Rawngbawlna Hlen
Rawngbawlna Hlen
RAWNGBAWLNA HLEN
Rev Jonathan Pachuau
II Timothea 4:5 – Nang erawh chu fimkhur la, hrehawm tuar la, Chanchin |ha hriltu
lam hna thawk la, i rawngbawlna kha hlen rawh.
K|P thil tum te:
1. Isua Krista rinna leh Amah anna kawnga \halaite hruai
2. Kohhran kut ke ni tura \halaite buatsaih
3. Kohhran hnathawh tihpuitlin
4. Krista Chanchin |ha puandarh
Thuhmahruai – Kumin 2023 chhung atan Biate North Branch K|P chuan
“Rawngbawlna hlen” tih chu kum puan thupui atan kan thlang a. Thupui atan a hman awm
tak kan thlang a a lawmawm ka ti hle. He kan thupui thlan hian hna min siam nghal a. Kan
zavaia tih hlawhtlin theih tur leh a lawmman pawh kan dawn nghal tur thupui kan nei hi a
phurawm hle mai.
1
2
chumi atana inpek hi member zawng zawng te chanvo leh rawngbawlna hmasa tur chu a ni
ang. Eng pawlah pawh committee members emaw, OB emaw te chauhvin pawl thiltum leh
din chhan tihhlawhtlin hi an mawhphurhna bik ani lova, member zawng zawng
mawhphurhna ani tih hi kan hriat reng a tha.
Kohhran din chhan pui ber chu midangte hnena Chanchin |ha sem darh leh Isua zirtir
ni tura midangte siam hi a ni. Hemi ang chiah hian K|P pawhin kan thil tum kan ziah chhuah
hmasa ber ah Isua Krista rinna leh Amah anna kawnga |halaite hruai tih kan nei a. He thil
tum pawimawh tak mai hi ti thlawhtling tura inpek hi he pawl ropui leh zahawm taka kan tel
chhan a ni ngei tur a ni. Heng thil kan tih puitlin theihna tur hian hmanraw hrang hrang kan
hmang \hin. Meet, sport, inkhawm, fellowship, hnatlang leh programme hrang hrang kan
buatsaih chhan pawh hi hmanraw engemaw hmanga |halaite hnena Isua rinna kawng
kawhhmuhna tur vek a ni. Chumi ah chuan phur taka kan va tel ve mai te, kan chanvo atan
theihtawp leh a \ha thei ang bera kan inbuatsaih mai kha rawngbawlna kan hlen theih dan tur
kawng hnai ber pakhat a ni.
K|P thil tum hmasa bera ziahlan hian a dang pathum hi a keng tel nghal vek a ni ti
pawhin sawi ila kan tisual tam lovang. Kohhran hnathawh tipuitling a, kohhran kutke ni tur
te, Krista Chanchin |ha puang darh tura inpekna tak tak nei tur chuan kan zui tur Krista rinna
leh amah anga Pa thu awih tura inpekna kan neih a tul a. Hemi kawngah hian midangte
buatsaih tur chuan kan tih mai mai hi a rem lova, kan thawhrim, kan inpek, kan inbuatsaih a
\ul takzet a ni. Rawngbawlna hian a thawktu min ti puitling mai nilovin midangte ah chona
dik leh kawng \ha a kawhhmuh a. Kan rawngbawlna ti a kan sawi zawng zawng hi kan mimal
nun nen a inzawm vek avangin chu rawngbawlna chuan mi hlu takah min siam thei bawk a
ni.
Inkhawm: Kohhran ho rawngbawlna langsar ber chu Pathian pawl tura inkhawm hi a
ni awm e. Pathian ringtu chuan thlarau lam nunah chakna a neih theihna tur te, a kotu Pathian
aw a hriat fo theihna turin Biak In ah a kal \hin tur a ni. Kohhran inkhawm hrang hrang kan
neih te ngaihpawimawh leh ngaia neih khawpa Biak In pan mi nih hi rawngbawlna hlen tura
min puitu \ha ber a ni. K|P member \henkhat |halai programme ah chiah tel tum, kohhran
programme dang ngai pawimawh leh si lo an awm leh zauh \hin. Hei hian kan rawngbawlna
in rah a chhuah tur ang a chhuah tir theilo \hin. Kan hla sak \hin lar takah chuan “Mi ten min
chhiar, min thlir reng e…” tih a awm a. Hei hian rawngbawltu nun pawimawh zia a tarlang
chiang hle. K|P member engemaw zat hi kohhran pui rawngbawlna a chanvo nei kan ni
hlawm. Kan chanvo ti hlawhtling tur hian chakna kan mamawh a, chumi atana pawimawh ber
chu Pathian Biak inkhawm ngaihpawimawh hi a ni.
Kohhran inkhawm piah lamah K|P inkhawm hun bik (Thawh\an zan) kan nei bawk a.
Kan puala inkhawm phei hi chu sawi ngailo khawpa kan ngaihpawimawh tur chiang sa a ni
ang. Kan tam emaw kan tlem emaw huhova Pathian kan biakna hian kan thlarau nun a tichak
a, chu chuan kohhran pumpui a \ha zawngin a nghawng \hin. Mi thenkhat chuan kan tlem leh
tam te hi kan inkhawm loh chhan chhuanlam atan hman kan ching. Kan tam leh tlem hian
Pathian kan biakna kawngah awmzia a nei tam lo. Mt.18:20 ah chuan “mi pahnih emaw
2
3
pathum emaw ka hminga an inkhawmna apiangah chuan ka awm si thin a” tiin kan hmu. Kan
tam leh tlem ai mah pawha pawimawh zawk chu kan kim hi a ni fo.
Pathian pawl tura kan inkhawm hian tisa tak pawhin hlawkna kan lo hmu thin a lo ni.
Kan inpumkhatna te, kan hmabak hlen tura \anrualna leh chakna min pe a. Rorel a awlsam a,
rawngbawlna kawng engkimah min ti sawt em em a ni. Kan inkhawm dan phung emaw, kan
hun hman rei zawng avang emawa inkhawm kan \hulh fo hian kan thlarau nun lam a cher tial
tial a, chu chuan rona, nguina leh tlukna ah min hruai mai \hin a lo ni. Mahni a kan theihloh
pawh midangte puihna avanga kan tihtheih tam tak a awm fo. Kan inkhawm hian midangte
nen inzarzawmna tha tak min pe a, chu chuan zirlai tam tak kan hriat lohin min zirtir a lo ni.
Up leh puithu taka kan inkhawm piah lamah zalen leh zangkhai zawkna inpawl
khawmna hun (fellowship) pawh kan nei fo mai. Hengtiang hun te hian kan nun chawk
harhtu leh keimahni a theihna (talent) haichhuahna tangkai a lo ni fo. Rimawi, sport, leh
thiamna (skill) hrang hrang keimahni a awm te haichhuah leh phochhuaha a awm fo na hmun
chu K|P inkhawm leh fellowship te hi a ni. Mizorama zaithiam, gospel hla sa lar ber ber te,
khawvel huap pawha zaithiam lar leh mi hriathlawh zinga a tam ber tih ngam te hi chu
Kohhran programme leh \halai programme atanga mi hriat an ni hlawm. Kan thlarau nun leh
tisa tak pawha hlawkna kan chharna hmun inkhawm ngaihpawimawh hi rawngbawlna hlen
tura kawng hmasa ber a ni hial ang.
Hnatlang: Pawl anga kan din tawh chuan tihtur leh hmachhawp kan siam \hin.
Project te, keimahni inrelbawlna tur te leh awmze nei zawka kan kal theihna turin sum kan
mamawh. Chumi atan chuan sumtuak hnatlang te kan nei thin. Hemi piahlamah kan
inpumkhatna atan te pawh thawh hona hi thil \ul tak a ni. K|P hian hnatlang kan ko fova,
heng hnatlang ah te hian a theih ang a tam tel hi kan mawhphurhna a ni tih kan hriat thar a \ul
hle mai. Hnatlang kan koh te hi sum zawnna ngawr ngawr lam aiin Pathian tana kan tih theih
tawk kan tih vena remchang a ni tih kan hriat a \ha. Mi pakhatin thil tam tak emaw, thil lian
tak emaw Pathian tan tih a harsa fo. A huhova kan thawh a, sum kan tuak hian mimala kan tih
theih loh tur kha awlsam takin kan ti thei \hin a lo ni.
Mi tam ber hi keimahni hna \heuhvah kan buai tawk kan nei vek mai. Hnatlang
regular tak te hi a tlawngawl ber berte an ni lem lo. Mahni tawka buaipui tur ngah tak te pawh
an ni ve hlawm. Rawngbawlna ngaihpawimawh vang leh chanvo hlen duhna avanga thawkte
an ni fo. Chhuanlam kan siam fona thil hi kan ngaihpawimawh lem loh te an ni thin.
Rawngbawltu mahni chanvo ngaipawimawh a, pawl hmalakna kawngah inpe tak te hi mi
rintlak an ni fo bawk. K|P member tinte hian committee rorel tih puitlin hi rawngbawlna
kan hlenna kawng a ni tih i hre thar leh \heuh ang u.
KTP branch tam berah chuan Faith Promise te kan lakhawm \hin a. Heng te hi kan
ngaipawimawhin kan theihtawp kan chhuah tur a ni. Mahni intiamna ang hlen zo lo nih hi
mihring tak pawhin tlawmah kan lak loh chuan rawngbawlna hlawhtling kan nei thei lovang.
Mi thenkhat chuan kan intiamna kan ngaipawimawh tawk lo fo. Kan intiamna milin thawktu
chawm zat turte, kan branch project te kan siam \hin avangin kan intiam ang kan pek leh loh
3
4
hian rawngbawlna a hlawhchham thei. A hun takah pe thei tura keimahni lam pawh kan lo
inbuatsaih lawk a \ul. Chhungte dil mai lovin mahni ngeiin thawhchhuah kan tum ve tur a ni.
Mahni insengso a Pathian hnena thilpek hi ringtute tih ngei tur a ni.
Heng a chunga kan sawi bakah hian K|P member tin ten kan ngaihpawimawh tur
langsar tak chu Bial/Gen.Conference ngaihpawimawh hi a ni. Kum khatah kan puala
inkhawmpui vawikhat kan neih hi kan ngaihpawimawh a \ul hle mai. Keinin kan ngaihlut loh
chuan midang tan chuan ngaihpawimawh chiam theih a ni lovang. Heng huna kan tel ve mai
te, zaipawl leh inkhawm hunah kan lo awm ve mai hian rawngbawlna kan hlen a lo ni zel
mai. Thenkhat chuan Sunday school kaikimloh hlauh vangte, chawlhna remchang atan hman
duh vangte in conference kal kan \hulh fo mai. Hei hi kan tih loh tur a ni ang. Heng kawngah
hian \an ila thar deuh deuh ang u.
Mihring ruat leh koh mai anga inngaihna hian rawngbawlna kan thlir dan te, chumi
tihlawhtling tura kan inpekna te a ti zuai fo thin. Mihring ruat mai kan ni lova, Pathian in a
kohhran kaltlanga a ruat kan ni tih hi kan vawn tlat a pawimawh hle mai. Min chhawrtu leh
min ruattu kan ngaih ropui dan hian kan hna leh chanvo kan thlirna a hruai thui hle. Pathian
chuan van atangin aw danglam tak hmanga min ruatna kan hre kher lo a ni thei. Kohhran
kaltlanga ruat kan nihna hi Pathian ruata kan pawm mai hian rawngbawlna hlen turin chakna
min pe thei a ni.
Chanvo ngaihhlut: eng chanvo pawh chang ila chumi atana ruat bik kan nihna hi kan
ngaihhlut thiam a \ul. Midang tam tak ruat awm an awm laia ruat bik kan ni hi kan ngaihlu tur
a ni. Chanvo ngainep chi tan rawngbawlna hlenchhuah tak tak theih a ni lo. Kan phak tawk
leh tih theih nia kan hriat aia hniam deuh pawh chanvo pek kan ni thei, chutiang hun alo thlen
pawhin rawngbawlna chanvo kha kan ngaihhlut a tul.
Committee member ka nih chuan committee hun a tel mai kha ka rawngbawlna a ni a.
Chhuanlam ho tete siama ka thulh fo chuan ka chanvo ka ngainep tihna a ni ang. |antu a ruat
ten chhan leh vang mumal pawh sawi lova an hun an hman loh fo hian rawngbawlna an
ngaihhlut tawk loh zia a lantir a ni. Thawhlawm khawn, \awng\ai inkhawm hruai, mitthi ral,
\awng\ai bethel leh hla zir thlengin kan ngaihhlut a, kan inbuatsaih theihtawp a kan inbuatsaih
mai hian Pathian kan chawimawi a, kan rawngbawlna kan hlen a lo ni. Kan chanvo hi thil
4
5
bik, mi bikin an thawh tur anga kan dawnsawn theuh chuan rawngbawlna \ha takin kan hlen
thei ang.
Inbuatsaihna tha: Rawngbawlna hlawhtling leh awmze thuk zawk nei tur chuan kan
inbuatsaih a pawimawh. Inbuatsaihna tello a rawngbawlna hian kan rawngbawlna a timit a,
midang tan ei tlakloh, ninawm a chantir fo thin. Rawngbawltu chuan a chanvo kha a theihna
sang berin a inbuatsaih ngei ngei tur a ni. Chu chuan rawngbawlna rah awmze nei a chhuah
tir anga, zo satliah mai ni lo, nghawng nei rawngbawlna a chhuah ang.
Mi thenkhat chuan kan lo tih tam tawh emaw, kan lo senior tawh emaw vang maiin
thil kan namnul fo thin. Hei hi rawngbawlna ti thuanawptu leh midangte ti hnualtu a ni fo.
Eng mawhphurhna pawh nei ila, kan lo tih fo tawh leh kan kalsan deuh tawh a kan hriat
thleng pawhin theihtawpa inbuatsaihna nen kan tih chuan Pathian in mal a sawm ngei ngei
\hin. Eng rawngbawlna pawh chang ila, ka dam chhunga ka hun hman hnuhnung ber tur anga
ngaia chu rawngbawlna chu ka thawh phawt chuan midangin ei tur an hmu ngei ngei thin.
Bible hriatna mai bakah tunlai hun mila mahni in chhiar zau te, tawngtai tam te,
kohhran kalphung leh tihdan hriatna kawnga inzir fo te hi rawngbawlna awmze neia hlen
turin a pawimawh. Inbuatsaihna tha kan neih chuan tulovah hun kan khawhral lova, hun kan
hmang reilo tlangpui bawk. Thusawi rei lutuk te pawh hi inbuatsaihna \hatloh vang a ni fo.
Committee huna sawi tur hre manglo a kan tluan fo anih chuan chu kan rorel leh pawl kal
danah chuan rilru kan pe tawk lo tihna a kawk thei ang. Ngaihtuahna kan sen a, kan vei a, kan
inbuatsaih chuan thu awmze nei sawi tur kan nei fo ang.
Pathian leh mahni inrin tawk: Rawngbawlna ah hian chapo a hlauhawm tluk zetin
mahni inngaihhniam lutuk hi a pawi thei. Pathian chuan mi zawng zawng hi theihna
engemaw tak chu min pe vek mai. |henkhat neih ang kha neilo mah ila kan neih ang kha
midangin an nei bik lo fo. Kan theihna zawn \heuhah ruat kan ni tih hi inpawm a \ul.
Rawngbawlna ah hian mahniin kan ding lova, min kotu leh min tirtu hian min dinpui a, min
kalpui tih hi kan hre reng tur a ni a.
Kan tihtheih tawk kan tih baka chuang turin Pathian a awm a, chu chu kan ring ngam
tur a ni. Keini lamin rawngbawlna awmze nei phurhchhuah kan duh aia nasa hian he hna
neitu hian a duh ang tih ring chungin theihtawp kan chhuah tur a ni. Keimahni kan inrintawk
lohna hian rawngbawlna ah min tichaklo thei. Chapo ni silo a rawngbawl tura ruat kan nihna
ah hian kan inrintawk a \ul.
Mawhphurhna pek apiang pha reng mai te, tih loh dan ngawt mai zawng chi te hian
mahni inrintawkna an tlachham mai nilovin a kotu Pathian an ring zo lo tihna pawh a kawk
thei. Kan theih loh tawp turah kan inruat ngai lova, Pathian leh kan rawngbawlpui ten min
ring anih chuan mahni pawh kan inring ngam tur a ni. Mahni inrintawklohna hi inbuatsaihna
\halovin a hrin a ni chawk bawk. Chapona avang leh mi beisei ang phak zo dawn lova in
hriatna hian rawngbawlna min phat tir fo. Pathian hian midang tu emaw anga rawngbawl
turin min ko lova, keimaha theihna awm ang anga rawngbawl turin min ko mai zawk a ni tih
hi i hre reng ang u. Chu chuan mahni inrintawkna min siam sak ngei ang.
5
6
Khawvela Pathian ram din leh Isua zuitu, atan mi rinawm siam hi K|P dinchhan a ni
a, he rawngbawlna kan thawhna ah hian hmanraw hrang hrang kan hmang thin. Sport, picnic,
hnatlang, fellowship leh a dang zawng zawng te hi rawngbawlna hlawhtling kan neih theihna
tura a chawchah (tawktarh) a ni tih pawh kan hriat tel a \ul. Chung zawng zawng chu rawng
kan bawlna, Pathian tana kan beihna vek a ni. Chutihlai chuan Isua chanchin leh zirtirna
midangte nuna tuh si lovin, heng a chawchah ringawtah hian kan inhmang zo palh thei tih
hriain kan fimkhur pawh a \ul.
Khawvel hian mi zei tak tak a ngah mai a, keini ho zingah hian mi zei tak hmuh tumin
min thlek lova, Pathian hmangaihtu leh ringtu, mi inpe leh Pathian thu anga nung thin mi
hmuh a tum a ni. I zei viaulo ani mai thei, mi theih ang zawng zawng i ti ve theilo pawh a ni
thei e, rawngbawlna ah hian i theihtawp i chhuah a ni tih mihring leh Pathian i hmuhtir anih
phawt chuan chu chuan rah \ha a chhuah ngei ngei anga, Pathian leh mihring ngaihin
rawngbawlna hlentu kan ni ang.
Kan mawhphurhna leh chanvo \ha taka kan tih mai hi rawngbawlna kan hlenna
kawng langsar berte zing a mi a ni. Heng bakah hian chung kan tihtur atan Pathian ring
chunga theihtawpa kan inbuatsaih te, Pathian leh committee in min rintawkna hre chunga
mahni kan inrintawk te, kan chanvo tihlawhtling tura kan theihna sang ber kan pek mai hi
rawngbawltu tih tur ani tih hi kan hriat tel a \ul. Tihloh aia ti ve ang leka kan chet hian kan
rawngbawlna in anih tura a ni phak lo fo a, chu chuan a entir chu rawngbawlna hlen zo lo kan
ni tih a tarlang bawk.
Sawiho tur:
1. Kan branch chetvelna (activity) ah hian member awm zat ngaihtuahin kan
phawkhai a rual tlangin kan hria em? Rualtlanglo nita se enge a chhan ni ang?
2. Rawngbawlna leh chanvo kan hlen loh fo zingah a langsar zual engte nge? Enge
kan hlenchhuah theih loh fo chhan nia kan hriat?