Professional Documents
Culture Documents
Battery Chungchang Tlem
Battery Chungchang Tlem
Battery hi chi hrang² a awm a, a lian deuh leh te deuh, hmanna pawh chi hrang tam
tak siam chhuah a ni tawh a, tun a ka rawn sawi tur hi Inverter leh Motor atana
hman 12volt bik a ni a.
Battery hi a chhung a in ping dang thliah² a, 12volt bik hi pindan paruk awm in
pindan pakhat zel hian 2volt a keng zel a, chumi pindan paruk series kual chu
12volt a lo ni ta a ni.
A chhungah hian plate, Negative (-) leh Positive (+) plate awm in a inkar dangtu
tur separator a awm vek bawk a, pindan pakhatah positive plate 5 a awm chuan
negative plate 6, positive 6 ah negative 7, 20 ah 21,,, chutiang zel chuan, a len dan
azirin a tam in a tlem mai a ni a, a lian deuh in power an khawl hnem a, a te deuh
in an khawl tlem deuh a ni mai, mahse a hmanna tur azirin a lian leh lian lo chu
kan hrethiam vek awm e.
Kan sawi tawh ang khian battery ah hian a plate dah zat tur bithliah thlap zel a ni a,
150 AH (Ampere Hour) ah hian a tlangpuiin pindan pakhatah Positive (+) 20,
Negative (-) 21 a awm ṭhin a, chu² a short lohna turin a inkar dan zelah separator
fibre an rawlh lut ta ṭhin a, chung pindan pakhat zel chu a post ah link (series) kual
zel in 12volt a lo chhuak ta a ni. An rem pum fel hnuah Sulphuric Acid an thun ta
a, power 12volt DC a lo chhuak ta a ni, a duh tui zual chuan darkar 4/5 te chiah tir
phawt in an charge chauh ṭhin, charging bulṭhut hi a fuh chuan nakin zel a hman tlo
leh tlo lohah a pawimawh em² a ni.
A chhiat chhan--
Battery kan hmang ta char² a, a chhunga - plate leh + plate te kha a lo ei zawp ve
zel a, a nawi chu a hnuaiah tling khawm zelin a plate pahnih a rawn chim chhoh
thlen chuan short circuit a siam ta a, cell khat chhia chuan 2volt hna an thawk thei
ta lo ṭhin a ni, kan hmanrua khan 12volt a mamawh si a, pakhat cell chhia, 2volt
tling thei tawh si lo, tling thei tur khan a zu charge ta vak ṭhin a, inverter/battery te
chu a lo sa ta vak ṭhin a ni. Battery hi repair theih chu a ni a, mahse a buaipui leh
sen so te a san ve zel avang leh a daih rei ngai chuang loh avangin repair tur a in
kawhhmuh hi thil chakawm a ni lem lo a, a thar lei theih chuan lei zel mai hi a
finthlak zawk awm e.
Sawi tur tam tak a awm a, ka duhtawk phawt ange,, lo inenkawl ṭha ula, lo him zel
rawh u