RAHABE Mosadi Yo o Pharologanyo o Dirisiwa Ke Modimo.

rahan book setswana draft 2:Layout 1 07/12/2012 15:43 Page 1
O WA
ATLH WA
MOKRGAHABLE O
GA AEBE E
B ANG LE E
N TSO L
O ABO
DIPK R
DI A
RUTH DICKSON
RAHABE
Mosadi yo o pharologanyo
o dirisiwa ke Modimo
ka
Ruth Dickson
© 2011 - Ruth Dickson

All rights reserved.
This book is protected by the copyright laws of the United

Kingdom. This book may not be copied or reprinted for
commercial gain or profit. Permission will be granted upon
request for short quotations, occasional page copying for
personal or group study. Personal and group study of this book
is encouraged. Unless otherwise identified, Scripture quotations
are from the New King James Version of the Bible.
GIHON PUBLISHING
www.gihonbooks.com
[email protected]
ISBN 978-09567352-6-3
KGETHELO
Ke rata go kgethela mme buka e, mosadi yo o

supileng tumelo e kgolo, molemo, thata le
seriti.
Mme Florence Dickson (nee: Giwa)
5
FENSETERE
YA GA RAHABE
L
efelo le Rahabe a neng a le rata thata e ne e
le fa fensetereng ya ntlo ya gagwe. Fa a le
foo o ne a ne a kgona go bona toropo yotlhe
le tikologo ya yone. O ne a kgona go bona batho fa
ba tsena le ba tswa mo toropong.
6
Rahabe o ne a nna kwa Kanana, mo toropong e

bidiwang Jeriko. Jeriko o ne a agilwe mo thabeng
jaanong e ne e re fa Rahabe a utlwa go le mogote a
ye go nna fa fensetereng a bo a lelala. Phefo e tlaa
bo e foka moriri wa gagwe mme a tshege, nako tse
dingwe a lele a ntse go ne fa lefelong le le
kgethegileng le, fa fensetereng.
E ne e re fa Rahabe a sa bereke a nne fa

fensetereng mme a akanye ka dipolelo tse a di
utlwileng ka baIseraele. BaIserele e ne e le
batswakwa ba ba neng ba tshabega mo mafatsheng
a mo tikologong ka ba ne ba ba fenya mo dintweng.
O ne a utlwaletse dimakatso le ditiragalo tse di

kgatlhisang tse di diragetseng le ka fa baba ba
baIseraele ba ne ba fenngwa ka teng. Gangwe le
gape o ne a akanya ka polelo e makatsang ya fa
baIseraele ba ne ba kgabaganya Lewatle le
Lehibidu le ka fa ba ne ba gata lefatshe le le
omeletseng. Ba ne ba lelekilwe ke batlhabani ba ga
Faro ba le ba ntsi, bangwe ba le mo dikareng,
bangwe ba palame dipitse fa ba bangwe ba tshwere
dithebe tse di phatsimang. Rahabe o ne a tle a nne
7
fa fensetereng, mme gangwe le gape a akanye ka fa

batlhabani bao ba neng ba le bantsi, ba nonofile e
bile ba le dikgoka ka teng mme ba ne ba nyelela ka
ponyo ya leitlho mo go neng ga se ka ga sala le fa e
le ope wa bone. Batlhabani ba ga Faro ba ne ba
lekile go latela Baiseraele ka go feta fa gare ga
lewatle jaaka bone, mme e rile fa Baiseraele ba sena
go feta metsi a boa a ba khurumetsa.
Rahabe o ne a kgatlhwa thata ke dipolelo tse. O ne

a ipotsa ka Modimo wa baIseraele,Yeshua, Modimo
Mothatayotlhe. Modimo yo o ne a kgona go supa
maatla a gagwe, a sa tshwane le medimo ya disetwa e
Bakanana ba neng ba e obamela. Fa a ntse fa
fensetereng, mo tlhaloganyong ya gagwe a nagane
ka pelo mafoko a ka dirisang go tlhalosa ditiro tse
dikgolo tsa Modimo wa Iseraele. A re; o tlotlegile, o
nonofile,o maatla, o a makatsa, o masisi, o siame
thata, o a kgatlhisa, o a galalela, borara, a bue fela
jalo. A tloge a tsee seletso sa gagwe a letse a bine
gone fa lefelong le a le ratang thata le, fa
fensetereng. Rahabe o ne a bina gore a bo a tsewe
ke mowa mo e kareng o tla a tsitlega pelo.
8
Rahabe o ne a itshelela mo lefatsheng la gagwe, ba

le bantsi ba ne ba mmona e le setlhodi. O ne a sena
ditsala gape basadi ba ba tshwanang nae ba ne
tlwaelesegile ka go nna le kitso ka batho ba ba
tlhotlheletsang le baba ba bone. Le ntswa Rahabe
e ne e le moleofi gape a sa ratiwe mo Jeriko, o ne a
le tlhaga gape a tlhotlheletsa.
Mongwe le mongwe mo Jeriko o ne a tsaya Rahabe

gore ke motho yo o tshelang botshelo jo bo sa
tlwaelesegang, o ne a sa tuma.
Bala ditemana tse:

Dipesalema 111:4
Dipesalema 145:6
9
DITLHOLA
K
wa godimo ga ntlo ya
ga Rahabe a go ne
go le bodilo jo bo
phothelang. Lefelo leo ke
kwa go aroganngwang korong
le mmoko. E ne e le letsatsi le
go neng le matsubutsubu a
diphefo Rahabe a photha fa
a utlwa go kokotwa mo
lebating. A goa a re, “Ke
mang?” A boa a botsa, “Ke
mang?” mme ga seka ga nna le
karabo. Rahabe fologela ko
tlase mme a okomela ka
fensetere. Mo kgakgamalong
ya gagwe a bona baIseraele
ba ba babedi ba eme fa
lebating la gagwe. A
itlhaganelela go bula lebati
gore ba tsene.
10
A ba botsa se ba se batlang matlho a gagwe a

rotogile. A ipotsa gore go a bo go tlaa direga
mathata a eng mme a tlelwa ke letshogo. Batho
botlhe mo Jeriko ba ne ba tshaba Baiseraele
jaanong mongwe le mongwe yo o neng a ba bona o
ne a bitsa batlhokomedi ba toropo. Ba ne ba
mmolelela gore ba tsamaile sekgala se se leele ba bo
ba tlola noka ya Joretane go tla go goroga mo
toropong. Ba tlhalosa fa ba tsile go bona ka fa
toropo ya bone e thatafaditsweng ka teng. A ipotsa
gore ba kgonne jang go tlola dipota tsa toropo ba
sa lemogwa. Kgabagare, a tlelwa ke letshogo le
legolo fa a lemoga se se neng se ka diragala fa a ne
a ka bo a tshwerwe nako ya fa a letlelela banna ba
Iseraele go tsena mo lwapeng la gagwe. Banna ba
go ne go le mo pepeneneg gore ke ditlhola, ditlhola
tota! Ba ne ba boifiwa mo Kanana le go feta.
Banna ba babedi ba ba ne ba bolelela Rahabe fa

ba romilwe ke Joshua go tla go tlhola lefatshe lotlhe
la Jeriko. Joshua e ne e le moeteledipele wa
baIseraele yo o neng a tshabega ebile a tlotlega le
mo Iseraele. Ba ne ba mmolelela gore e rile fa ba
atamela dipota tsa toropo, ba ne ba gogiwa ke
11
Modimo gore ba tle ba kokote fa lebating la gagwe.

Mme e rile fa ba ntse ba bua, ba utlwa batho ba goa
le mogwanto wa batho ba tla ntlheng ya bone.
Rahabe a tshwanelwa ke go akanya sengwe ka
bofefo.
Kgabagare, a utlwa lentswe le goa le re, “Ntshetsa

banna ba ba tsileng kwa go wena kwa ntle, ba tsene
mo ntlong ya gago re a itse gore maikaelelo a bone
ga a siama.” Rahabe a raya ditlhola a re,
“Itlhaganeleng, le tshwanetse la iphitlha ka bonako.”
Rahabe a tseela ditlhola tse kwa godimo ga dikago,

fa lefelong le a neng a le rata thata, bodilo jo bo
phothelang. O ne a santse a kgobokantse korong e
le ntsintsi. Rahabe o ne a ba raya a re ba rapame mo
godimo ga marulelo mme a phatlalaletsa korong mo
godimo ga bone.
Mo nakong e sa fediseng pelo, Rahabe a utlwa

lebati la kwa pele le tleregana. Fa a tabogela kwa
tlase ke fa batlhokomedi ba setse ba palamela kwa
godimo. “Re bone banna ba babedi ba tsena mo
ntlong ya gago,” ga bua batlhokomedi. “Ba kae?”
12
Ba ne ba tswelela ba goa ba botsa Rahabe dipotso

tse dintsi. “Ee, banna ba babedi ba ne ba tla kwano,
mme ga ke itse gore ba ne ba tswa kae kana ba ya
kae.” E rile fa go fifala dikgoro di tswala, ba
itlhaganela ba tswa ka lebati. O ne a supa ntlheng
ya Noka ya Joretane a raya batlhokomedi ba
taboge thata ba ba itlhaganelele.
Fa batlhokomedi ba sena go tsamaya e bile a

tlhomamisitse gore ga gona ope yo o mmonang, a
boela kwa godimo. Banna ba ba ne ba utlwile
puisano e ne e ntse e dirwa kwa tlase, ba lebogela
Modimo go bo a ba gogetse kwa ntlo ya ga Rahabe.
O ne a dira ka fa go tshwanetseng go ya ka tumelo

ya gagwe. Rahabe o ne a dumela tsotlhe tse a di
utlwileng ka ga Yaweh,ke sone se a neng a tsaya
tshwetso ya go fitlha ditlhola go na le gore a tsibose
batlhokomedi ba toropo. O ka bo a ne a ba logela
segwenegwene sa gore a ba tshwarise mo
batlhokomeding. Boammaruri ke gore Rahabe o
tsieditse batho le sechaba sa gagwe. Le mororo, o
ne a tlelwa kego boifa Modimo wa bone e bile a nale
tshepo ya gore o dirile sentle ka go thusa ditlhola.
13
O ne a utlwile ka monna yo o neng a bidiwa Ntate

Aberahame. Go bolelwa fa Modimo o ne wa mo
laela go ntshaka morwae yo o esi setlhabelo mo
sebesong. O ne a ithuta fa Modimo o ne o mo leka
tumelo le go bona gore a mme tota o ne a dumela mo
ditsholofetsong tsa Modimo. Rahabe o ne a nna a
gopotse polelo e le ka fa Modimo wa ga Ntate
Aberahame o neng wa ntsha phelefu ya setlhabelo
boemong jwa morwae. O ne a itse mo boteng jwa
pelo ya gagwe gore go tseeng tshwetso ya go
dumela mo Modimong wa ga Aberahame, ene
Modimo wa baIserale, o ne a tsaa tshwetso e
siameng.
14
GO TSWA MO
LEFELONG LA
BOTSHABELO GO YA
KWA LEFELONG LA
BOIKHUTSO
L
etsatsi le ne le
setse le phirimile
ngwedi a setse a
phatsima. Rahabe o ne a
itse gore o tshwanetse a
ba baakanyetse fa ba
robalang teng. O ne a
tshwanelwa ke go batla
tsela ya go ba ntsha kwa
lefelong le a ba fitlhileng
teng go ya go kwa go la
boikhutso. Banna ba ga
Joshua ba dirisitse
bopelokgale jo bogolo
go tsena mo toropong ya
15
Jeriko le go batla lefelo la botshabelo. Modimo o ne o buile

le Joshua moeteledipele wa Baiseraele a mo laela gore a
direng. Le ntswa Modimo a ba solofeditse phenyo e bile a ba
supegeditse maatla a gagwe mo dinakong tse di fitileng, ba ne
ba tshwanetse go nonofa le nna pelokgale gore ba amogele
ditsholofetso tsa Modimo. Kanana e ne e le neo ya mahala
ya baIseraele, mme ba ne ba ntse ba tshwanetse go e
tlhabanela.
(Fa Modimo o re solofetsa mo baebeleng, re

tshwanetse ra ema ka tumelo le tshepo ya go
ditsholofetso tse di tlaa diragala. Nako e nngwe
ditsholofetso tsa gagwe di ka lebega di diega, mme
ga a re tshwanela go kgobega marapo. Baebele ya
re re nne le tumelo le tshepo.)
Rahabe o ne a boifa thata, mme gape a itumelela se Modimo

wa ga Aberahame a neng a se dira. O ne a kopa ditlhola go
mmolelela dipolelo tse dingwe tse di kgatlhisang le metlholo e
megolo e Modimo wa bone a ba e diretseng.
Ba ne ba mmolelela ka fa Modimo wa bone a neng a ba

solofeditse go ba isa ko lefatsheng la tsholofetso, lefatshe le
elang mashi le dinotshi. Dingwaga tse dintsi baIseraele ba ne
ba tshelela ka fa tlase ga kgatelelo ya ba Egepeto. Go ne ga
16
ba dira gore ba lelela kwa Modimong le go tla fa pele ga gagwe

ka dithapelo. O ne a ba araba ka go ba solofetsa.
(O ne a ikana go ba fa lefatshe le letona le le

molemo, le elang mashi le dinotshi, mme O ne a sa
ba bolelela gore ba tshwanetse go fenya letshogo
gore ba le tsee.)
Ditlhola di ne tsa mmolelela dipolelo tse di makatsang ka

moeteledipelewa bone Moshe le ka fa Modimo o ne wa mo
laela go romela ditlhola kwa Kanana. Go tswa mo merafeng
e lesome le bobedi ya Iseraele, Moshe o ne a nale ditiro e
kgethegileng ya go tlhopha moeteledipele mo morafeng
mongwe le mongwe go ya go tlhola lefatshe la Kanana.E ne
e le loeto lo lo borai gape le le leleele. Mo tseleng ba kopana
le Bahite ba ba pelokgale le Bajebuse ba ba
boikgogomoso.Baamora ba ne ba sena kutlwelobotlhoko,
ba nna mo mafelong a mo dithabeng. Ba kopana le
Baamaleke, mekaloba ya banna, ba ba neng ba nna mo
borwa jwa lefatshe. Ba kopana gape le diganka tsa
Bakanana ba ba neng ba nna gaufi le lewatle le fa
letshitshing la noka ya Joretane. Pononyana ya merafe e
mo tseleng ba ya lefatsheng la tsholofetso e ne e dira gore
ditlhola di rorome ke letshogo. Bontsi jwa bone bo ne bo
ikana gore ga ba kitla ba tsaa loetolo lo borai jaana gape.
17
Mme mo gare ga bone go ne go nale baeteledipele ba ba

pelokgale,Joshua le Kalebe. Banna ba ba nonofileng ba
ba ne ba ba kgothatsa kgato e nngwe le nngwe ya
loeto.Ditlhola di ne tsa bolelela Rahabe dipolelwana tse di
kgolo ka banna ba babedi ba. Ba ne ba nale mowa o
pharologanyo le tumelo e faphegilengmo Modimong.
Ba ne ba kgothatsa ditlhola go kgaola kala ya

loungo la mofine, le gokget la digarenata le difeie
go supa tshiamo e mo lefatsheng leo kwa go
Moshe.
Fa Rahabe a ba isa kwa lefelong la borobalo, ba ne ba

gopola mafoko a Joshua a neng a tlhola a ba a raya go ba
kgothatsa. O ne a tle a bue one tota mafoko a Yahweh,
Modimo wa Baiseraele a a mo reileng. O ne a tle a ba
laele a re, “Thatafalang le nne pelokgale. Se boifeng; e
bile le se nyeme moko, ka gonne Morena Modimo wa lona
o tlaa nna le lona gongwe le gongwe kwa le go yang.”
Mafoko a ga Joshua:
“Gakologelwang lefoko le Moshe motlhanka wa

Modimo a lo le laetseng a re, “Morena Modimo
wa lona o lo neela boikhutso le lefatshe le.”
18
TUMELO YA GA
RAHABE
R
ahabe o ne a ntse fa fensetereng ya gagwe a fokwa
ke phefonyana e tsiditsana ya gare ga bosigo fa a
gopola malatsi a ditiragalo. Mo boteng jwa pelo ya
gagwe o ne a itse gore Modimo Mothatayotlhe o ne a
sireleditse ditlhola mo batlhokomedi ba ba neng ba galefile. O
ne a tsamaya-tsamaya fa lefelong le kgethegileng le, fensetere.
O ne a tshoga ka a ne a itse gore toropo ya ga gaabo e tsile
19
go wa. O ne a tlolela ka fa banna ba neng ba ikhutsitse teng

mme a ba fitlhela ba ise ba robale. “Ke a itse fa Morena a lo
neetse lefatshe le, re a lo boifa!” a goa. “Batho botlhe ba
lefatshe le ba boi ka ntlha ya lona,” a bua. O ne a itse tsotlhe
tse dikgolo tse Morena a neng a di ba direla. O ne a
kgadisetsa baIseraele metsi a Lewatle le Lehibidu. Ba ne ba
kgabaganya mo lefatshe le le omeletseng, mme e rile fa Faro le
batlhabani ba gagwe ba leka go kgabaganya metsi a ba
khurumetsa ba bo ba nwela botlhe.
“Dikgosi tse pedi tsa Baamora, Sihone le Ogeba bolailwe ke

batlhabani ba lona,” a bua. “E rile fela re utlwa dilo tse dipelo
tsa rona tsa nyera mme rotlhe ra boifa thata,” a bua.
O ne a ba bolelela fa a dumela gore Modimo wa bone o laola

legodimo le lefatshe. Fa a gopola tsotlhe tse a di utlwileng mo
dingwageng, tumelo ya gola mo pelong ya gagwe. O ne a itse
gore Modimo o tshwanetse a setse a ba neetse lefatshe e bile
ba tlaa ba fenya. Rahabe o ne a tsaa tshwetso ya go dira
tumalano le ditlhola gore ba sireletse matshelo a botlhe ba
lelwapa la gagwe. O ne a ba kopa gore ba nne pelotlhomogi
mo go bone fa ba boela phenyo. O ne a ba gakolola ka fa a
neng a le pelotlhomogi mo go bone mme a ba dira gore ba ikane
20
gore ene le boikgaitsadie, bomonnawe, mmaagwe, rraagwe le

botlhe ba ga bone ba tlaa bolokwa fa ba boa go tlaa go gapa
lefatshe.
Banna ba ne ba solofetsa Rahabe gore ene le ba lelwapa la

gagwe ba tlaa bolokwa ba bo ba ikana gore le bone ba ka swa
fa sengwe se ka ba diragalela. Fa ba sena go dira tomagano e
le Rahabe, ba lemoga fa letsatsi le tlhaba. Ka bofefo ba
emelela go tswa go tswa mo toropong ba boela kwa go Joshua
le banna ba bangwe go sena yoo ba lemogang. O ne a ba
ntsha ka mogala o mohibidu fa lefelong la gagwe le
kgethegileng, fensetere.
Fa ba tloga phakela o motona a taboga fa morago ga bone a

ba raya a re, “Yang kwa dithabeng le iphitlhe teng malatsi a le
mararo go fitlhela batlhokomedi ba ba lo senkang ba boela mo
toropong.” Banna ba ne ba mo gakolola gore ba tlaa
diragatsa maikano a bone. Ba ne ba supa mogala o ba neng
ba o dirisa go tswa ka fensetere le go fologa lebota.
“Tlhomamisa gore mogala o o akgega mo fensetereng ya gago
nako tsotlhe,” ba mo raya. “O tlaa nna sekao mo go rona
rotlhe ba re boelang Jeriko gore botlhe ba ba nnang mo
ntlong e ba bolokwe ba seka ba bolawa.” Ba ne ba dira gore
21
a ba solofetse gore botlhe ba lelwapa la gagwe ba tlaa nna mo

tshireletsong ya dipota tsa gagwe ka ba ne ka se mo tshepise
tshireletso ya ope yo o fitlhelwang kwa ntle ga dipota tse. Jalo
he Rahabe a bofelela mogala o mohibidu kwa ntle ga fensetere
fa lefelong la gagwe le kgethegileng.
Mafoko a o ka akanyang ka one:

Tumelo ya ga Rahabe e ne ya mo ntsha mo poifong ya motho.
Modimo o re laela go nna pelotlhomogi mo go ba re sa baitseng.
Bala ditemana tse:

Jakobe 2:25
Bahebera 11:1
22
JERIKO O A WA
J
oshua o ne a raa batho botlhe a re, “Iitshepiseng,
gonne Morena o tlaa tsoga a dira dikgakgamatso mo
go lona.” O ne a bua gape le baperisite a ba kopa go
tsholetsa Areka ya Kgolagano ba kgabaganya Noka ya
Joretane fa pele ga batho. Joshua o ne a utlwa lefoko la
botlhokwa go tswa kwa Modimong le le neng la mo fa tshepho
ya gore o tlaa gapa Jeriko.
Joshua o ne a laela monna a le mongwe go tswa mo morafeng

mongwe le mongwe go tsholetsa areka ya kgolagano go
kgabaganya Noka ya Joretane. Modimo o ne wa solofetsa
Joshua gore e tlaa re fela fa banna ba ba tshotseng areka ya
kgolagano ba gata mo metsing motlholo mongwe o tlaa
diragala. Joshua o ne a laela batho go sela matlapa a le lesome
le bobedi a emetseng merafe e lesome le bobedi ya Iseraele.
Ba ne ba mmotsa gore ke eng a re ba dire jalo. O ne a ba
bolelela fa Modimo a batla seo e nna segopotsosa ditiro tsa
gagwe tse di makatsang kwa Nokeng ya Joretane mo go bone
le mo baneng ba bone ka bosakhutleng.
23
Ga direga jalo, ya re banna ba gata mo metsing, modumo wa

go tleregana wa utlwala wa bo wa kwa godimodimo. Bana ba
Iseraele ba leba ka kgakgamalo le kgatlhego tiro e makatsang
e Modimo a neng a e dira. Metsi a ne a butse tsela mme
baIseraele ba kgabaganya Noka ya Joretane mo lefatsheng
le le omeletseng.
E ne ya re dikgosi tsa baAmora ba ba nnang kwa Bophirima

jwa Noka ya Joretane ba utlwa ka go arogana ga Noka ya
Joretane ba tshoga. Fela jalo, dikgosi tsa baKanana ba ba
neng ba nna go bapa le noka ba tshoga thata fa ba utlwa ka go
arogana ga Lewatle le Lehibidu le boleng teng jwa baIseraele
mo lefatsheng la bone. Dipelo tsa bone tsa nyera mme morafe
otlhe wa roroma.
Morafe o ne wa tshoga fa o utlwa ka go tla ga bone. Kgosi ya

Jericho o ne a ntsha taelo ya gore go se nne sepe se se
tswang kana se tsena mo Jeriko. Dikgoro di ne tsa tswalwa,
batlhokomedi ba nna ba le fa go tsone bosigo le motshegare.
Dipota di ne di le kwa godimo tota gape di le bophara jaanong
ba ne ba dumela gore fa dikgoro di tswetswe ga gona sepe se
se ka tsenang kana sa tswa mo toropong. Mongwe le mongwe
o ne a bua ka baIseraele le go nna teng ga bone mo lefatsheng.
Go ne go se ope yo o neng a itse gore ba tsene jang mo
toropong, mme botlhe ba ne ba roroma.
24
Kgosi le banna ba Jeriko ba ne ba ipakanyeditse go e

tlhabanela ka maatla le thata ya bone yotlhe. Joshua o ne a
itse gore ditsholofetso tsa Modimo di ne di ikanyega le gore
Jeriko o tlaa wa. Modimo o ne wa laela Joshua gore a bolelele
baIseraele go dira selo se se neng se sa tlwaelesega gotlhelele.
Ba ne ba tshwanetse go dikologa dipota tsa toropo ya
Jericho ka tidimalo e kgolo malatsi a le marataro. Ka letsatsi la
bosupa ba ne ba tshwanetse go dikologa ga supa ba bo ba
letsa ditorompeta. Ba ne ba tshwanetse go goa ka thata
yotlhe ya bone gore motlholo o diragale.
Modimo o ne o setse o solofeditse baIseraele

boswa jwa Kanana pele ga ba goroga teng. Le
mororo, go ne go na le tiro e tshwanetseng go
dirwa. Ba ne ba sa nne fela ba sa dire sepe. Ba ne
ba tshwanetsa ba dira ba obamela tumelo ya
bone. Ba obemela lefoko la Modimo. Joshua le
batlhani ba gagwe ba ne baka seke ba gape Jeriko
le goja boswa ditsholofetso tsa Modimo kwa ntle
ga boikobo. Boikobo jwa bone e ne e tsela ya
phenyo ya bone.
Ba ne ba dira fela jaaka ba ne ba boleletswe. Malatsi a

marataro ba gwanta ba dikologa toropo ka tidimalo. Ka taelo
ya ga Joshua, ka letsatsi la bosupa, dinaka tsa letswa ga nna
25
le modumo o mogolo mo Jeriko. Lefatshe la roroma ka fa tlase

ga dipota tsa ba tsa nwela mo lefatsheng, tsa thubega
diphatsaphatsa. Dipota tsa Jeriko tsa wa tsa phatlakana.
Batho botlhe ba Jeriko ba goa fa baIseraele ba taboga mo
godimo ga dipota tse di thubegileng ba ba fenya.
26
MOGALA O MOHIBIDU
E
rile batlhabani ba bona mogala o mohibidu o
akgega fa fensetereng ya ga Rahabe ba
tlhomamisa gore batlhabani botlhe ba o bone. Ba
diragatsa maikano a bone, ba tlhomamisa gore Rahabe le ba
ga bone ba sireletsegile.
Fela jaaka Rahabe a ne a laetswe go itshireletsa ka

go tshabela mo dipoteng tsa ntlo ya gagwe kana
a lebagana le loso, Kereste o
re biletsa kwa lefelong la
tshireletso e bong mo go Ene.
Fela jaaka fa Noah a ne a bitsa
banna, basadi le bana gore ba
tshabele mo arekeng ka
morwalela o ne o tla, Kereste
o bitsa banna, basadi le bana
ba gompieno go tshabela ka fa
tlase ga moriti wa gagwe le go
bona botshabelo ka fa tlase ga
moriti wa diphuka tsa gagwe
tse di maatla.
27
Rahabe, mosadi yo o neng a sa itsege mo Jeriko e bile a

nyaditswe ke batho ba bantsi, o ne a nna Mohumagadi wa
Iseraele. O ne a nyalwa kwa Iseraele. Modimo o ne wa fa
tlotla tumelo ya gagwe mme a nna mmaagwemogolo-golo
Kgosi Dafite le Jeso Keresete. Ga gona ope wa basadi
ba swetseng mo morago ga dipota tsa Jeriko a neng a ka
ikgantsha ka tlotla e kgolo eo.
Le ntswa Rahabe a ne a nna mo lefatsheng le le

neng le humanegile mo semoweng, ene o ne a
humile e bile a nonofile mo tumelong.
Ka tumelo ya gagwe le ditiro tsa bopelontle, botshelo jwa

gagwe le jwa dikokomane tsa gagwe jwa fetoga go ya
bosakhutleng.
Go akarediwa mo losikeng la ga Jeso Keresete

go raya gore o ne a nale seabe mo lenaneong le
faphegileng la Modimo la go tsisa Kgosi:
Motlodiwayo o neng a sa tla go boloka bana
baIseraele fela mme le botlhe ba ba dumelang
mo go Ene.
28
Akanya ka mafoko a:
Le ntswa Modimo a ne a solofeditse Joshua
phenyo, ba ne ba tshwanetse go lwela lefatshe
leo.
Kanana e ne le mpho ya mahala ya baIseraele e neng e tswa

mo Modimong, mme ba ne ba tshwanetse go e lwela.
Modimo le rona o re file neo ya mahala ya Poloko mme mo
loetong go tlaa nna le dikgwetlho, diteko le dipitlagano.
Botlhe ba ba baang tshepho le tsholofelo ya bone mo

Modimong yo o tshelang ba tlaa fenya.
Ba ba tshepang mo Modimong yo o tshelang e

bile ba obamela lefoko la gagwe ga ba nke ba
latlhegelwa. Ba balwa e le bafenyi.
Bala ditemana tse:

Mathaio 1:5
Mathaio 5:7
Pesalema 117:2
Jakobe 2:25
2 Petere 1:4
29
MOKGATLHO WA BAEBELE WA MALATSI A

BOIKHUTSO WA GA RAHABE
Fensetere ya ga Rahabe
Bala Pesalema 111:4
1) Akanya ka dilo tse di gakgamatsang tse Modimo o di dirileng mo

botshelong jwa gago. A o ka di bua le palo ya tsone?
Pesalema 145:6
2) Kwala mafoko a wena o ka a dirisang go tlhalosa se Modimo e
leng sone.
30
Ditlhola
3) Bodilo jo bo phothelang ke eng?
4) A o itse gore mmoko ke eng? Fa karabo e le ee, tlhalosa gore ke

eng kana o botse motsadi wa gago, morutabana kana bomogoloo.
31
5) Baebele e dirisa lefoko “mmoko” go tshwantshanya eng? (Go

tshwantshanya go tewa o dirisa lefoko jaaka sekao kana letshwao
kana go tlhalosa tiro e tlaa diragalang.)
GO TSWA MO LEFELONG LA BOTSHABELO GO YA KWA LEFELONG LA

BOIKHUTSO
Dipalo 13:1-33, 14:1-10, 26-38
Agelela karabo e siameng:
6a) Moshe o ne a rometse ditlhola di le kae go ya go tlhola lefatshe?

a) 13
b) 14
c) 12
d) 10
e) 2
32
B) Mo ditlholeng tse ke ba le kae ba ba neng ba tlhophiwa go

tsamaela kwa pele gore ba tsene mo Jeriko?
a) 12
b) 6
c) 7
d) 2
e) 3
7) Ke maungo a fe a ditlhola di neng tsa boela kampeng ya

baIseraele ka one?
a. Loungo la mofine, Digarenatale Aporikote
b.Diapole, Dipere le Dipulumu
c. Loungo la mofine, Digarenate le Difeie.
d. Dipanana, Dinamune le Dipeinapole
e. Gareleke, Gemere le Pherefere
Tumelo ya ga Rahabe
8) Tumelo ke eng?
33
9) Tlhalosa tumelo ya ga Rahabe
10) Ke mang gape mo baebeleng yo o ka tlhaloswang e le monna

kana mosadi wa tumelo? Ba ne ba supa jang tumelo ya bone?
34
Jeriko o a wa
11) Joshua o ne a gapa jang lefatshe la Kanana?
a. Ka go raa baIseraele a re Moshe ke moeteledipele yo o siameng.
b. Ka go raa baIseraele a re ke moeteledipele yo o siameng.
c. Ka go romela baIseraele go ya ka merafe ya bone.
d. Ka go obamela lefoko la Modimo.
e. Ka go pateletsa baIseraele gore ba tlhabane.
12) Le fa Modimo a ne a solofeditse Iseraele lefatshe la Kanana, ka

goreng ba ne ba tshwanetse go le lwela?
Mogala o Mohibidu
13) A mongwe le mongwe o ka bolokwa, go sa kgathalesege gore ba
ne ba tshela jang mo lebakeng le le fitileng kana mekgwa ya bone?
35
14) Fa ditsela tsa motho di itumedisa Morena, O dira gore a baba ba

gagwe ba nne le kagiso le ene (Diane 16:7). Re ka nyalanya jang
mafoko a le polelo ya ditlhola tsa ga Joshua le Rahabe?
15) Ke eng Rahabe a ne a bofelela mogala o mohibidu mo

fensetereng ya gagwe?
36
DIKARABO
Batsadi le Barutabana ba ba rategang, tswee tswee thusang bana go
araba dipotso tse. Dikarabo tse di tlaa lo thusa. Tswee tswee balela
kwa pele, fa o ithuta o dirise dirise dikarabo tse gogo kaela fa o dira
dipatlisiso tsa gago.
Fensetere ya ga Rahabe
Bala Pesalema 111:4
1) Akanya ka dilo tse gakgamatsang tse Modimo o di dirileng mo

botshelong jwa gago. A o ka di bua le palo ya tsone?
Pesalema 145:6
2) Kwala mafoko a wena o ka dirisang gotlhalosa se Modimo e leng
sone.
Ditlhola
3) Bodilo jo bo phothelang ke eng?
Bodilo jo bo phothelang bo ne bo dirisiwa bogologolo kwa mafelong a
kgakgala mo mafatsheng mangwe go aroganya korong le mmoko. Go
ne go dirisiwa mefuta e farologanyeng. Bana ba ka batlisisa mefuta eo.
Bodilo jo bo phothelang ga ntsi bo ne bo fitlhelwa mo thabeng, mo
godimo ga marulelo kana lefelo lengwe le le kwa godimo kwa mmoko o
ne o ka tsewa ke phefo motlhofo. Lefelo le gantsi le na le phefo e ntsi.
Korongkana peo e ne e silwa: ditlhako tsa dikgomo (dikgomo di gataka
peo, dikala, dithupa, matlapa le didirisiwa tse dingwe) di ne di dirisiwa
go sila peo go e aroganya le mmoko. Dipeo tse le mmoko di ne di
latlhelwa mmogo mo phefong, se se ne se ka dirwa ke basadi ba le bane
ba tshwaraganetse letsela le letona le le lekanang dintlha tsotlhe.
Mmoko o tlaa bo o tsewa ke phefo go sala peo e ntle kwa morago.
37
Seoloso le sone se ne se dirisiwa go dira tiro yone e ya go aroganya peo

(korong) mo mmokong.
4) A o itse gore mmoko ke eng? Fa karabo e le ee, tlhalosa gore ke eng

kana o botse motsadi wa gago, morutabana kana bomogoloo.
Mmoko o ka tlhaloswa e le makape a peo. Gape o ka bidiwa photlha
kana sekgapha sa peo se gantsi se latlhwang.
Ka go tshwantshanya, baebele e dirisa seo go farologanya balatedi ba ga
Keresete le ba ba sa mo lateleng: go farologanya ba ba dumelang mo go
Keresete e bile ba mo tshelela le ba ba sa dumeleng e bile ba itshelela
fela.
5) Baebele e dirisa lefoko “mmoko” go tshwantshanya eng? (Go kaya

go tewa o dirisa lefoko jaaka sekao kana letshwao kana go tlhalosa
tiro e tlaa diragalang.)
Mo Jeriko otlhe Rahabe le botlhe ba lelwapa la gagwe ke bone fela ba

ba neng ba bolokilwe. Fa o ka tlhalosa e le korong e aroganngwa le
mmoko.
Fa ditlhola di atamela ntlo ya ga Rahabe, o ne a setse a ikaeletse go ba

neela batlhokomedi ba toropo. Ka tumelo o ne a supa fa a dumela mo
Modimong wa baIseraele. Ka go dira jalo, ene le botlhe ba ntlo ya gagwe
ba bolokwa. Tumelo ya gagwe e ne ya bonagala mo ditiro tsa gagwe ka
go thusa baIseraele ba ba neng e le baba ba batho ba gagwe. Tumelo e
sena ditiro ke moka e suleng:
Jakobe 2:25
“Go ntse fela jalo le ene Rahabe wa seaka, a ga a a siamisiwa ka ditiro,
ka a tshola barongwa, mme a ba ngwegisa ka tsela e sele?”
38
Go Tswa Mo Lefelong La Botshabelo Go Ya Kwa Lefelong La Boikhutso

Dipalo 13:1-33, 14:1-10, 26-38
Agelela karabo e siameng:
6) Moshe o ne a rometse ditlhola di le kae go ya go tlhola lefatshe?

c) 12
B) Mo ditlholeng tse ke ba le kae ba ba neng ba tlhophiwa go tsamaela

kwa pele gore ba tsene mo Jeriko?
d) 2
7) Ke maungo a fe a ditlhola di neng tsa boela kampeng ya baIseraele

ka one?
c) Loungo la mofine, Digarenata le Difeie.
Tumelo ya ga Rahabe
8) Tumelo ke eng?
Baebele ya re re tshwanetse go atamelaModimo ka ‘tumelo”: ‘Gonne
yo o tlang Modimong o na le go dumela fa a le teng e bile e le one
moduedi wa ba ba o batlang’ (Bahebera 11:6). Re ka itse Modimo fela
fa re ka nna le tumelo mo go morwawe Jeso Keresete.
Ga re kake ra itse Modimo le boammaruri jwa gagwe go fitlhela re
tsalwa seshwa.
(Johane 3:3)
Tumelo nako nngwe e kgona go tseelwa gore ke maikutlo a rona. Re
ka itsetsepela mo lefokong la Modimo le le sekeng le palelwa kwa ntle
ga maikutlo a rona. Maikulto a rona a nale go fetoga, a ka ya kwa godimo
le kwa tlase, mme lefoko la Modimo le ema ka mokgwa o le mongwe e
bile ga le fetoge. Re le Bakeresete re ipona re le bangwe le Keresete. Se
se tshwanetse sa ama karolo nngwe le nngwe ya botshelo jwa rona.
Matshelo a rona a tshwanetse a ungwa go tshwana le Jeso Keresete. Ka
tumelo le boikobo re ka fenya ditiro tsa yo o bosula, tsa nama le lefatshe.
Ka tumelo re na le tsholofelo ya gore re a amogelesega fa pele ga
Modimo. O re thusa go ineela mo moweng wa gagwe o o boitshepo, re

tshela matshelo a rona re mo obamela.
Dintlha tsa botlhokwa le ditlhaloso:

Ka Tumelo ke ipona jaaka Modimo a mpona.
Ka tumelo ke ka iteba ke le mongwe le Keresete mo losong le mo

tsogong ya gagwe.
Ka Tumelo ke tlhomamisaphenyo ya gagwe ya sebe, loso le saatane

(Baroma 6:11)
Ka Tumelo re solofeditswe thata e re nang le yone mo goKereste.

(Baroma 6:6, Bakolosa 3:1)
Ka Tumelo re ka tshela re mo obamela (2 Bakorinthe 5:15)
9) Tlhalosa tumelo ya ga Rahabe

Ka tumelo, Rahabe o ne a ipona a le mongwe le ditlhola. Re le
Bakeresete re bangwe le Keresete. Seo e ne e le motheo wa tumelo ya
ga Rahabe: o ne a ipona a le mongwe le Keresete. Rahabe ka ntlha ya
tumelo ya gagwe o ne a itumetse fa mongwe le mongwe a tshogetse
botshelo jwa gagwe. Rahabe o ne a le ka fa letlhakoreng la Modimo le
ntswa ka tlholega a tsieditse lefatshe la gaabo. Jalo he ga re kake ra
tlhakatlhakanyamaikutlo a rona le tumelo. Aberahame o ne a sa batle go
ntsha morwae setlhabelo, mme ka tumelo le boikobo mo Modimong, o
ne a dira se Modimo o neng o se mo laetse. Modimo a itumela thata mo
a neng a ntsha setlhabelo se sengwe boemong jwa morwae. Modimo o
ne o leka tumelo le boikobo jwa gagwe.
40
10) Ke mang gape mo baebeleng yo o ka tlhaloswang e le monna kana

mosadi wa tumelo? Ba ne ba supa jang tumelo ya bone?
i. Ntate Aberahame
ii. Ruthe wa Moabe
Ntate Aberahame: Genesise 22:2-18

-Ka go ntsha morwae Isake
Modimo o ne o solofeditse Aberahame morwa ka mosadi wa gagwe Sara,
le fa a ne a ntse a sa tshole dingwaga tse dintsintsi. Fa a sena go amogela
tsholofetso eo, Modimo wa mo leka ka go mo laela go ntsha morwae.
“Tsaya morwao jaana, morwao yo o esi, yo o mo ratang, e bong Isake, o ye

kwa lefatsheng la Moria, o mo ntshe tshupelo ya phiso gone, mo thabeng
nngwe e ke tlaa go e bolelelang.”
Ka TumeloAberahame o ne a amogela tsholofetso ya ngwana wa

mosimane. Ka Tumelo o ne gape a kgona go neela morwae a ikobela
Modimo. Aberahame o ne a sa baa mo maikutlong a gagwe.
Ka tlwaelesego, lefatshe le ka bitsa Aberahame monna yo o bosula, mme

Modimo e ne o a mmitsa monna wa tumelo (Jakobe 2:20, 21)
Ruthe wa Moabe Ruthe 1:8-18

-Ka go sala Naomi morago fa a Bethelehema.
Naomi o ne a humanegile, a tshwenyegile e bile a tsofetse, mme Ruthe o
ne a seka a kgobiwa marapo ke seemo sa gagwe. O ne a tsaa tsia Modimo
wa ga Naomi e bile a eletsa go ikgolaganya nae. Le ntswa Naomi o ne a
mo kgothatsa go nyala gape le go nna mo Moabe,o ne a sa bee thata mo
maikutlong a senama mme o ne a baa tumelo ya gagwe mo Modimong wa
ga Naomi.O ne a itse gore Modimo o tlaa nna nabo.
“Batho ba gaeno e tlaa nna batho ba gaetsho, le Modimo wa gago e tlaa

nna Modimo wa me.”
41
Jeriko a wa
11) Joshua o ne a gapa jang lefatshe la Kanana?
d. Ka go obamela lefoko la Modimo.
Keresete o rekile poloko ya rona mo mokgorong. Le fa go ntse jalo, re

tshwanetse go nna kutlo mo lefokong la Modimo gore re akole
ditshegofatso. Ka tumelo, le tsholofelo re tsepamisa lerato le botswapelo
jwa rona mo dilong tsa selegodimo, re ‘tsaa di tsa rona’, e se fela mo
legodimong, mme le di tsa rona tsa tlholego mo lefatsheng.
Mo Joshua kgaolo ya ntlha, Modimo o ne o file Joshua taelo e kgolo mme

a seka a diegela go diragatsa ka manontlhotlho ditaelo tsa Modimo. Ditiro
tsa gagwe di ne di sa tlotlomatse Modimo ka osi, mme di ne di kgothatsa
le batho ba gagwe.
12) Le fa Modimo a ne a solofeditse Iseraele lefatshe la Kanana, ka goreng

ba ne ba tshwanetse go le lwela?
Tumelo e senang maduo ke moka e suleng (Jakobe 2:17-26). Fa Modimo
a re solofetsa o solofela gore re e direla ka tumelo: re supa boikobo le
tumelo. Tsibogo ya rona le ditiro tsa rona mo ditsholofetsong tsa Modimo,
ke tsibogo ya tumelo. Kwa ntle ga tumelo ga re kake ra kgatlha Modimo.
BaIseraele ba ne ba tshwanetse go nna boikanyego mo ditaelong tse di
neng di neetswe Moshe tse di neng tsa neelwa le Joshua gape. Bontsi jwa
bone ba ne ba boifa mekaloba e e mo tseleng, ba ne ba belaela gore a
mme ba tlaa goroga kwa lefatsheng la tsholofetso. Go nna boikobo e ne ele
tsela ya konokono mo baIseraeleng go ka bona ditsholofetso tsa Modimo.
Mogala o mohibidu
13) A mongwe le mongwe o ka bolokwa, go sa kgathalesege gore ba ne
ba tshela jang mo lebakeng le le fitileng kana mekgwa ya bone?
Ee. Le fa bontsi bo ne bo kgoba Rahabe, a nale boitshwaro jo bo
belaetsang, Modimo o ne a ntse a mo rata gape o ne a kgona go mmoloka.
42
Jeso o bolelwa e le: “tsala ya baleofi”. Moono wa gagwe mo lefatsheng e

ne e le go batla le go boloka baleofi. Polelo ya ga Rahabe e re gakolola gore
mongwe le mongwe o ka bolokwa. Rahabe o ne a nyalwa ke Salemonea
nna mmaagwe Boase, rraagwemogolo Kgosi Dafite. Mo mosading wa
setho se se kwa tlase jaaka Rahabe, e ne e le tlotla e kgolo go akarediwa
mo tshikeng yoo Ra-Jeso Keresete.
14) Fa ditsela tsa motho di itumedisa Morena, O dira gore a baba ba

gagwe ba nne le kagiso le ene (Diane 16:7). Re ka nyalanya jang mafoko
a le polelo ya ditlhola tsa ga Joshua le Rahabe?
Modimo o ne a gogela ditlhola kwa lebating la ga Rahabe, wa moKanana
e bile e le mmaba wa Iseraele. O ne a seka a tsibogela taelo ya Kgosi ya
Jeriko ya gore a ntshe ditlhola. Fela, o ne o a ipona a le moono o le mongwe
fela le baba ba gagwe. Banna ba ditlhola ba bona kagiso fa ba ne ba
tshwanetse go nna mo mathateng. Modimo o hauhela ba ba mo ratang ka
letlotlo. Go a kgonega gore Modimo a dire ba ba go tlhoileng gore ba felele
ba go segofatsa.
15) Ke eng Rahabe a ne a bofelela mogala o mohibidu mo fensetereng ya

gagwe?
Rahabe o ne a lepeletsa mogala o mohibidu ka fensetere go dira gore
batlhabani ba Iseraele ba kgone go e lemoga. O ne a dumalane le bone
gore seo e tlaa nna sekao mme ene le ba ga bone ba babalesege. Ntlo ya
ga Rahabe e ne e le gaufi le lebota la Jeriko. Go a makatsa gore lebota la
Jeriko le bo le ole mme ntlo ya ga Rahabe e sale e eme. Mo go ka akanngwa
e le motlholo. Se se re gakolola gore Modimo o mogolo mo dilong tsotlhe
e bile o kgona go boloka go fetisa selekanyo botlhe b aba beileng tshepo
mo go ene.
Mogala o mohibidu o tswa mo Kgolagano e kgologolo o fetela kwa go e

ncha:
Madi a a neng a kgatshitswe mo dimapo tsa dipati tsa baIseraele mo
Egepeto a ne a dira gore moengele wa loso a lemoge matlo a bone mme
43
a ba tlole fa bana botlhe ba ntlha ba bolaiwa (Ekesodo 12:13). Fela jalo,

Rahabe le ene o ne a laelwa go baa mogala o mohibidu fa fensetereng go
itsa gore ene le ba gaabo ba bolawe. Mogala o mohibidu o fetelela le kwa
Tshenolo fa batho ba leng 144,000 ba tlaa falola katlholo e le ba ba
tshwailweng mo patleng (Tshenolo 7:3).Go ikobela Morena e ne e le se ba
neng ba itsewe ka sone (Tshenolo 14:1-5). Boikobo bo farologanya
Bakeresete le ba eseng bakeresete. Ditlhola ba ne ba dira tumalano ya
kgolagano le Rahabe mo Joshua 2:19, fela jaaka Keresete a ne a dira
kgolagano ya botsalano le rona, a re kgaoganya le ba ba tsileng go nyelela.
Ba lelwapa la ga Rahabe fa ba ne ba amanye le mongwe le mongwe ba
kabo ba ne ba sule. Re le bana ba Modimo, re biletswa go kgaogana le
lefatshe.
Bana ba ka rotloediwa go tsepama mo go Keresete ka go sa dira tse

baebele e reng Modimo ga a di rate.
44
MOKWADI
Ruth Dickson o na le dineo tse dintsi, go kwala ke nngwe ya
tsone. Ke sealogane sa sekolo sa baebele (European
Missionary Fellowship, Welwyn, United Kingdom). Ruth o
neetse botshelo jwa gagwe mo go direleng bogosi jwa
legodimo. Tiro ya gagwe ya borongwa e mo tsamaisa mo
mafatsheng a farologanyeng kwa a thusang makalanaa
farologaneng le dikereke tse di rutang e bile di rotloetsa bana.
45

RAHABE Mosadi Yo o Pharologanyo o Dirisiwa Ke Modimo.

Uploaded by

Document Information

Original Title

Copyright

Available Formats

Share this document

Share or Embed Document

Sharing Options

Did you find this document useful?

Is this content inappropriate?

Copyright:

Available Formats

RAHABE Mosadi Yo o Pharologanyo o Dirisiwa Ke Modimo.

Uploaded by

Copyright:

Available Formats

rahan book setswana draft 2:Layout 1 07/12/2012 15:43 Page 1

© 2011 - Ruth Dickson

This book is protected by the copyright laws of the United

Ke rata go kgethela mme buka e, mosadi yo o

Mme Florence Dickson (nee: Giwa)

Rahabe o ne a nna kwa Kanana, mo toropong e

E ne e re fa Rahabe a sa bereke a nne fa

O ne a utlwaletse dimakatso le ditiragalo tse di

fa fensetereng, mme gangwe le gape a akanye ka fa

Rahabe o ne a kgatlhwa thata ke dipolelo tse. O ne

Rahabe o ne a itshelela mo lefatsheng la gagwe, ba

Mongwe le mongwe mo Jeriko o ne a tsaya Rahabe

Bala ditemana tse:

A ba botsa se ba se batlang matlho a gagwe a

Banna ba babedi ba ba ne ba bolelela Rahabe fa

Modimo gore ba tle ba kokote fa lebating la gagwe.

Kgabagare, a utlwa lentswe le goa le re, “Ntshetsa

Rahabe a tseela ditlhola tse kwa godimo ga dikago,

Mo nakong e sa fediseng pelo, Rahabe a utlwa

Ba ne ba tswelela ba goa ba botsa Rahabe dipotso

Fa batlhokomedi ba sena go tsamaya e bile a

O ne a dira ka fa go tshwanetseng go ya ka tumelo

O ne a utlwile ka monna yo o neng a bidiwa Ntate

Jeriko le go batla lefelo la botshabelo. Modimo o ne o buile

(Fa Modimo o re solofetsa mo baebeleng, re

Rahabe o ne a boifa thata, mme gape a itumelela se Modimo

Ba ne ba mmolelela ka fa Modimo wa bone a neng a ba

ba dira gore ba lelela kwa Modimong le go tla fa pele ga gagwe

(O ne a ikana go ba fa lefatshe le letona le le

Ditlhola di ne tsa mmolelela dipolelo tse di makatsang ka

Mme mo gare ga bone go ne go nale baeteledipele ba ba

Ba ne ba kgothatsa ditlhola go kgaola kala ya

Fa Rahabe a ba isa kwa lefelong la borobalo, ba ne ba

“Gakologelwang lefoko le Moshe motlhanka wa

go wa. O ne a tlolela ka fa banna ba neng ba ikhutsitse teng

“Dikgosi tse pedi tsa Baamora, Sihone le Ogeba bolailwe ke

O ne a ba bolelela fa a dumela gore Modimo wa bone o laola

gore ene le boikgaitsadie, bomonnawe, mmaagwe, rraagwe le

Banna ba ne ba solofetsa Rahabe gore ene le ba lelwapa la

Fa ba tloga phakela o motona a taboga fa morago ga bone a

a ba solofetse gore botlhe ba lelwapa la gagwe ba tlaa nna mo

Mafoko a o ka akanyang ka one:

Bala ditemana tse:

Joshua o ne a laela monna a le mongwe go tswa mo morafeng

Ga direga jalo, ya re banna ba gata mo metsing, modumo wa

E ne ya re dikgosi tsa baAmora ba ba nnang kwa Bophirima

Morafe o ne wa tshoga fa o utlwa ka go tla ga bone. Kgosi ya

Kgosi le banna ba Jeriko ba ne ba ipakanyeditse go e

Modimo o ne o setse o solofeditse baIseraele

Ba ne ba dira fela jaaka ba ne ba boleletswe. Malatsi a

le modumo o mogolo mo Jeriko. Lefatshe la roroma ka fa tlase

Fela jaaka Rahabe a ne a laetswe go itshireletsa ka

Rahabe, mosadi yo o neng a sa itsege mo Jeriko e bile a

Le ntswa Rahabe a ne a nna mo lefatsheng le le

Ka tumelo ya gagwe le ditiro tsa bopelontle, botshelo jwa

Go akarediwa mo losikeng la ga Jeso Keresete

Kanana e ne le mpho ya mahala ya baIseraele e neng e tswa

Botlhe ba ba baang tshepho le tsholofelo ya bone mo

Ba ba tshepang mo Modimong yo o tshelang e

Bala ditemana tse:

MOKGATLHO WA BAEBELE WA MALATSI A

1) Akanya ka dilo tse di gakgamatsang tse Modimo o di dirileng mo

4) A o itse gore mmoko ke eng? Fa karabo e le ee, tlhalosa gore ke