Professional Documents
Culture Documents
Mizo Tawng Ziah Dan: (Ziah Zawm Tur Leh Zawm Loh Turte)
Mizo Tawng Ziah Dan: (Ziah Zawm Tur Leh Zawm Loh Turte)
Hriat tur :
1. A tam thei ang ber a hrangin ziah kan tum tur a ni.
2. Ziah zawmna chhan tur kan hriat chauh a inzawmin kan ziak thin tur a ni.
4. Thumal zinga thenkhat chu ziah zawm loh hun a awm bawk.
5. Thumal ziah zawm ngai hriat dan : a tlangpui thuin thu lam khat hian thumala a beh
tel hnu chuan a mala a awmze neih sa kha a keng tel tawh lo.
Entirna ; ‘Challang’ tih hi thumal a ni a, hetah hian ‘chal’ hian a mala a awmze
pangngai kha a keng ta lo a ni.
a) Thuhmabet (Prefix)-te hi a dawt chiaha thu-ah a bet tel thin a, ziah zawm zel tur a
ni.
iii) tilawm, tisual, tikhawlo, tihlu, tibo / tihmualpho, tihnat, tihthitlin, tihretheih,
tihpalh, adt.
iv) ‘A’ hi prefix ni chiah loa thumal hmaa a awm hun a awm a, ziah zawm zel tur a
ni, a inzawmin thumal anga ngaih a ni : achinah, ahnu, aleiah, alawm, asin, ahnekin,
atan, ahnu, adt.
b) Ziah zawm loh hun : Thuhmabet kan tihte hi a mala an din theih hun (noun,
pronoun, verb) a awm a, a hnua thu nen ziah zawm loh tur a ni. Entirna:
i) in nei : (in – noun) ‘in nei chuan garage nei tel thei se’ / (in-pronoun) Garage in
nei em?
iv) inti/intih : ‘ka kal hlanin lo inti miah suh ang che u’/ ‘in unau hi in intih fo chuan in
tluang hauh lo ang’
v) ti/tih: do, say tihna atana hman a nih chuan a hranga ziah tur a ni : i hna chu i ti
tawh em ni?/ “Tap suh” a ti a. / Isuan min hmangaih tih ka hria.
II. THUHNUNGBET (Suffix) : a, ah, awm, ho, in, na, pui, sak, san, te, tê, thlâk,
tîr, tu leh zia te hi suffix an ni a, thumal hnungah beh teltirin ziah zawm thin tur a ni.
Amaherawhchu, suffix te hi a mal din hun (a mala awmzia a neih hun) a awm a,
chumi hunah chuan a hranga ziah tur a ni thung.
1. A:
a) ‘a’ hi thu kal laiah chuan a hmaa thu-ah a bet tel tlangpui a ni : nangmaha,
khawvela, mahnia, keimaha, ramhnuaia, Lungleia, hmannia, tunlaia, khawlaia,
huaisena, ina, loa, kawta, adt.
i) Hming aiawh emaw, thil eng emaw aiawh a nihin : Ball a pet / a lo kal /
“Ka tui a hal” a ti a.
ii) Thu tikimtu atana hman a nihin : a lo kal a, a let leh a. / School a chawl
a, a mu mai mai a.
2. AH :
a) A hmaa thu nen ziah zawm thin tur a ni : Bazarah, Lungsenah, in chungah,
khawlaiah, England-ah,
chhuatah, Cl. IX-ah, 2012-ah, MHIP-ah, kawrah ka duh, pawnfenah a tha ang, loah ka
feh, adt.
b) ‘Ah’ hi noun emaw, interjection emaw, verb emaw a nihin a hranga ziah tur a
ni :
i) I chhang ah chu a va hrawl ve! (n) ii) Ah, khai a…! (Interj)
ii) I ipte ah (ak mdf.) kha a va fual ve! / chemtein mi han ah (ât mdf.) chu le! (v)
3. AWM :
a) Ziah zawm hun : Zahawm, lainatawm, muanawm, ngaihhlutawm, buaipuiawm,
zahpuiawm, lawmawm, demawm, awihawm, adt. tia a hma thu nen ziah zawm vek
thin tur a ni. A thlûk danah pawh ‘uikawm’ tiha ‘kawm’ thluka thluk vek a ni.
b) Ziah zawm loh hun chu a mala awmzia a neih hunah a ni ang :
iv) Tui loin kan awm thei lo v) I awm a nuam meuh na nge? vi) A
awm awm la rawh.
4. HO :
a) Pakhat aia tam sawina a nih chuan a hma thu nen ziah zawm zel tur a ni (plural
suffix) : keiniho, inkhelho, Pathian thusawiho, zai thiamho, thiam loho, hrehawm tiho,
zu zuarho, adt.
b) A mala awmzia a nei a nih chuan zawm loh tur a ni: i) Thu ho deuh deuh sawi
suh (adj). ii) Hruaia’n va ho rawh se (v). iii) Sawi ho, zir ho, thlir ho, (adv). iv) I hote
an thiam em? (n)
5. IN :
a) Ziah zawm hun : Rinnain an kal, mi pahnihin mei an zu, ni thum chamin a
thang, ka châk viau nain ka kal ta lo, tiangin a vua, doctor-in a zai, sazuin a seh.
i) In dam em? (pronoun) ii) In ar in hi a rim chhia. (n) ( damdawi in, ek in,
chhek in, biak in, ran in, tia a hranga ziah zel tur a ni). iii) Tui i in duh em? (v)
iv) I zun a in elo? (Natna hming a nih avangin zun-in tia ziah a tha).
6. NA :
a) Thumal (v)-a ‘na’ kan belh hian abstract noun a lo ni a, ziah zawm tur a ni :
hmangaihna, thawhrimna, fakna, lawmna, mawina, zawrhna, tuarna, tahna, awmna,
dahna, nunna, adt.
b) Zawm loh hun chu a mal din (nihna a neih) hunah a ni leh ang :
i) I pum a na em ni? (adj) ii) Ti suh ti na na na a, i han tih luih talh chu le! (adv)
iii) Natna hming : pum nâ, kal nâ, ke nâ, lu nâ, adt.
7. PUI :
a) Ziah zawm hun : i) Ran leh ramsa lamah – kelpui, arpui, vawkpui, bawngpui,
keipui, zukpui, mupui, sakhipui, sazupui, nghalpui (khuai), adt.
ii) Thil dang : luipui, lungpui, hruipui, bepui, kawngpui, inkhawmpui, indopui,
inpui, hunpui, nipui, nopui, pawnpui, rinpui, zupui, adt.
iii) Nihna, upat lama anpui, thurualpui leh tawmpuina : hnampui, anpui,
nulatpui, zirpui, YMA-pui, rawngbawlpui, khawsakpui, eipui, pianpui, thlamuanpui,
uipui, uanpui, tahpui, zinpui, adt.
iii) Millenium chu pui tak a ni. (ropui tihna) iv) Hmu lo puiin engtin nge ka sawi
theih ang?
8. SAK :
a) ‘Sak’ tih hi a hma thu nen ziah zawm zel tur a ni : peksak, tihhlawhtlinsak,
dilsak, saksak (in an saksak / Pathian chu hla saksak rawh u), ahsak, phurhsak,
hruaisak, petsak, chhuhsak, tihsak, adt.
b) Zawm loh hun : A mala awmzia a neih hunah zawm loh tur a ni:
i) Thil eng emaw sak tak sawina a nih chuan a hranga ziah tur a ni : Lung chang
leh sak tak a ni.
ii) ‘Sa’ mdf. ‘sak’ a nih chuan a hranga ziah tur a ni bawk : In hla sak chu a va
nalh ve / Vawk in sak hi chu a thiam a nia.
iii) Harsa tihna atana hman a nihin : Zai a va sak talh talh ve!
9. SAN :
a) ‘San’ tih hi a hma thu-ah a bet tel thin tur a ni : kalsan, chhuahsan, hawnsan,
bosan, peih lohsan, zin bosan, vah bosan, thlirsan, rauhsan, pemsan, kirsan, adt.
i) Puan / kawr sân sawina – i kekawr mawng chu a sân a nih kha.
ii) Sang mdf. atana san tih kan hman hunah – Mawia san dan em em hi chu!
iii) Double adverb san san – In nautê chu a nui san san mai.
10. TE :
a) Plural siamtu ‘te’ hi a hmaa thu nen ziah zawm thin tur a ni: zirlaite, inkhelte,
doctor-te, thusawitute, kohhranhote, naupanghote, thalaite, VDP-hote, ranvulhte,
thiante, rannungte, adt.
i) Thu daidanna leh zawmna a nihin : thing te, mau te, nungcha te hi humhalh tur a
ni.
ii) Thu tikimtu atana hman a nihin : Lo kal te chu ka duh alawm. Insual te chu ka duh
teuh lo.
11. TÊ :
a) Mihring leh thil danga a tê chi sawina hi ziah zawm tur a ni : artê, patê, khotê,
maitê, fiantê, vawktê, vatê, uitê, beltê, adt
12. THLÂK :
b) Zawm loh hun : Thiltih sawina (verb) a nih hunah. Kut i thlâk elo?. Hrui kha
rawn thlâk thla teh.
13. Tîr:
a) Ziah zawm hun : kaltîr, chhuahtîr, muttîr, entîr, zaitîr, zawntîr, hriattîr, awrhtîr,
adt.
b) Zawm loh hun : i) Lala kha tîr mai teh. (v). ii) A tîrah chuan i buai deuh mai
thei. (adv)
14. TU :
a) Ziah zawm hun : khawngaihtu, lainattu, petu, hriattirtu, mamawhtu, dawngtu,
zilhtu, ziaktu, hrilhtu, ruaitu, thawktu, hretu, chotu, betu, tanpuitu, zilhhautu,
hmangaihtu, adt.
b) Ziah zawm loh hun : i) A tu ber hi nge i star chu? (pronoun). ii) Balhla ka tu
(tuk). iii) Tû ka la nei lo (n).
15. ZIA :
b) Zawm loh hun : i) I zia hi thup deuh teh (n). ii) I puan zia chu ka mawi tih
zawng tak a ni. (adj)
III THUMAL ZIAH ZAWM HUN LEH ZAWM LOH HUN AWM CHITE :
b) Dawh kan : A sang em mai, in dawh kan deuh loh chuan ka ban phak lo
ang.
b) Sam khuih : I sam khuih ang hmiang. Sam khuih hi in peih lo thei lutuk.
3. a) Mahse : A lo kal a, mahse a awm rei lo. Sangha hi tui chu ka ti, mahse
a ruh then vel hi a buaithlak em mai pawh a.
b) Mah se: Lo kal mah se ka be chuang lo ang. Liverpool chuan nawr viau mah
se an si phurh chu an sut thei lo a.
Hengte hi a entirna chauh a ni a, noun thumal tam tak hi inzawm loin a hman theih a.
Ziah zawm loh hun chu noun anga kan hman loh hunah a ni ang.
1. Bawh : bawhbel leh bawhtah tih bak chu ziah zawm loh vek tur a ni –
bawh pelh, bawh tlu, bawh kan, bawh liam, adt.
2. Bo : bangbo tih loh chu a hma thu nen ziah zawm loh tur a ni – bi
bo, kal bo, hnawt bo, kal bo, tlan bo, adt.
4. Zawng : Ngaihzawng, ngaizawng tih bak chu a hrang veka ziah tur a ni
– duh zawng, ngainat zawng, vei zawng, zau zawng, huat zawng, adt.
5. Bûk : Zawlbûk tih loh chu a hranga ziah vek tur – chhawl bûk, biak
bûk, khual bûk, adt.
6. Dang : Indang leh lamdang tih bak chu a hmaa thu nen zawm loh tur a
ni : mi dang, chi dang, thu dang, thil dang, ni dang, ram dang, adt.
8. Lui, dil, tlang : A hminga bet tel sa – Serlui, Tamdil leh Rungdil bak
chu a hranga ziah zel tur a ni. – Lurh tlang, Tlawng lui, Rih dil, adt.
9. Fiah : Hrilhfiah leh finfiah tih bak chu a hranga ziak tur a ni. – en
fiah, zawt fiah, sawi fiah, hmu fiah, lang fiah, adt.
11. Mal : A hmaa thu nena zawm pawha ‘pakhat’ tihna la keng tel chi
chu zawm zel tur a ni – nghalmal, thumal, buhmal, zawngmal, adt.
14. Thlu : Muthlu hi ziah zawm tur a ni a, bawh thlu, rel thlu, thlem thlu,
adt. hi zawm loh tur.
15. Thlêr : Kawtthlêr hi zawm tur a ni a, chepthlêr, tai thlêr, adt. a hranga
ziah zel tur a ni.
Hengte hi i thiam a, ngaihtuahna i hman zui bawk chuan i Zotawng ziah chu a
zahpuiawm hauh lo ang.