Scribd Logo
Upload

Welcome to Scribd!

  • Yesu Shinggyim Hkumhkrang Dagraw Ai A Yaw Shada Ai Lam

    Uploaded by

    htoilahpai
    507 views2 pages
    1. Jesus Christ incarnated to fulfill three main purposes: To atone for humanity's sins, to defeat Satan and the powers of evil, and to show humanity the way to salvation and eternal life with God. 2. He lived a perfect, sinless life as a model for humanity. Through his life and teachings, he revealed God's love and brought healing and hope to many people. 3. His death on the cross satisfied the demands of justice for sin. It was the ultimate sacrifice that opened the way for humanity's reconciliation with God. By overcoming death, Jesus proved he was God's son and the savior of the world.

    Original Description:

    k

    Original Title

    Yesu Shinggyim Hkumhkrang Dagraw Ai a Yaw Shada Ai Lam

    Copyright

    © © All Rights Reserved

    Available Formats

    DOCX, PDF, TXT or read online from Scribd

    Did you find this document useful?

    Is this content inappropriate?

    Report this Document
    1. Jesus Christ incarnated to fulfill three main purposes: To atone for humanity's sins, to defeat Satan and the powers of evil, and to show humanity the way to salvation and eternal life with God. 2. He lived a perfect, sinless life as a model for humanity. Through his life and teachings, he revealed God's love and brought healing and hope to many people. 3. His death on the cross satisfied the demands of justice for sin. It was the ultimate sacrifice that opened the way for humanity's reconciliation with God. By overcoming death, Jesus proved he was God's son and the savior of the world.

    Copyright:

    © All Rights Reserved
    Download as DOCX, PDF, TXT or read online from Scribd
    Flag for inappropriate content
    Download as docx, pdf, or txt
    507 views2 pages

    Yesu Shinggyim Hkumhkrang Dagraw Ai A Yaw Shada Ai Lam

    Uploaded by

    htoilahpai
    1. Jesus Christ incarnated to fulfill three main purposes: To atone for humanity's sins, to defeat Satan and the powers of evil, and to show humanity the way to salvation and eternal life with God. 2. He lived a perfect, sinless life as a model for humanity. Through his life and teachings, he revealed God's love and brought healing and hope to many people. 3. His death on the cross satisfied the demands of justice for sin. It was the ultimate sacrifice that opened the way for humanity's reconciliation with God. By overcoming death, Jesus proved he was God's son and the savior of the world.

    Copyright:

    © All Rights Reserved
    Download as DOCX, PDF, TXT or read online from Scribd
    Flag for inappropriate content
    Download as docx, pdf, or txt
    of 2

    1

    Yesu Shinggyim Hkumhkrang Dagraw Ai A Yaw Shada Ai Lam Ni


    (The Purpose of incarnation of Jesus Christ)

    Yesu shinggyim hkum hkrang dagraw nna sak hkrung ai aten hta galaw ai magam bungli ni law
    law re. Dai lam ni hpe ginchyum dat yu ai shaloi ahkyak ai lam masum a matu shinggyim hkumhkrang
    dagraw ai lam rai nga ai hpe chye na la mai nga ga ai.

    1. Karai Kasang a lam hpaw shadan dan na matu: Karai Kasang shinggyim masha ni hpe hpan da ai
    shaloi ra rawng ai lam hpa mung n nga hkra hpan da ai re. Rai tim, yubak mara a majaw Karai Kasang hte
    tsan mat wa ai re. Bai nna, yubak gaw Karai Kasang a lam n chye na lu na matu, hkum pat ya nga ai re.
    Dai rai nna, yubak a majaw Karai Kasang a lam chyena ai lam ni mung ningra mat wa ai sha n-ga Karai
    Kasang hte mung grau grau tsan gang mat wa ai re.

    Ga shaka Dingsa prat hta Karai Kasang hpe mara lu jang tara jeyang ai tara agyi, grai chyoi pra
    san seng ai shara kaw sha nga ai wa, shinggyim masha ni hte grai tsan ai kaw nga ai wa, hpung grai kaba
    ai majaw shinggyim masha ni Shi hpang de ading tawk n mai sit shang ai wa, ngu ai hku chye na hkam la
    ma ai. Karai Kasang Hkingjawng ni, tara agyi ni, myihtoi ni hpe lata san la nna, Karai Kasang a lam, Karai a
    yaw shada ai lam, Karai a tsaw ra myit ni hpe htawn shalai shangun tim, dai aten na ni Karai Kasang hpe
    tsawra myit kaba ai Karai Kasang, mara raw dat ya ai Karai Kasang, matsan dum lama ai hte mai kaja dik
    ai chyeju jaw nga ai wa ngu ai hku n chye na la hkraw ma ai. Jep ai tara hpe madung dat nna, tara shadik
    ai, nawku htung madung dat sak hkrung ai majaw, Karai sharawng awng ai lam hte n htan shai ai tara
    shadik ai nawku htung hta mara grau grau she law rai hkyi ba lit li gun nga ra ma ai re.

    Dai majaw, Karai Kasang gaw Yesu HKristu hku shinggyim hkum hkrang dagraw let Karai Kasang
    a lam hpe shinggyim masha ni tengman jaw ang ai hku chye na la lu na matu sa hpaw shadan dan ai lam
    re. Karai Kasang gaw wenyi rai nna (Yawhan 4:24), n htum n wai tsaw ra myit hte shinggyim masha ni
    hpe tsaw ra ai lam, Yu bak lu ai shinggyim masha ni hpe tsaw ra ai lam, Shi hpe kam sham ai ni hpe htani
    htana asak jaw ai lam, shinggyim masha ni hte rau nga nna yu lahku bau sin makawp maga chyeju jaw
    nga ai lam, tsaw ra myit, tara rap ra lam, ngwi pyaw simsa lam ni mungkan hta tutnawng nga nga na hpe
    sharawng awng ai lam, wu dang ntsa hta si hkam ya ai du hkra yubak lu ai shinggyim masha ni hpe tsaw
    ra ai lam ni hpe hpaw shadan dan ai re.

    2. Tsadan hpe kabye shamyit na matu: Shinggyim masha a manghkang gaw yubak manghkang re.
    Shinggyim masha shagu yubak galaw chye ai, yawn hkyen chye ai, ra marin chye ai, tinggyeng machyu
    chye ai, machyi makaw chye ai, hkum hkrang si chye ai lam ni rai nga ai. Dai lam ni byin pru wa na matu
    gunglau ai gaw tsadan re. Dai majaw, Tsadan a gunglau lam hte yubak a shabrai kaw na shinggyim
    masha gaw tinang hkrai gara hku mung n lawt lu ai. Tinang a atsawm, hpaji, ja gumhpraw, arawng
    sadang ni hte n tawt lai lu ai. Tsadan a hpung shingkang npu, yubak a kangdang hta mayam tai nga ai
    shinggyim masha a sak hkrung lam gaw, lachyum n pru ai, manu n dan ai, myit mada shara n nga ai re. Ja
    gum hpraw, arawng sadang, hpaji kade chye da lu da tim gaman lila re. Hkrung nga tim gaman lila, si tim
    gaman li la ai.

    Tsadan hte yubak a shabrai kaw na lawt lu ai bahkam lu la ai wa chyu sha tengman ai myit dik
    myit pyaw lam hte myitsim myitsa lam lu la mai ai re. Shinggyim masha ni dai pahkam lu la na matu Yesu
    2

    shinggyim hkumhkrang dagraw let du sa ai re. Shi nan tsa dan gunglau ai hpe hkam dan nna (Mahte 4),
    Karai Kasang hpe sha nawku kam sham ra ai lam, Karai a hpung shingkang n pu hta sak hkrung ai ni hpe
    Tsadan n gunglau lu ai lam, Yesu Shi hte rau rai yang Tsadan hte shi a salung sala ni a balen hpe pyi daw
    kau ya lu ai lam ni hpe hpaw shadan dan ai re. Yesu Shi hpe kam sham ai kashu kasha ni Tsadan a balen
    yubak a shabrai si ai kaw na lawt lu na matu shinggyim hkumhkrang sa daraw ai re.

    3. Mungkan shingyim masha ni hpe hkye la na matu: Hkye la ai ngu ai gaw yubak a shabrai si kaw na
    lawt lu na matu re. Dai gaw htani htana asak hpe tsun ai re. Kam sham ai ni yawng hpe htani htana asak
    jaw ai re. Htani htana asak ngu ai gaw si ai hpang htawm hpang prat hta lu la na asak sha n rai, dai ni
    kam sham ai aten kawn n hpaw n-ya asak lu la shangun ai lam re. N hpaw n-ya asak ngu ai gaw Karai
    Kasang hte seng ai shinggyim sak hkrung lam lu la ai lam re. Dai hta sak hkrung lam gaw lachyum pru ai
    manu dan ai, galoi mung myit mada shara hte sak hkrung lu ai lam re. Sak hkrung lam hta hkrum kadup
    wa ai lam lawm yawng a mahtai hpe Yesu hta lu la nga ai lam, Yesu hta gabu nga lu ai lam, Yesu hta myit
    n-gun lu la ai lam, Yesu hta chyeju ningnan ni lu la nga ai lam, Yesu hta myit mada shara ayan lu la nga ai
    lam ni re. Lanit hte lani Karai Kasang a daru magam hpung shingkang a majaw makam grau kaba wa ai
    lam, Karai a mai kaja ai tsawra myit hpe grau grau chyena hkam la lu wa ai lam, mungga hpe shani shana
    myit mang ai hte tsit lali ai hpun zun shaman chyeju ni hte grau grau hpring wa ai. Tsun shaga ai lam,
    myit mang ai lam, hkrang shapraw sak hkrung ai lam yawng gaw Karai a hpung shingkang hpe shapraw lu
    ai hte, Karai a amying ningsang hpe grau grau shadan jahkung wa lu ai sak hkrung lam hpe madu lu wa ai
    re. Dai zawn re ai ningja rawng ai, manu dan ai, lachyum hpring ai, ngwi pyaw simsa ai sak hkrung lam
    shinggyim masha ni hkam la lu na matu Karai Kasang gaw Yesu Hkristu hku nna shinggyim hkum hkrang
    dagraw ai lam rai mali ai.

    Rev. Dr. Lahpai Awng Li

    You might also like