllim mhoji vaitt chitna, xikoi mhaka
khaltikayechem jivit jieunk. Bhogos Jezu sogllim mhojim patkam jim hanvem
kel’leat mhojea chitnannim, utrannianim kornnianim. (Zobab)
Vidhlolem kalliz (Pierced heart )
Jezu tujem Kalliz Devachea mogachi zor. Mhojea ovisvaxiponnan, apsurvathi jivit
jievun , bhava-bhoinnak pida pidd dieun , bhogsonnem na di-un ,tuzo ani
peleacho mog na korun hem mogachem kalliz haven dharun kela, hea vellar tujea
kallzacher nodor marun magtam tujea povitr rogtan ani udkan kor mhojem kalliz
tujea kallza sarkhem, Tujea ani eka-mekachea mogan bhorlolem. (Zobab)
Khillailolem Hat (Pierced hands)
Jezu hea tujea besavanchea hatannim tuvem amkam zaitea besavannim
bhorleant, zaitteank pekovnnim ani novem jivit favo kelai. Hea tujea kursacher
khillailolea hatachea ghayanni jezu nitol kor mhojem hat jem patkachea
kornnianim bhorleant ani dhi mhaka ghottai sodanch mhojea bhava- bhoinichi
seva chakri korunk. (Zobab)
Khillailolem paim (Pierced Feet)
Jezu zorui koxt dukh tujea vatter aile , punn kursak veng marunk tum patti sorunk
nai. Tuvem sodach Bapachi khuxi mannun ghetlim. Aiz mhojea jivitacher nodor
marlear Dhonia, hanv tuji rochnna punn tujim khuxi mannuk mhaka khub avgodd
lagta, hanv sonvsar choloita ti vat cholun tukam dukh dilea bhogos mhaka Somia
ani choloi mhaka sodach tujea mogachea rostear. (Zobab)
Jezu tin pavtt dhornir poddta Jesus falls 3 times on the
way to calvary
Jezu, tu tin pavtt kursachea bharan dhornir podloi. Kitlim mhonn Dhonia tuka
dukh zali,toru-I mhojea patkam pasot tuvem hi dukh mogan soslim. Jedna mhojea
jivitant koxt,dukh ietat mhoji nodor tujer ghalunk mhaka xikoi,Ani hanvem
sodanch goribank,niraxi zaleak,dukestank,piddevontank mogan vengunk Mhaka
tuji kurpa ani boll dhi. Bhogos jezu mhakam zaite pavtti jednam jivitant koxt ailem
tujer mhozo visvas dovrunk hanv visorlim. (Zobab)
(Amchea soglea patkachi dukh dhorun hea vellar Jezu
lagim bhogsonnem
magum-ia)
Git Ghevu-ia – Jezu Tujea Rogtan
Dhin’vasnnechem kalliz
Is 53:5 Khorench mhollear amchea opradhak lagun taka aspas vidhlo, amchea
guneanvank lagun taka vollvollailo. Tachr xikxa poddlea tiche vorvim amkam xanti
mell’li ani tachea ghaiank lagun amche ghai pekle. Hoi mogalla Jezu hea amkam
patkatlim suttka dilea khatir ami tuka amche dhinvashi kalliz ubharthav.
Git Ghevu-ia- Argam Tuka Somia
(Devache utor aikunk sogllim ami ubhi ravu-ia)
Devachem utor Jn.13:1-5. 12-15
Niall
Nimanno Brestar amkam bhou mohotvacho kiteak Jezu saannak tin mukhel
ghoddneo amche mukar dovorta. Povitr misache bhettechi sthapnni,
Iadnikponnachi sthapnni ani Pritimogachi adnia. Jezu amche pasot apunn
koxtovcho asa mhonn zanna zaun, aplea xisam sangata nimannem jevon korta ani
aplech dekhintlean ami sevechem mon apnnaunk amkam ulo marta.
Povitr misache bhettechi sthapnni : Misachi bhett zaun asa ek
vhoddantlem
vhodd magnnem. Misa bolidanant ami Jezucho Kalvaracho iodn somorom’bhtanv.
Atam thoddo vell ogich ravun amcheach jivitacher ami niall koru-ia. Khorench
Misache Bhettent ami bhavartan ani hurben vatto ghetanv kai?
Iadnikponnachi sthapnni : Misachi Bhett somorom’bhuk Jezun
iadnikponn
ghoddlem. Iadnik aplea jivitant zaite teag korun, apli akaarni favo te ritin korun,
Porjeche sevek aite zatat. Aplea makhlolea hatamni dor disa jezucho Kalvaracho
iodn te somorom’bhtat. Iadnikachea makhlolea hatant zaiti podvi`asa. Ek iadnik
zaun asa ak’khe Kriti porjek ek nomunno. Punn ami zaite pavtti iadnikank amcho
sangat ani amcho adar diunk legit visortat. Thoddo vell ogich ravun hacher ami
niall koru-ia.
Pritimogachi adnia: “Korat mog eka-mekacho zoso Hanvem kela tumcho”.
Jezun
aple dekhintlean pritimogachi adnia amkam dili. Pritimogachi adnia amkam
seveche mon apnnaunk huskaita. Bapan, amchea moga pasot Aplea ekleach Putak
hea sonvsarant dhaddlo. Jezun Aplea-k dilolea soglleacho ek sarko mog kelo ani
ami soglleamni hoch mog eka-meka sovem dakholl korunk amkam apovnnem
dilem. Atam thoddo vell ogich ravun hacher ami amcho niall koru-ia. Hi
pritimogachi adnia ami amchea jivitant palltanv kai.
Git ghevu-ia –
Bhavarteanchem Prathon:
Amchea Bapachi khuxi korunk ani ami Jezuchea thavnaslolea mogache govai ani
magnneachim monxam zaunk amchim thoddim magnnim Jezu mukhar dovru-ia
Dor eka magnnea pattlean amcho zobab zatolo: “Jezuchea navan Bapa
hem
magnnem kortanv tukam”.
Bara Xisanchem chitr: Mogalla Jezu je porim tuvem bara xisank vichun
kaddun
Bori khobor porgottunk pattoile toxech ami amchea chaltea jivitant Tuji Bori
khobor amchea ganvant ani sorv- bhovtim porgottuk ani tujea bore khobreche
okhodd porgott’nar zaunk amkam tujo adar dhi mhonn magtanv.
Panvlam: Jezu apunn lhan’vik ani khalto zaun aplea xisache paim dhule. Ami
Kristi
bhavarti koxim amchea jivitant sodach ihanvik ani kaltim zaunk ani amchem
vhoddponn ani gorv soddun diunk ani Jezu bhaxen sotak govai diteli monxam
zaunk amkam Bapacho adar magum-ia.
Fulam: Jezu hea sonvsarat jietanam aplea jivitant sotan jielo ani akhea
sonvsarak
sotacho pormoll fankarlo. Ami-I Kristi bhavarteamni Devachea utracho pormoll
amche sorv bhovtim fankarunk amkam Bapache Boll magum-ia.
Kalliz: Jezun aplea Kallzache kollayek thaun amam-sogllea monxacho mog
kelo.moro pasun aplea kallzant kosloch bhed-bhav korunk nam. Ami-I amchea
jivitant vegllochar, dusmankai,nattkai pois korun Jezuchea Kallza sarkem amchem
Kalliz korunk amkam bapacho adar magum-ia.
Hea vellar Soglleo amcheo gorzo,amche
anvdde,chint’nam,prosn,kuddiche
tollmolle ani Amchea khasgi gorzam pasot ogeponnan Jezu
lagim magu-ia.
Jezu bhaxen somazant Ihan’vikayechim,mogachi ani khaltikayechi mon’xam zaunk
ani ami eka-mekachi mogan seva korunk Bapan xikoilolea magnneantlean
magum-ya. Amchea Bapa….
Xevothache magnnem: Mogalla Jezu,ami ho thoddo vell Tujea sangata
sarlo.
Tujea koxttachea velar tuka sangat diunk hem bhag amkam favo zalem. Ami
sodanch mandun ghetla ki Tunch zaun asa amchea jivitacho maz. Hea povitr
voran, ami Tuzo mog onnbhovla ani chakla, toch porot ami amchea bhavartachea
kornniamnim dusreank vanttunk xikoi mhonn ami magtanv